Ачмиш 1:19 - Гирами Китаб

¹⁹ Гьаци вуйиган, увуз гъябкъюб бикӀ: гьаму ражари шулайиб ва хъасин хьуз ккайиб.

Ачмиш 1:19 Referans Kwoze

Ачмиш 1:11

Диди гъапи: «Вари увуз рябкъюрайиб кагъзик бикӀ ва Эфесдиъ, Смирнайиъ, Пергамдиъ, Фиатирайиъ, Сардисдиъ, Филаделфияйиъ ва Лаодикияйиъ айи ургбиб жямяаьтариз хъадапӀ».

Ачмиш 1:1

Иса Месигьдин ачмиш апӀувал, Чан гъуллугъчйириз багарихьди хьуз ккайиб вари улупбан бадали, Дугъаз Аллагьди тувнайиб ву. Мидкан хабар дебккбан бадали, Чан гъуллугънаъ айи Югьандихьна Исайи малайик гьаънийи.

Ачмиш 1:12

Узукди гьаму гафар апӀурайи дих шлинуб вуйкӀан, кӀури, кьяляхъ илдицуриз, гъизилин акв апӀру ургуб алат гъябкъюнзуз.

Ачмиш 10:4

Ургбиб гъугърумари гафар гъапӀиган, узу бикӀуз гьязур гъахьиза. Аммаки узуз завариан гьамци кӀурайи дих гъеебхьзуз: «Ургбиб гъугърумари гъапиб жиниди уьбх. Думу гафар мидикӀан!»

Ачмиш 19:9

Хъасин малайикди узуз кӀуру: «БикӀ: „Хушбахтаврар ву Ччилахьна сумчрин гешт хъапӀуз дих дапӀнайидар!“ Ва, давам апӀури, малайикди гъапизуз: „Магьа Аллагьдин гьякь гафар!“»