Даниял 1:20 - Гирами Китаб

²⁰ Фуну илмикан ва аьжайиб ляхникан паччагьди гьерхишра, паччагьлугъдиъ айи вари фалчйирна сюгьюрчйиртӀан дурар йицӀуб ражари артухъди аьяндрар вуйиб аьгъю шулайи.

Даниял 1:20 Referans Kwoze

Эвел 41:8

ГвачӀинган дугъак гъалабулугъ кабхъру. Дугъу Египетдин вари фалчйир ва аьяндрар уч апӀуру ва чан нивкӀар дурариз ктитуру, амма сарихьанра дурарин мяна ачухъ апӀуз шулдар.

Эвел 31:7

хъа дугъу узуз кучӀлар апӀури гъахьну ва йицӀуб ражари йикьрар гьюдюхну. Анжагъ Заанури, дугъахьди узуз чӀуруб апӀуз гъитундар.

Даниял 5:17

Данияли жаваб вуди кӀуру: – Пешкешар увуз гъитарва, гьюрматарра жарадариз апӀарва. Узу паччагьдиз дибикӀнайиб гьаци урхарза ва, диди фу улупураш, думура ктибтарза.

Даниял 2:21

Вахтарихъди хура гьюдюхюз вахтар, ултӀуккура паччгьар Дугъу, дерккра паччгьар, Аьяндарвал тувра аьяндрариз, Зигьимлуриз билиг тувра.

Даниял 2:13

Магьа аьяндрар аьжализ тувуз паччагьди буйругъ туву. Даниялна дугъан дустарра аьжаликк ккахъуз къурху айи.

Даниял 1:17

Аллагьди му юкьур бализ фагьум, билиг ва вари илмарихьна удукьувалар, хъа Даниялиз – гьацира жюрбежюр нивкӀаринна улупбарин гъавриъ тӀаъру удукьуваларра тувнайи.