Ачмиш 1:8 - Гирами Китаб

⁸ «Узу вуза, – кӀура Агъа Аллагьди, – Эвелра, Аьхирра гьарган Айирра, Гъахьирра, Гъюрурра ва вари хилиъ Дибиснайирра».

Ачмиш 1:8 Referans Kwoze

Ачмиш 22:13

Узу вуза Альфа ва Омега, Сарпир ва КкудубкӀрур, Эвел ва Аьхир».

Ачмиш 21:6

Дугъу гъапизуз: «Тамам гъабхьну! Узу – Альфа ва Омега, Эвел ва Аьхир вуза. Гъах духьнайириз уьмрин булагъдиккан Узу чӀанади шид убхъуз гъитдиза.

Ачмиш 1:4

Асия вилаятдиъ айи хъугънайидарин ургуб жямяаьтдиз Югьанди кӀура: учвуз гьарган Айирихьан, Гъахьирихьан ва Гъюрурихьан, гьацира Дугъан тахтнахь хьайи ургур рюгьнахьан,

Ачмиш 11:17

Хъа гьамци кӀури, гьарай идипу: «Чухсагъул Увуз, Агъа Аллагь, вари хилиъ Дибиснайир, гьарган Айир ва Гъахьир, гьаз гъапиш, Уву Яв зурба вуйи кьувват ва паччагьвал хилиз гъибисунва.

Ачмиш 1:17

Думу гъяркъиган, дукӀнайирси, Дугъан ликарикк дахъунза, хъа Дугъу, Чан арччул хил йиз гъюниин иливну, гъапи: – ГучӀ мапӀан! Узу вуза Сарпирра, КкудукӀрурра.

Ачмиш 2:8

Смирнайин хъугънайидарин малайикдиз бикӀ: «Гьамци кӀура Сарпири ва КкудукӀрури, ГъачӀири ва хъана яшамиш Шулайири:

Ачмиш 4:8

Гьадму юкьрид гьяйванатарстарик гьарсардик йи-йирхьуб хлинцц кайи. Хлинццар вари терефарихъанди: айтӀандира, зиъландира – уларихьди алацӀнайи. Юкьрид гьяйванатарстари, зат дийийигъди, йишвнура ва йигънура гьарйир апӀурайи: «Гирами, гирами, гирами ву Агъа Аллагь вари хилиъ Дибиснайир, гьарган Айир, Гъахьир ва Гъюрур!»

Коринф-2 6:18

«Узкан ичв Адаш хьиди, ва учвкан Йиз баярна шубар хьиди», – кӀура вари Чан хилиъ айи Агъайи.

Эвел 49:25

яв адашдин Заанурин, яв гъайгъушнаъ Айирин кюмек дубхьну, Кьудратлурин, уву ужувлакк Ккаърайирин кюмек дубхьну, ургъбиинди завариан мархьар, деетбиинди нирар, жилариан удучӀвурайи, артмиш апӀбиинди наслар, увлан улдучӀвурайи, тувбиинди мал-марччлин лиж, гьисаб апӀуз даршулайи.

Ачмиш 19:15

Аллагьдин Гафнахъ хътругърудар пуч апӀуз Дугъан ушвниан учӀру ханжал удубчӀвурайи. Дугъу дурар рукьан чумакъикк ккаъди: Дугъу чяхир кчӀюбкьрушваъ Аллагьдин, вари хили Дибиснайирин, яман хъялнан чяхир кчӀюбкьюра.

Ачмиш 16:14

Мурар, аьламатар улупру жинарин рюгьяр ву: дурар, Аллагьдин, вари хилиъ Дибиснайирин зурба гъиямат йигъаз дявдиз гьязур йихьай кӀури, дюнʼяйин вари паччгьарихьна гъягъюру.

Ачмиш 21:22

Узуз шагьриъ Аллагьдин Хал гъябкъюндарзуз, гьаз гъапиш Учв, Агъа Аллагь, вари хилиъ Дибиснайир ва Ччил – гьадрар Чпи Хал вуйи.

Ачмиш 1:11

Диди гъапи: «Вари увуз рябкъюрайиб кагъзик бикӀ ва Эфесдиъ, Смирнайиъ, Пергамдиъ, Фиатирайиъ, Сардисдиъ, Филаделфияйиъ ва Лаодикияйиъ айи ургбиб жямяаьтариз хъадапӀ».

Эвел 35:11

Дугъаз Заанури гьамцира гъапнийи: – Узу Кьудратлу Заанур вуза. Яв тухум бегьерлу ва артухъ хьиди: увкан халкь арайиз гъиди, аьхю чӀвеъ халкьар арайиз гъиди! Увкан паччгьар арайиз гъиди!

Эвел 28:3

Гъит Кьудратлу Заанури ужувлакк ккаъриву! Гъит Дугъу яв тухум бегьерлу ва артухъ апӀри, увлантина гизаф халкьар артмиш ишри!

Эвел 17:1

Ибрам урчӀвцӀурна урчӀвуд йисаъ ади, дугъаз РАББИ ачмиш шулу ва кӀуру: – Узу Кьудратлу Заанур вуза. Йиз улихь, саб тахсир ктарди, лицури йихь.

Эвел 43:14

Гъит Кьудратлу Заанури дугъан улихь, дугъу ихтияр тувну ичв тмуну гъардашна Вениамин учвухъди кьяляхъ гьаъруси, учвуз рягьим улупри. Узкан улхуруш, эгер узу веледерихъ мягьрум духьну ккуниб вуш, гъит мягьрум ишри.

Эвел 48:3

ва Юсуфдихьинди илтӀикӀу: – Ханаан жилиин али Луз шагьриъ, Кьудратлу Заанур ачмиш гъахьунзуз. Дугъу узу ужувлакк ккаъну,

Ачмиш 15:3

Дурари, Аллагьдин гъуллугъчи Мусайин мяъли ва Ччилан мяъли апӀурайи: «Зурба ва аьжайиб вуяв ляхнар, Агъа Аллагь, вари хилиъ Дибиснайир! Дугъри ва гьякь вуяв рякъяр, халкьарин Паччагь!

Ачмиш 16:7

Хъа узуз, гъурбнар ургру йишвура фици кӀуйиш гъеебхьзуз: «Ав, Агъа Аллагь, вари хили Дибиснайир, дугъри ва гьякь ву Яв адабтӀурайи жаза!»

Ачмиш 19:6

Узуз адмийирин зурба гъварчнан гъугъ, ясана урсрайи штарин гъугъ, ясана кьудратлуди завар рахурайи гъугърумарин гъугъсиб дих гъеебхьунзуз: «Аллилуя! Агъа, ихь Аллагь, вари хилиъ Дибиснайир, паччагьди дийигъну!