Ачмиш 1:1 - Гирами Китаб

¹ Иса Месигьдин ачмиш апӀувал, Чан гъуллугъчйириз багарихьди хьуз ккайиб вари улупбан бадали, Дугъаз Аллагьди тувнайиб ву. Мидкан хабар дебккбан бадали, Чан гъуллугънаъ айи Югьандихьна Исайи малайик гьаънийи.

Ачмиш 1:1 Referans Kwoze

Ачмиш 22:16

«Узу, Исайи, учвуз гьаму шагьидвал тувну, жямяаьтарин улихь ктибтуз Йиз малайик гьаунза. Узу вуза Давудрин Ччив ва Кюл. Узу вуза гвачӀиндин аку Хяд».

Ачмиш 22:6

Малайикди гъапизуз: «Му гафар дугъридар ва гьякьлудар ву. Чан Рюгь пайгъамбрариз тувру Агъа Аллагьди Чан гъуллугънаъ айидариз багарихьди хьуз ккайиб улупуз Чан малайик гьаъну».

Галат 1:12

Узуз думу адмийирихьан гъебхьуб дариз, я адмийири улупуб дариз, хъа Иса Месигьди узуз думу ачмиш гъапӀунзуз.

Эфес 3:3

Дугъу узуз Чан сир ачухъ гъапӀунзуз, узу дидкан учвуз жикьиди гъибикӀнийза.

Ачмиш 1:19

Гьаци вуйиган, увуз гъябкъюб бикӀ: гьаму ражари шулайиб ва хъасин хьуз ккайиб.

Даниял 9:23

Уву ккарагуз хъюгъюбси, буйругъ тувнийи, ва думу увуз, Аллагьдиз гирами вуйириз, аьян апӀуз гъафунза. Буйругъ аннамиш апӀин ва улупубдин гъавриъ ахъ.

Ачмиш 1:9

Узу, Югьан, ичв гъардаш, Месигь Исайиъди саб вуди, учвухъди Дугъан бедбахтвалар, паччагьлугъвал ва сабурлувал пай апӀурайир, Аллагьдин Гаф ва Иса Месигьдихъан шагьидвал бадали Патмос кӀуру островдиин гъахьунза.

Югьан 3:32

Дугъу Чаз гъеебхьубдикан ва гъябкъюбдикан кӀура, аммаки адмийири Дугъан шагьидвал кьабул апӀурадар.

Даниял 9:21

Ва магьа, узу ккарагурайиган, сабпи улупбаъ узуз гъяркъю Жабраил, узухьна гьаънайир, дитӀирхну гъафи ва йиз улихь дийигъу. Му хябяхъдин гъурбнар хру вахтна гъабхьиб вуйи.

Югьан 15:15

Сарун Узу учвуз Йиз гъуллугъчйир пну дих дарапӀарза – гъуллугъчийиз чан аьхюри гьапӀраш аьгъдар аьхир. Узу учвуз Йиз дустар пну дих апӀураза. Йиз Адашдихьан аьгъю гъапӀуб, Узу учвуз вари ктибтунза.

Даниял 8:16

Ва узуз Улав гъанавдиин сес гъеебхьзуз – диди дих апӀурайи: – Жабраил! Улупдарин думу гъаври аъ.

Ачмиш 4:1

Гьамдин кьялхъян узуз завариъ урчӀар арццну гъяркъюнзуз ва гьадму сифте гъеебхьу зурнайинсиб дих гъеебхьунзуз. Дих узухъди, гьамци кӀури, улхуз хъюбгъю: «Мина удучӀв, Узу увуз багарихьди хьуз ккайиб улупурзавуз».

Югьан 12:49

Фицики Узу Йиз Узхьан гъапиб дариз – му Узу гьау Адашдин, Узуз вуйи амур ву, фу кӀуруш ва фици кӀуруш.

Югьан 8:26

Учвкан, Узхьан гизафдар пуз ва ичв суд апӀуз шуйзухьан. Амма Узу, гьаму дюнʼяйиз Узу Гьаурихьан фу гъеебхьнуш, анжагъ гьадму кӀураза, хъа Узу Гьаур гьякьлу ву.

Ачмиш 21:2

Узуз Гирами Шагьур – цӀийи Ерусалим гъябкъзуз. Думу завариан Аллагьдихьан, жилириз ккилигурайи швушвси кабалгну, ис гъабхьнийи.

Рим агьларихьна вуйи кагъаз 16:25

Узу учвуз дебкку Ужувлан хабарнаъ ичв хъугъувал мюгькам апӀру Аллагьдин ад ибшри! Гизаф аьсрариъ дюбхнайи

Югьан 17:8

Уву Узухьди гьау гафар, Узу дурарихьна тувунза ва дурар дурари кьабул гъапӀну. Узу Увхьан дуфнайивалин дурар якьинтӀан гъавриъ ахъну ва Уву Узу гьаувалихъ хъугъну.

Титдиз 1:1

Узу, Аллагьдин гъуллугънаъ айи ва Иса Месигьдин вакил Павел, Аллагьди кадагънайидар хъугъувалихъна хуз, гьякьʼвалин кӀулиъ тӀауз, дюзди Аллагьдиз гьюрмат фици апӀуруш улупуз ва

Ачмиш 5:7

Дугъу, багахь духьну, тахтниин Деънайирин арччул хилиъ айи дибиржнайи китаб гъибису.

Ачмиш 17:1

Ургуб гъаб хьайи ургур малайикдикан сар узухьна гъафнийи ва узухъди гъулхнийи: «Лиг, фициб жазайиз ккилигураш гизаф нирариин али Машгьур Кьяппа.

Ачмиш 19:9

Хъасин малайикди узуз кӀуру: «БикӀ: „Хушбахтаврар ву Ччилахьна сумчрин гешт хъапӀуз дих дапӀнайидар!“ Ва, давам апӀури, малайикди гъапизуз: „Магьа Аллагьдин гьякь гафар!“»

Ачмиш 19:10

Узу, му малайикдиз икрам апӀарза кӀури, дугъан ликариккна ис алахъза, хъа дугъу узуз гъапи: «Лиг, мици мапӀан! Узура, увуси ва яв гъардшарси, Исайикан шагьидвал апӀурайи лукӀ вуза! Аллагьдиз икрам апӀин! Гьаз гъапиш гьаму пайгъамбарвалин гафарин мяна Исайикан шагьидвал апӀуб ву».

Ачмиш 21:9

Хъасин ккудукӀру ургуб бедбахтвалар айи захар хьайи ургур малайикарикан сар малайик гъюру ва узухъди улхуру: «Лиг, узу увуз швушв улупидизавуз – Ччилан шив!»

Ачмиш 22:1

Хъасин малайикди узуз хрусталси нур туврайи уьмрин штун нир улупзуз. Думу нир Аллагьдинна Ччилан тахтнаккан ккудубчӀвурайи

Ачмиш 22:8

Узуз, Югьандиз, гьаму вари гъябкъюнзуз ва гъеебхьунзуз. Узуз гъеебхьиган ва гъябкъиган, узуз гьаму вари улупу малайикдин ликариккна, дугъаз икрам апӀуз кӀури, ис алахъза.

Ачмиш 22:9

Хъа малайикди гъапизуз: «Лиг, мици мапӀан! Узура гьаму увуси, яв гъардшарси, пайгъамбрарси ва гьаму китабдин гафар тамам апӀрударси, лукӀ вуза. Аллагьдин улихь икрам апӀин!»