Ачмиш 4:4 - Гирами Китаб

⁴ Гьадму тахтнахъди, илтӀикӀну, къабна юкьуб тахтсана хъайи. Дурариин кьарна юкьур аьхюр, лизи палат алабхьну, деънайи; дурарин кӀулариин гъизилин тажар алийи.

Ачмиш 4:4 Referans Kwoze

Ачмиш 11:16

Аллагьдин улихь тахтариин деънайи къарна юкьур аьхюр, жилиина ахьну, Аллагьдиз, вари хилиъ Дибиснайириз, икрам гъапӀу.

Матта 19:28

Исайира дурариз гьамци кӀуру: – Дюзди кӀуразачвуз: цӀийи дюнʼяйиъ, Инсаниятдин Бай Чан тахтниин деиган, Узухъди гъафи учвура йицӀикьюб тахтниин деъну, Израилин йицӀикьюб тухмин суд апӀидичва.

Ачмиш 4:10

къарна юкьур аьхюри тахтниин Деънайирин улихь, ис алахъури, гьарган яшамиш Шулайириз икрам апӀуйи ва, тахтнан улихь чпин тажар диври, гьамци кӀуйи:

Ачмиш 7:11

Хъа тахтналан, аьхюдарилан ва юкьрид гьяйванатарстарилан илтӀикӀнайи вари малайикари, тахтнан улихь жилиина ахьну, Аллагьдиз икрам гъапӀу.

Ачмиш 20:4

Хъа узуз, суд апӀуз гьюкум тувнайидар деънайи тахтар ва, Исайикан шагьидвал дапӀну ва Аллагьдин Гафналантина ккахъну, кӀулар алдатӀу рюгьяр гъяркъзуз. Мурар вягьши гьяйванатдиз, я дидин суратназ икрам дарапӀдар ва унтӀʼин, ясана хилʼин дидин лишан капӀуз гъидритдар ву. Дурар чӀиви гъахьнийи, ва дурари Месигьдихъди агъзур йисан паччагьвал апӀиди.

Ачмиш 5:14

Ва юкьрид гьяйванатарстарира кӀуйи: «Амин!» Аьхюдар жилиина ахьуйи ва икрам апӀуйи.

Ачмиш 5:8

Дугъу думу гъибисган, юкьрид гьяйванатарстарна къарна юкьрид аьхюдар Ччилан улихь икрам апӀури дахьу. Дурарин гьарсарин хилиъ чюнгюр ва кӀулихьди ацӀнайи, ицци ниар хъайи ургру ччимар ади, гъизилин гъабар айи – му ччимар Аллагьдин гирами халкьдин ккарагбар ву.

Лука 22:30

Йиз Паччагьлугъдиъ Йиз суфрайихъ ипӀури-убхъидичва ва, тахтниин деъну, Израилин йицӀикьюб тухмин суд апӀидичва.

Тимофейиз-2 4:8

Гьамус узуз Агъайи, дюзвалин Судьяйи, гьадму Йигъан пешкеш тувди – узу гьякь апӀиди, неинки узу, хъа Думу хъадакну гъюру Йигъаз масанвалиинди ккилигурайи гьарсар гьякь апӀиди.

Ачмиш 19:4

Къарна юкьур аьхюр ва юкьрид гьяйванатарстар, Аллагьдиз икрам апӀури, тахтниин Деънайирин улихь гьамци кӀури, жилиина ис ахьу: «Амин! Аллилуя!»

Ачмиш 7:9

Хъасин узуз сарихьанкьан ктухуз даршлукьан гьар жюре халкьарикан, миллетарикан, тухмарикан ва чӀаларикан вуйи адмийирин зурба гъварч, тахтнан ва Ччилан улихь лизи палтарикди ва пальмайин кюлер хилиъ ади дийигъну, гъяркъзуз.

Ачмиш 19:14

Лизи гьяйвнариинди, назук ирин лизи ва марцци палат алди, Дугъахъди аьршариан кьушум хъайи.

Ачмиш 6:11

Гьадмуган дурарикан гьарсариз лизи палат тувнийи ва сацӀибсана сабур апӀуб ккун гъапӀнийи, гьаз гъапиш дурарин кьадар гьуркӀну шайиз, чписи, Месигь Аллагьдин гъуллугънаъ айи гъардшарра йихайиз, ккилигну ккундийи.

Ачмиш 9:7

Думу елгнагар дявдиз гьязур духьнайи эскрарин гьяйвнарси рякъюйи. Думу гьяйвнарин кӀулариин гъизилин тажарстар алийи, хъа машар адмийинстар,

Ачмиш 2:10

Увʼин улукьуз ккайи аьзабарихьан гучӀ мапӀан. Магьа багарихьди иблисди учвкан сакьюдар ахтармиш апӀуз, кӀури, дустагъдиъ ирчди, ва йицӀуд йигъан учву аьзабар зигидичва. ЙикӀайизкьан вафалуди гъуз ва Узу увуз уьмрин паччагьвалин таж тувдиза.

Эстер 8:15

Паччагьдихьан Мярдягьяй беневш ва уьру хьайин ва багьа лизи гинбин палтар, гьацира кӀулʼин гъизилин аьхю таж алди удучӀвуру. Сузы шагьриъ шадвал абхънайи.

Ачмиш 3:18

Узу увуз саб насигьят тувраза: уву девлетлу хьуз, Узхьан цӀиъ марцц гъапӀу гъизил ва яв гъяцӀливалин нач ккебкуз алабхьру лизи палат гъадабгъ. Гьацира увуз уларикан ктатуз ва рябкъюри хьуз ччимра гъадабгъ.

Ачмиш 4:6

Тахтнан гъаншариъ хрусталсиб гюзгдин гьюлиз ухшар вуйи фу-вуш айи. ГьацӀна – гьацӀ кьялаъ, тахтнан юкьуб тереф вуйибси илтӀикӀну, улхьандира ва кьялхъяндира кьадар адрубкьан улар айи, гьяйванатарстар юкьур чӀивидар айи.

Ачмиш 5:6

Узуз тахтнахь, гьацӀ кьялаъ, Ччил гъяркъюнзуз. Думу гъурбан апӀуз духнайирси айи. Дугълан гьадму юкьрид гьяйванатарстарна аьхюдар илтӀикӀнайи. Гъурбан апӀуз Духнайириз ургуб кӀарчна, ургуб ул айи – мурар Аллагьдин ургуб рюгь вуйи. Дугъан мурар дюнʼяйиина гьаърудар вуйи.

Ачмиш 5:11

Узуз юкьрид гьяйванатарстаринна гьадму аьхюдарин тахтналан илтӀикӀнайи гизаф малайикар гъяркъзуз ва дурарин дихар гъеерхьзуз. Дурарин кьадар ктухузкьан шлуб дайи – агъзрар-агъзрариинди вуйи.

Ачмиш 14:3

Дурари тахтнан улихь ва юкьрид гьяйванатарстаринна къарна юкьур аьхюдарин улихь цӀийи мяъли апӀурайи. Думу мяъли, дюнʼяйин тухмигъян гъядягънайи гьадму варжна ягъчӀвурна юкьуд агъзур касдихьантӀан гъайри, сарун гьич сарихьанра кӀваъланди дубгъуз шулдайи.