Ачмиш 1:2 - Гирами Китаб

² Югьанди чаз гъябкъюб вари: Аллагьдин Гаф ва Иса Месигьдин шагьидвал – тасдикь апӀура.

Ачмиш 1:2 Referans Kwoze

Коринф-1 1:6

фицики Месигьдикан вуйи ич шагьидвал учвуъ мюгькам гъабхьну.

Ачмиш 12:17

Аждагьайиз дишагьлийикан яман хъял гъюру ва думу гъитну, дугъан имбу бицӀидарихъди, Аллагьдин табшуругъар уьрхрударихъди ва Исайикан шагьидвал апӀрударихъди дяви гъабхуз гъябгъюру.

Югьандин-1 1:1

Дюнʼя ккебгъхъанмина Айирикан, учуз Гъеебхьурикан, ич улариинди учуз Гъяркъюрикан, учу лигури Гъахьирикан, учу ич хилариинди кучри Гъахьирикан, яна уьмрин Гафнакан – Исайикан учу ктибтурача.

Югьан 21:24

Думу гьадмуну ученик вуйи, гьаму вариб ктибтур ва гьаму вари гъибикӀур. Ва ухьуз аьгъяхьуз, дугъан шагьидвал гьякьлуб вуйиб.

Югьан 19:35

Му вари чан хусуси улариинди гъябкъю адмийи, учвура хъугъбан бадали ктибтура. Дугъан шагьидвал гьякьлуб ву, чав гьякь кӀурайивал дугъаз аьгъя.

Ачмиш 1:19

Гьаци вуйиган, увуз гъябкъюб бикӀ: гьаму ражари шулайиб ва хъасин хьуз ккайиб.

Ачмиш 1:9

Узу, Югьан, ичв гъардаш, Месигь Исайиъди саб вуди, учвухъди Дугъан бедбахтвалар, паччагьлугъвал ва сабурлувал пай апӀурайир, Аллагьдин Гаф ва Иса Месигьдихъан шагьидвал бадали Патмос кӀуру островдиин гъахьунза.

Ляхнар 26:16

Ликриина гъудужв. Гьеле увуз гъябкъюб гъубзри, хъа Узу увуз улупуз ккимбубдинра шагьид шлу, Йиз гъуллугъчиди дерккуз увухьна ачухъ духьназа.

Югьан 12:17

Лазар чӀиви апӀруган, Исайихъди хъайидари дидин гьякьнаан варидариз ктибтури гъахьну,

Ачмиш 6:9

Дугъу хьубпи печать алдабгъиган, узуз гъурбнар апӀрушван кӀанакк Аллагьдин Гафналантина ва дурари гъапӀу шагьидвалилантина гъийиху адмийирин рюгьяр гъяркъзуз.

Югьандин-1 4:14

Му вари учуз гъябкъюнчуз ва Адашди Чан Бай дюнʼя уьбхюз гьаувалин шагьидар гъахьунча.

Коринф-1 2:1

Узу учвухьна, гъардшар, Аллагьдин сирнакан ктибтуз гъафиган, узу йиз уччвудар гафар, ясана йиз фагьумлувал улупуз гъафир дайза.

Ляхнар 4:20

Учхьан учуз гъябкъюбдиканна гъеебхьубдикан дарпиди гъитуз шулдарчухьан.

Югьан 3:11

Гьякьлу вуйи гьякь кӀуразавуз: Учу кӀурача Учуз аьгъюбдиан ва шагьидвал апӀурача гъябкъюбдикан. Хъа учву Учу шагьидвал апӀурайибдихъ хъугърадарчва.

Югьан 1:32

Ягьʼяйи гьацира гъапи: «Узузра Думу Месигь вуйиб аьгъдайзуз, хъа штуан апӀуз узу Гьаури гъапунзуз:

Ачмиш 12:11

Ихь чвйир аждагьайиин, Ччилан ифдиинди ва чпин шагьидвалариинди гъалиб гъахьну. Дурари аьжалин улихь чпин уьмур гьяйиф гъапӀундар.

Югьандин-3 1:12

Деметрикан варидари, гьякь рякъʼин аливаликанра, ужуйи кӀура. Гьацдар гафар дугъкан учура кӀурача, хъа ич шагьидвал, увуз аьгъюганси, гьякь вуйич.

Ляхнар 22:15

Уву вари инсанарин улихь увуз гъябкъюбдинна гъеебхьубдин шагьид хьидива.

Ачмиш 1:11

Диди гъапи: «Вари увуз рябкъюрайиб кагъзик бикӀ ва Эфесдиъ, Смирнайиъ, Пергамдиъ, Фиатирайиъ, Сардисдиъ, Филаделфияйиъ ва Лаодикияйиъ айи ургбиб жямяаьтариз хъадапӀ».

Ачмиш 20:4

Хъа узуз, суд апӀуз гьюкум тувнайидар деънайи тахтар ва, Исайикан шагьидвал дапӀну ва Аллагьдин Гафналантина ккахъну, кӀулар алдатӀу рюгьяр гъяркъзуз. Мурар вягьши гьяйванатдиз, я дидин суратназ икрам дарапӀдар ва унтӀʼин, ясана хилʼин дидин лишан капӀуз гъидритдар ву. Дурар чӀиви гъахьнийи, ва дурари Месигьдихъди агъзур йисан паччагьвал апӀиди.

Ачмиш 22:21

Агъа Исайин ужʼвал варидариз ибшри!