Yoane 3:8 - BIBLIA Maandiko Matakatifu Kwa Watu Wote 2002

⁸ Upepo unavuma pahali unapotaka, nawe unasikia sauti yake, lakini haujui pahali unapotoka wala unapokwenda. Na ni vile inavyokuwa kwa kila mutu anayezaliwa kwa Roho.”

Yoane 3:8 Referans Kwoze

1 Wakorinto 2:11

Hakuna mutu anayeweza kujua mawazo ya mutu mwingine isipokuwa tu roho ya mutu inayokuwa ndani yake. Vilevile, hakuna anayejua mawazo ya Mungu isipokuwa Roho wa Mungu tu.

Matendo ya Mitume 2:2

Mara moja uvumi uliokuwa kama upepo unaovuma kwa nguvu sana ukashuka kutoka mbinguni. Nao ukajaa ndani ya nyumba yote walimokuwa wakiikaa.

Ezekieli 37:9

Halafu, Yawe akaniambia: Ewe mwanadamu, kwa ajili yangu toa unabii kwa upepo, uuambie kwamba Bwana wetu Yawe anasema hivi: Ewe upepo kuja toka pande zote ine na kuipulizia miili hii iliyokufa kusudi ipate kuishi.

1 Yoane 2:29

Munajua kwamba Kristo ni mwenye haki, kwa hiyo munapaswa kujua vilevile kwamba kila mutu anayefuata haki ni mutoto wa Mungu.

Matendo ya Mitume 4:31

Walipokwisha kuomba, nafasi ile walipokuwa wakikusanyika ikatikisika. Nao wote wakajazwa na Roho Mutakatifu na kuanza kutangaza Neno la Mungu kwa uhodari.

1 Wakorinto 12:11

Ni yule yule Roho mumoja anayetenda mambo hayo yote, akimupa kila mumoja zawadi mbalimbali kama anavyopenda.

Yoane 1:13

Hawakuzaliwa kuwa watoto wa Mungu kwa namna ya kimutu, wala kwa mapenzi ya kimwili, wala kwa mapenzi ya mutu, lakini wamezaliwa na Mungu.

Zaburi 107:29

Alituliza ile zoruba kali, nayo mawimbi yakanyamaza.

Zaburi 107:25

Aliamuru, akavumisha zoruba kali, ikarusha juu mawimbi ya bahari.

Zaburi 135:7

Analeta mawingu kutoka miisho ya dunia, anapiga umeme na kunyesha mvua, anavumisha upepo kutoka gala zake.

Muhubiri 1:6

Upepo unavuma tokea kusini, unazunguka mpaka kaskazini. Unazungukazunguka katika mwendo wake, kisha unarudia tena katika muzunguko wake siku zote.

Yoane 3:7

Usishangae kwa sababu nimekuambia kwamba sherti ninyi muzaliwe mara ya pili.

Yoane 3:9

Basi Nikodemo akamwuliza: “Maneno haya yanawezekana namna gani?”