Ачмиш 3:2 - Гирами Китаб

² Уягъ йихь ва мюгькам апӀин уву имбу гьамус-хъа йибкӀру гьялнаъ айиб. Яв ляхнар Йиз Аллагьдиз хуш шлударстар вуди гъяркъюндарзуз.

Ачмиш 3:2 Referans Kwoze

Петрин-1 5:8

Ичв фагьмихъ гъузай, мааханай! Учвуз къаршу вуйир, иблис, гашу удубтӀнайи асланси, учвкан хътӀюкьюз ужур агури либцура.

Ачмиш 16:15

«Магьа, Узу тӀафалси, хабарсузди гъидиза. Хушбахтавар ву ккилигурайир ва чан палтар уьрхюрайир, дицир гъяцӀалди гъягъидар, ва гьич саризра дугъан аьйибнан йишвар рякъидар!»

Петрин-1 4:7

Варибдин аьхир багахь шула. Гьаддиз ачухъ фикир айидар йихьай, фагьум апӀинай, хъа гьадмуган ккарагуз хьибдичвухьан.

Ляхнар 18:23

Душваъ сацӀиб вахтна гъузбалан кьяляхъ, дугъу чан рякъ давам апӀуру ва, Галатияйиъна Фригияйиъ шагьриан шагьриз гъягъюри, душвариъ вари ученикарин хъугъувал мюгькам апӀури гъахьну.

Матта 25:13

Гьаци вуйиган, мааханай, гьаз гъапиш я йигъ, я сяаьт аьгъдарчвуз.

Ачмиш 2:4

Амма, Йиз увуз къаршуди кӀуру саб айиз: увуз яв сифтейин масанвал кӀваълан гьархнавуз.

Матта 23:5

Хъа дурари фукӀа апӀурашра, инсанариз рябкъри кӀури апӀурайиб ву. Гьамци дурари унтӀланна хиллан илдижру Къанундиан гафар дидикӀнайи чпин чӀулар аьхю апӀури шулу ва палтарин цӀимцӀлар ярхи апӀури шулу.

Даниял 5:27

ТЕКЕЛ – «Уву терезариин гъеерцну ва, лигуруш, пучӀу хьасир вува».

Паччагьлугъар-3 15:3

Дугъура чан адаш Рехувуамди улихьна апӀури гъахьи вари гунгьар гъапӀнийи. Дугъан юкӀв РАББИЙИЗ, чан Заануриз, чан арха Давуддинси вафалу дайи.

Паччагьлугъар-3 11:4

Сулейман кьаби гъахьиган, хпари дугъан юкӀв бутарихьинди илтӀибкӀнийи, ва дугъан юкӀв РАББИЙИЗ, чан Заануриз, чан адаш Давуддин юкӀв гъабхьиганси, тамамди вафалуди имдайи.

Ачмиш 3:1

Сардисдиъ айи хъугънайидарин малайикдиз бикӀ: «Гьамци кӀура Аллагьдин ургуб рюгь ва ургуб хяд Хьайири: яв ляхнар Узуз аьгъязуз; гьеле уву чӀивидарин жергйириъ ашра, уву дукӀнайир вуйиб аьгъязуз.

Ачмиш 3:3

Гьаци вуйиган, кӀваин апӀин, увуз фу гъурубкьнуш ва фу гъеебхьнуш! Гьадму тамам апӀин, яв ляхнар гъит ва швумал йихь! Хъа эгер уву уягъ дархьиш, Узу тӀафалси хабарсузди гъидиза. Уву, Узу увухьна фуну вахтна гъюруш, аьгъю хьибдарвуз.

Матта 25:7

Вари шубар, гъудужвну, чпин лампйир акуди кархьуз хъюгъру.