Ачмиш 1:9 - Гирами Китаб

⁹ Узу, Югьан, ичв гъардаш, Месигь Исайиъди саб вуди, учвухъди Дугъан бедбахтвалар, паччагьлугъвал ва сабурлувал пай апӀурайир, Аллагьдин Гаф ва Иса Месигьдихъан шагьидвал бадали Патмос кӀуру островдиин гъахьунза.

Ачмиш 1:9 Referans Kwoze

Ачмиш 3:10

Узу увуз, мюгькамди гъуз, гъапиган, уву гьаци гъузунва, гьаддиз вари адмийир ахтармиш апӀуз дюнʼяйиина гъюру бедбахтваларин вахтна, Узу увура уьрхидизаву.

Ляхнар 14:22

Душвариъ дурари чпин ученикарин юкӀвар хъугъвалиъ ижми хьпан бадали, дурар гьевеслу апӀуйи. Дурари гьамци кӀуйи: – Ухьуз Аллагьдин Паччагьлугъдиъ учӀвайиз гизаф аьзабар алахьиди.

Югьан 16:33

Узу му гафар, Узуъ учву мясляаьт абгри пну, гъапидар вуйиз. Му дюнʼяйиъ учвуз дердер алахьидичвуз, аммаки миж макадабтӀанай: Узу му дюнʼяйиин гъалиб гъахьунза.

Ачмиш 1:2

Югьанди чаз гъябкъюб вари: Аллагьдин Гаф ва Иса Месигьдин шагьидвал – тасдикь апӀура.

Ачмиш 13:10

Шли йисирар дисураш, думу учв йисирди дисиди. Шли ханжли йикӀураш, думу учв ханжлихьан йикӀиди. Гьамдиинди Аллагьдин гирами халкьдиз чпин мюгькамвал ва хъугъувал уьбхюз дих апӀура!

Филипп 4:14

Хъа вушра, узухъди йиз дердер учвура пай апӀуб ужу гъапӀунчва.

Ачмиш 12:11

Ихь чвйир аждагьайиин, Ччилан ифдиинди ва чпин шагьидвалариинди гъалиб гъахьну. Дурари аьжалин улихь чпин уьмур гьяйиф гъапӀундар.

Ачмиш 7:14

«Йиз аьхюр, думу увуз ужуди аьгъявуз!» – жаваб тувза. Дугъу гъапизуз: «Мурар зурба бедбахтвалариккан ккудучӀвдар ву. Дурари чпин палтар, Ччилан ифдиъ дурччну, лизи гъапӀну,

Тимофейиз-2 1:8

Гьаддиз, ихь Агъайикан ктибтуз нач мапӀан, ва Гьадму бадали дустагъдиъ айи узхьан нач мапӀан, хъа узухъди Ужувлан хабар бадали, узʼин улукьнайи аьзабарин пай гъадабгъ. Фицики Аллагьди ухьуз Чан ужувлакан ктибтуз кӀури кьувват тувна.

Рим агьларихьна вуйи кагъаз 8:25

Ухьу ухьуз адрубдик миж кади гъузрахьа ва сабурлуди дидиз ккилигурахьа.

Ачмиш 14:12

Гьамдиинди Аллагьдин гирами халкьдиз, Аллагьдин табшуругъар тамам апӀурайидариз ва Исайиз аьгьтлу вуйидариз мюгькам хьуз дих апӀура.

Жугьдариз 10:36

Аммаки Аллагьдин ният тамам апӀбан бадали ва Дугъу тувурза гъапиб рубкьбан бадали учвуз ккундайиб – аьгь апӀуб ву.

Филипп 1:7

Дугъридан, учвухьна вуйи йиз гьиссар ари гьацдар духьну ккунду! Узу дустагъдиъ айиганси, адруганра – узу Ужувлан хабар, дидʼин алжагърударихьан уьбхюрайиган ва думу дугъри вуйиб тасдикь апӀруган, узуси учвура гьадму ужувлан гъуллугънаъ гъахьунчва.

Ачмиш 11:7

Дурарин шагьидвал апӀру вахт ккудубкӀган, кӀан ккадрушвʼанзина удубчӀву вягьши гьяйванат гьадму кьюрид пайгъамбрарихъди дявдиз удубчӀвиди, гьяйванат гъалиб хьибди ва дурар йихиди.

Рим агьларихьна вуйи кагъаз 8:17

Ухьу Аллагьдин веледар вуйиган, Месигьдихъди ухьузра ад хьпан бадали, Дугъан аьзабар ухьу кьабул апӀурайиган, Месигьдизси, Аллагьдин ирс ухьузра рубкьиди.

Ачмиш 19:10

Узу, му малайикдиз икрам апӀарза кӀури, дугъан ликариккна ис алахъза, хъа дугъу узуз гъапи: «Лиг, мици мапӀан! Узура, увуси ва яв гъардшарси, Исайикан шагьидвал апӀурайи лукӀ вуза! Аллагьдиз икрам апӀин! Гьаз гъапиш гьаму пайгъамбарвалин гафарин мяна Исайикан шагьидвал апӀуб ву».

Ачмиш 12:17

Аждагьайиз дишагьлийикан яман хъял гъюру ва думу гъитну, дугъан имбу бицӀидарихъди, Аллагьдин табшуругъар уьрхрударихъди ва Исайикан шагьидвал апӀрударихъди дяви гъабхуз гъябгъюру.

Ачмиш 6:9

Дугъу хьубпи печать алдабгъиган, узуз гъурбнар апӀрушван кӀанакк Аллагьдин Гафналантина ва дурари гъапӀу шагьидвалилантина гъийиху адмийирин рюгьяр гъяркъзуз.

Ачмиш 1:4

Асия вилаятдиъ айи хъугънайидарин ургуб жямяаьтдиз Югьанди кӀура: учвуз гьарган Айирихьан, Гъахьирихьан ва Гъюрурихьан, гьацира Дугъан тахтнахь хьайи ургур рюгьнахьан,

Фессалоник-2 3:5

Гъит ичв юкӀвар Агъайи Аллагьдин масанвалихьна ва Месигьдин мюгькамвалихьна илтӀикӀри!

Матта 20:23

Исайи дурариз гъапи: – Дугъриданна, Узу кьабул апӀуз ккайи аьзабар учвура аьх апӀарчва, хъа Йиз арччулна гагул терефарихъинди дитувал Узлан асиллу дар: думу йишвар, Йиз Адашди шлиз улупнаш, гьадрариндар ву.

Марк 10:39

Дурари: «Ав, шулчухьан», – гъапнийи. Хъа Исайи дурариз гъапи: – Дугъриданна, Узу кьабул апӀуз ккайи аьзабар учвура аьх апӀарчва,

Ляхнар 1:15

Сакьюд йигълан Исайихъ хъугънайидар сабишвʼина уч шулу (душваъ вари варжна къар касдихьнакьан айи). Петри, ученикарин арайиъ дийигъну, кӀуру:

Коринф-2 1:7

Учвук ижми миж кайич, ва аьгъячуз: ич аьзабарин пай гъадабгъурайиси, учву ич ккарцувалинра пай гъадабгъурачва.

Петрин-1 5:1

Гьаци вуйиган, гьамус узу ичв аьхюдарихьна илтӀикӀураза. Даршуз узура йиз марччарин – хъугърударин аьхюр вуза. Мидлан гъайри, Месигьдикан кчӀикьу аьзабарин шагьид вуза ва, магьа, гьамус – хъа дюнʼяйиз гъиямат йигъ хьади гъюрайи Дугъан ад рубкьрударикан сар духьназа.

Ачмиш 1:1

Иса Месигьдин ачмиш апӀувал, Чан гъуллугъчйириз багарихьди хьуз ккайиб вари улупбан бадали, Дугъаз Аллагьди тувнайиб ву. Мидкан хабар дебккбан бадали, Чан гъуллугънаъ айи Югьандихьна Исайи малайик гьаънийи.

Ачмиш 1:6

саб паччагьлугъдиз уч гъапӀу ухькан Чан Адашдин – Аллагьдин гъуллугънаъ шлудар Ктауриз зат ккудудукӀру аьсрариз ад ва кьудрат ибшри. Амин!

Ачмиш 20:4

Хъа узуз, суд апӀуз гьюкум тувнайидар деънайи тахтар ва, Исайикан шагьидвал дапӀну ва Аллагьдин Гафналантина ккахъну, кӀулар алдатӀу рюгьяр гъяркъзуз. Мурар вягьши гьяйванатдиз, я дидин суратназ икрам дарапӀдар ва унтӀʼин, ясана хилʼин дидин лишан капӀуз гъидритдар ву. Дурар чӀиви гъахьнийи, ва дурари Месигьдихъди агъзур йисан паччагьвал апӀиди.