Даниял 10:19 - Гирами Китаб

¹⁹ Дугъу гъапи: – ГучӀ мапӀан, Аллагьдин гирами! Сагъ ишриву, кӀубанди гъуз, кӀубанди гъуз! Дугъан гьаму гафарихъди йиз жандиз кьувватра гъафи. Узу гъапиза: – Йип, я аьхюр! Уву йиз кьувват кьяляхъ тувунва.

Даниял 10:19 Referans Kwoze

Даниял 9:23

Уву ккарагуз хъюгъюбси, буйругъ тувнийи, ва думу увуз, Аллагьдиз гирами вуйириз, аьян апӀуз гъафунза. Буйругъ аннамиш апӀин ва улупубдин гъавриъ ахъ.

Ачмиш 1:17

Думу гъяркъиган, дукӀнайирси, Дугъан ликарикк дахъунза, хъа Дугъу, Чан арччул хил йиз гъюниин иливну, гъапи: – ГучӀ мапӀан! Узу вуза Сарпирра, КкудукӀрурра.

Коринф-2 12:9

Хъа Дугъу гъапунзуз: «Йиз ужʼвал увуз чӀяаьн ибшри, фицики Йиз кьувват зяифвалилан ужуйи гъюру». Гьаддиз, узуъ Месигьдин кьувват хьуз, шадди йиз зяифвалин тяриф апӀури шулза.

Югьан 14:27

«Мясляаьт ибшри!» – Узу кӀуразачвуз гъярайири. Узу учвуз Йиз мясляаьт тувразачвуз. Узу учвуз, инсанари туврубсиб мясляаьт туврадарзачвуз. Ичв кӀваан дердер адаай! ГучӀ мапӀанай!

Тимофейиз-2 2:1

Гьаци, йиз бай, Аллагьдин ужувлаан кьувват адабцӀ, думу ухьуз, Месигь Исайиъ сатӀи вуйиган, туврайиб ву.

Югьан 19:26

Чан дада ва душвахь хьайи Чан юкӀв али сар ученик дяркъну, Исайи дадайиз кӀуру: – Дишагьли, магьа яв бай. –

Югьан 21:20

Петр кьяляхъинди илдицуру ва дугъаз Исайин юкӀв али ученик рякъюру. Дугъу хябяхъдин уьл ипӀурайи вахтна Исайихьнаси гьачӀарккну: «Агъа, Уву шли масу тувди?» – кӀури гьерху гьадму ученик вуйи.

Югьан 11:36

– Лигайчва, фици Мугъаз думу ккундуш! – гъапи жугьдари чпин арайиъ.

Югьан 11:5

Исайиз Марфа, дугъан чи Марʼям ва Лазар ккунидар вуйи.

Югьан 11:3

Чйири Исайихьна гьамци кӀури хабар дебккуз гьаънийи: «Агъа, гьадмунур, Увуз ккунирнур, кетӀерццна».

Коринф-1 16:13

Мугъаятди гъузай! Хъугъвалиъ ижмиди гъузай, кӀубанди ва кьувватлуди йихьай!

Югьан 16:33

Узу му гафар, Узуъ учву мясляаьт абгри пну, гъапидар вуйиз. Му дюнʼяйиъ учвуз дердер алахьидичвуз, аммаки миж макадабтӀанай: Узу му дюнʼяйиин гъалиб гъахьунза.

Даниял 10:18

Ва хъана фуж-вуш сар, инсандин юруш айир, узук куркӀну – ва йиз аман гужал гъапӀу.

Эфес 6:10

Аьхирки, Агъайиъ саб хьувалиъ, Дугъан удукьувалиъ ва кьувватнаъ ижми йихьай.