Ачмиш 1:3 - Гирами Китаб

³ Хушбахтавар ву Аллагьди гьаънайи гьаму пайгъамбарвалин гафар урхурайир, дурарихъ хъпехъурайир ва мушваъ дибикӀнайиб тамам апӀрур. Гьаз гъапиш вахт хъубкьна.

Ачмиш 1:3 Referans Kwoze

Лука 11:28

Хъа Исайи дугъаз кӀуру: – Аллагьдин гаф ебхьурайидар ва тамам апӀрудар хъана артухъ хушбахтаврар ву!

Ачмиш 22:10

Хъа дугъу гъапизуз: «Гьаму китабдин пайгъамбарвалин гафар мииликан! Гьаз гъапиш вахт сарун хъудубкьна.

Рим агьларихьна вуйи кагъаз 13:11

Гьаму вахт фициб вуш, аьгъяди, гьаци апӀури гъузай. Сарун учву нивкӀʼан хъиргру вахт дуфна, фицики ухьу уьрхру вахт, ихь сифте хъугъу йигъак гъилигган, гьамус багахь дубхьна.

Петрин-1 4:7

Варибдин аьхир багахь шула. Гьаддиз ачухъ фикир айидар йихьай, фагьум апӀинай, хъа гьадмуган ккарагуз хьибдичвухьан.

Насигьятар 8:34

Хушбахтавар ву узухъ хъпехъурайир, йиз урчӀарихъ йишв ва йигъ адапӀурайир, йиз раккнарилан ул алдадабгърайир.

Ачмиш 22:12

«Магьа, Узу багарихьди гъидиза! Ва гьардиз, чав гъапӀу ляхнариз дилигну, тувру Йиз кьимат Узухьди хьазухь.

Петрин-2 3:8

Йиз ккунидар, магьа фу учву кӀваълан гьархну ккундарш: Агъайиз сад йигъ – агъзур йисси ву ва агъзур йис – сад йигъси.

Ачмиш 22:20

Шли гьамдикан шагьидвал апӀураш, Дугъу кӀура: «Ав, Узу багарихьди гъидиза!» Ав гьаци ибшри, гъач, Агъа Иса!

Матта 24:15

Гьамци Даниял пайгъамбри улихь ккимиди дупнайи Гирами йишваъ Аллагь гьясбикк ккадру алчагъвал учвуз гъябкъиган (урхурайир гъит гъавриъ ишри),

Рим агьларихьна вуйи кагъаз 13:12

Йишв ккудубкӀура. Йигъ сарун багахь хьа. Мици вуйиган, вари мучӀу ляхнарихьан ярхла хьидихьа, ва аквназ лайикь вуйибдихъди яракьламиш хьидихьа.

Ачмиш 3:11

Узу багарихьди гъидиза. Гьич сарихьанра яв паччагьвалин таж тадабгъуз даршлуси, увуз айибдихъан ижмиди хъичӀихну гъуз.