Ачмиш 1:18 - Гирами Китаб

¹⁸ Яшамиш шулайир Узу вуза. Узу гъакӀнийза, хъа магьа Узу хъана аьсрариан-аьсрариз яшамиш шулаза. Узухь хьазухь аьжалин ва жегьеннемдин ачар.

Ачмиш 1:18 Referans Kwoze

Рим агьларихьна вуйи кагъаз 6:9

Фицики гъачӀидаригъян чӀиви гъахьи Месигь сарун диликӀруб аьгъяхьуз. Дугъан зиин сарун аьжалин гьюкум илмидар.

Жугьдариз 7:25

Гьаддиз Дугъʼан, Чан кюмекниинди Аллагьдихьна гъюрудар гьуркӀну уьрхюз удукьуру. Думу Гьаммишанур ву ва Дугъу гьарган дурарихъанди гафра йивура.

Ачмиш 3:7

Филаделфияйин хъугънайидарин малайикдиз бикӀ: «Гьамци кӀура Гирамири, Гьякьлури, Давудрин ачар Хьайири – Дугъу абццхъанмина, гьич сарихьанра хъябкьюз хьибдар, Дугъу хъябкьхъанмина, гьич сарихьанра абццуз хьибдар:

Жугьдариз 12:2

Зат ктӀатӀарццди Исайиз лигури гъузурхьа. Думу, ихь хъугъувалин ккергъубра ва ккудукӀубра ву. Дугъу, гъюз ккайи шадвал бадали, беябурваликкди хачриин аьзиятар аьгь гъапӀну ва гьамус Думу, Аллагьдин тахтнан арччул терефнахъинди деъна.

Матта 16:19

Узу увухьна Аьршарин Паччагьлугъдин ачар тувдиза, ва уву жилариин фу гъадагъа гъапӀиш, аьршариин гьадму гъадагъа дапӀну хьибди, ва уву жилариин фтиз ихтияр тувиш, аьршариинра гьаддиз ихтияр тувну хьибди.

Ачмиш 20:14

Хъасин аьжална жегьеннем цӀин дагризди ирчнийи. Ари гьаму кьюбпи аьжал ву – цӀа алди, убгурайи дагар.

Жугьдариз 1:3

Бай – Аллагьдин ад атӀабгурайи Нур ву. Думу Аллагьдин аллагьвал ву. Дугъу, Бали, Чан кьудратлу гафниинди дюнʼя, ккададабхъуз гъидритди, дебккна. Думу, ихь гунгьар марцц дапӀну, аьршариъ ВаритӀанзаанурин арччул хилихъинди деъна.

Галат 2:20

сарун яшамиш шулайир узу дарза, хъа узуъ яшамиш шулайир Месигь ву. Ва, узу жилиин илмикьан гагьди, Аллагьдин Балихъ хъугъну яшамиш шулайир вуза. Гьаци узу яшамиш хьузди Дугъу, узу ккун дапӀну, Чан жан узхъанди тувну.

Ачмиш 4:9

Гьадму юкьрид гьяйванатарстари тахтниин Деънайириз – гьарган яшамиш Шулайириз, чухсагъул кӀури имиди, Дугъан ад апӀури имиди ва заанвал улупури имиди,

Жугьдариз 7:16

Думу, Аллагьдин гъуллугъчиди саб кадабгънайи тухмикан Къанунди дерккнайир дар, хъа гьаргандин уьмриъ айи кьувватну Дерккнайир ву.

Коринф-2 13:4

Гьеле Месигь зяифди айиган хачрак карснийишра, Думу Аллагьдин кьудратниинди чӀивиди а! Учура Дугъахъди саб вуди зяифдар вуча, аммаки ичв гъуллугънаъ хьпан бадали Аллагьдин кьудратниинди Гьадгъахъди яшамишра хьидича.

Ачмиш 9:1

Хьубпи малайикди зурна гъиву, ва узуз завʼан жилиина хяд абхъри гъябкъзуз. Дидиз кӀан ккадру гъуйдин ачар тувнайи.

Югьан 14:19

СацӀиб вахтналан дюнʼяйиз Узу сарун рякъидар, хъа учвуз Узу рякъюри хьидичвуз: гьаз гъапиш Узу яшамиш шулаза ва учвура яшамиш хьидичва.

Колосс 3:3

Фицики учву дийихначва, хъа ичв уьмур, Месигьдихъди сабси, Аллагьдиъ жиниди а.

Ачмиш 5:14

Ва юкьрид гьяйванатарстарира кӀуйи: «Амин!» Аьхюдар жилиина ахьуйи ва икрам апӀуйи.

Паччагьлугъар-1 2:6

РАББИЙИ, ккундуш, йикӀуру, чӀиви апӀуру, Чаз ккундуш, вая тму дюнʼяйиз гатӀархьуру, ккундуш, душвʼан адагъуру.

Матта 11:23

Хъа увура, Кафернагьум, аьршаризкьан за хьибдиза кӀурайна? Ваъ, гурбагуриъ абхъдиву, фицики учвухь улупу аьламатнан ляхнар Узу Содомдиъ улупнийиш, думу гьамусра сагъ-саламатди гъубздийи.

Лука 24:5

Дурари гучӀбаан ис алахъдариз кӀуру: – Учву чӀивир гъачӀидарин арайиъ гьаз агурачва?

Югьан 11:25

Исайи гъапи: – Узу вуза чӀиви хьувал ва уьмур. Фуж Узухъ хъугъраш, гьеле гъачӀишра, яшамиш хьиди.

Ачмиш 2:8

Смирнайин хъугънайидарин малайикдиз бикӀ: «Гьамци кӀура Сарпири ва КкудукӀрури, ГъачӀири ва хъана яшамиш Шулайири:

Ачмиш 6:8

Хъа узуз, зяиф-гъатху рангнан гьяйван гъябкъзуз. Дидʼин элеънайирин ччвур Аьжал вуйи, дидихъди вари жегьеннем гъюрайи. Мидиз дюнʼяйин юкьубпи пайниин ханжлиинди, гашʼвалиинди, уьзрариинди ва юкьбиб вягьши гьяйванатариинди адмийир йихуз шлу гьюкум тувнайи.

Ачмиш 10:6

ва аьсрариан аьсрариз гьарган яшамиш Шулайириинди, завар ва душваъ айиб, жилар ва душвʼин алиб арайиз Гъабхуриинди, сарун вахт имдар кӀури, ху гъапӀу!

Ачмиш 15:7

Гьадму юкьрид гьяйванатарстарикан сари ургрид малайикарихьна, аьсрариан аьсрариз яшамиш шулайи Аллагьдин хъюлу ацӀнайи ургуб гъизилин гъаб туву.

Ачмиш 20:13

Гьюлери чпиъ айи дийихнайидар тувнийи, аьжали ва жегьеннемди чпиъ айи дийихнайидар тувнийи, ва гьарсар касдин, чав гъапӀу ляхнариз дилигну, суд гъапӀу.