Ачмиш 2:2 - Гирами Китаб

² Яв ляхнар, яв гъагъи жафа ва яв сабурлувал Узуз аьгъязуз. Аьгъязуз, уву нягьякь ва чӀуру адмийир аьгь дарапӀруб; Исайин вакилар вуча кӀурайидар уву ахтармиш гъапӀунва ва дурар кучӀляхяр вуйиб аьгъю гъабхьунвуз.

Ачмиш 2:2 Referans Kwoze

Югьандин-1 4:1

Йиз ккунидар, фунуб рюгьнахъ вушра, яна адмийихъ мехъебехъанай. Хъа дурар Аллагьдихьан вуйин – дарин, гьарган ахтармиш апӀури йихьай, фицики дюнʼяйиз бегьем кучӀлин пайгъамбрар ачмиш духьна.

Фессалоник-1 5:21

хъа вари ахтармиш апӀури, ужувлан тереф дибисну, гъузай,

Ачмиш 3:8

Узуз яв ляхнар аьгъязуз – магьа яв улихь Узу урчӀар арццунза ва гьич сарихьанра дурар хъяркьюз хьибдар, гьаз гъапиш, гьеле яв кьувват цӀибди вушра, уву Йиз Гаф гъюбхюнва ва Йиз ччвурнахьан гьудучӀвундарва.

Тимофейиз-2 2:19

Хъа Аллагьди ккивнайи бин мюгькамди дийибгъна, ижмиб ву. Дидʼин гьамци кӀури, лишан алабсна: «Аллагьдиз Чандар аьгъя». Ва хъана: «Гьарсари, Агъайин ччвур бисрури, гьич чӀуруб дарапӀри!»

Фессалоник-1 1:3

Учу ихь Адаш Аллагьдин улихь ичв ляхнариинди вуйи хъугъвал, юкӀв абцӀну зигру масанвалин жафа, ихь Агъа Иса Месигьдихъ хъугъувалиин ичв мюгькамди дийигънайивал гьаммишан кӀваинди гъибтрача.

Галат 1:7

Ужувлан хабар сарун жараб айиб дар! Ичв ара бикьурайи, Месигьдикан вуйи хабар айтӀлан апӀуз ккуни адмийир а.

Ачмиш 3:1

Сардисдиъ айи хъугънайидарин малайикдиз бикӀ: «Гьамци кӀура Аллагьдин ургуб рюгь ва ургуб хяд Хьайири: яв ляхнар Узуз аьгъязуз; гьеле уву чӀивидарин жергйириъ ашра, уву дукӀнайир вуйиб аьгъязуз.

Жугьдариз 6:10

Аллагь дюз дарур хьуб гьич мумкин дар. Дугъаз я учву апӀурайи жафйир, я Чан гирами халкьдин гъуллугънаъ хьубʼинди улупу ва улупурайи Чахьна вуйи ичв ккунивал кӀваълан гьархидар.

Эфес 4:14

Хъа думуган ухьу сарун лепйири ккалакьурайи ва гьар жюре каламарин микӀарихь гьитнайи, инсанар улдугуз гъитри, аьмалдар кучӀляхярикк ккахъру бицӀидарси хьидархьа.

Ачмиш 2:9

Узуз яв аьзабарикан ва касибваликан аьгъязуз, хъа уву девлетлу вува! Аьгъязуз уву беябур апӀурайи, жугьдар вуча, кӀурайидариканра, хъа дугъридан дурар иблисдин мярака ву.

Ачмиш 2:6

Хъа саб увуз авуз – Узуз даккни николитарин ляхнар дяркъну ккундарвуз.

Ачмиш 3:15

Узуз яв ляхнар аьгъязуз, уву я мичӀлир, я урцрур дарувалра аьгъязуз. Увуз ужу хьибди, эгер уву я мичӀлир, ясана урцрур вуди гъахьнийиш!

Матта 7:23

Ва думуган дурариз жаваб тувдиза: «Узуз учву саб вахтнара аьгъюдар дарзуз. Узхьан дург йихьай учву, писвал апӀурайидар!»

Югьан 6:6

Исайи му, Филип ахтармиш апӀузди гъапиб вуйи, фицики Дугъаз гьапӀруш улихьмиди аьгъяйи.

Ачмиш 2:5

КӀваин апӀин, уву фициб ягълишналан ахънуш, швумал йихь, ухдийин ляхнар давам апӀин. Эгер уву, швумал духьну, гьаци дарапӀиш, Узу увухьна гъидиза ва яв акв туврайиб йишвлан илдипидиза.