Даниял 11:33 - Гирами Китаб

³³ Хъа фагьумлудари халкьдиз вягъз-насигьят тувди ва саб вахтназ дурар утӀурккури хьиди – турихьди ва цӀихьди, йисирвалиинди ва тӀарашʼвалиинди.

Даниял 11:33 Referans Kwoze

Югьан 16:2

Учву мистариан утӀурккури хьиди. Гьациб вахт гъибдики, учву йикӀрудари, чпи гьаци апӀбиинди, Аллагьдин гъуллугънаъ ача кӀури, фикир апӀиди.

Матта 24:9

Гьадмуган учвуз аьзабар тувди ва учву йивну йихиди; учву, Йиз ученикар хьпаз лигну, вари халкьариз даккун хьидичва.

Ачмиш 17:6

Узуз думу дишагьли, Аллагьдин халкьдин ифи ва Исайикан шагьидвал апӀрударин ифи дубгъну, пиян духьну, гъяркъзуз. Узуз думу гъяркъиган, гъах гъахьир, узу йиз фикрихъна гъюрадайза.

Жугьдариз 11:34

гъизгъин цӀа ктӀубшвуйи, учӀру ханжларихьан чпи уьрхюйи. Дурарин зяифвал кьувватназ илтӀибкӀуйи, дурар дявдиъ кьувватлу шуйи ва алжагънайи къушмар гьергну гъягъюз гъитуйи.

Даниял 12:10

Гизафдар марцц хьиди, нурлу хьиди ва имтигьяндиан адаиди, хъа гьякьсузари, кӀуруш, гьякьсузвалар апӀуб давам апӀиди. Ва гьякьсузар аннамишʼвалихъна гъидар, аннамишʼвалихъна фагьумлудар гъиди.

Ачмиш 7:14

«Йиз аьхюр, думу увуз ужуди аьгъявуз!» – жаваб тувза. Дугъу гъапизуз: «Мурар зурба бедбахтвалариккан ккудучӀвдар ву. Дурари чпин палтар, Ччилан ифдиъ дурччну, лизи гъапӀну,

Ачмиш 6:9

Дугъу хьубпи печать алдабгъиган, узуз гъурбнар апӀрушван кӀанакк Аллагьдин Гафналантина ва дурари гъапӀу шагьидвалилантина гъийиху адмийирин рюгьяр гъяркъзуз.

Ачмиш 2:13

Узуз аьгъязуз, уву иблисдин тахт алишвʼин яшамиш шулайиб. Аммаки уву Йиз ччвурнахъан ижмиди хъичӀихнава. Уву Узухъ хъугъувалихьан иблис яшамиш шулайи ичв шагьриъ Йиз дугъри вуйи шагьид Антип гъакӀи йигъанра гьудучӀвундарва.

Ачмиш 1:9

Узу, Югьан, ичв гъардаш, Месигь Исайиъди саб вуди, учвухъди Дугъан бедбахтвалар, паччагьлугъвал ва сабурлувал пай апӀурайир, Аллагьдин Гаф ва Иса Месигьдихъан шагьидвал бадали Патмос кӀуру островдиин гъахьунза.

Тимофейиз-2 4:6

Хъа узкан хабар гъадабгъуруш, сарун йиз уьмур гъурбан апӀрушвʼина дубхнайиси алиб ву. Йиз гъягъру вахт ву сарун.

Тимофейиз-2 1:12

Магьа гьамдиз дилигну, узу гьацдар аьзабар аьгь апӀураза. Хъа узуз начди дарзуз! Узуз узу Шлихъ хъугънаш, аьгъязуз. Дугъу узʼин илипнайи гьадму ляхин Аьхиримжи йигъ гъяйизкьан вари уьбхрувалик йиз гьич саб шакра кадариз.

Коринф-1 4:9

Хъа йиз фикриан, Аллагьди учу, Месигьдин вакилар, аьжал тувуз жаза гьадабтӀнайи адмийирси, варидарин кьяляхъ дерккна. Вари дюнʼяйиз, малайикариз ва адмийириз учкан тамашачйир духьна.

Ляхнар 14:21

Гьаму шагьриъ дурари, аьгъювалар улупури, чпиз хайлин ученикар гъазанмиш апӀуру. Хъасин дурар Листрайиз, Иконияйиз ва Антиохияйиз хътакуру.

Ляхнар 11:26

ва, дагну, Антиохияйиз кьяляхъ хъади гъюру. Душваъ дурар сад йисан гъузнийи ва, хъугънайидар уч шлушваз Варнавна Саул гъюри, дурариз аьгъювалар улупури шуйи. Гьаддихъанмина гьадму Антиохияйиъ Исайин ученикариз сифте вуди «христианар», Яна «Месигьдин терефкрар» пуз хъюгъну.

Матта 28:20

Дурариз Узу учвуз табшурмиш гъапӀкьандар вари кӀули гъахуз улупай. Хъа Узу, гъиямат йигъ хьайизкьан, гьаммишан учвухъди хьидиза.

Матта 20:23

Исайи дурариз гъапи: – Дугъриданна, Узу кьабул апӀуз ккайи аьзабар учвура аьх апӀарчва, хъа Йиз арччулна гагул терефарихъинди дитувал Узлан асиллу дар: думу йишвар, Йиз Адашди шлиз улупнаш, гьадрариндар ву.

Матта 13:11

Дугъу дурариз жаваб вуди кӀуру: – Гьаз гъапиш учвуз Аьршарин Паччагьлугъдин сирар аьгъю хьуб тувначвуз, хъа имбудариз тувнадар.

Матта 10:21

Чвуччву чве йикӀуз масу тувди, хъа адашди – бай. Веледари, абйир-бабариз къаршу удучӀвну, дурар йихиди.