Mezali 18:6 - BIBLIA Maandiko Matakatifu Kwa Watu Wote 2002

⁶ Maneno ya mupumbafu yanaleta ugomvi; kila neno analosema linasababisha azabu.

Mezali 18:6 Referans Kwoze

Mezali 27:3

Jiwe ni zito na muchanga vilevile, lakini uchokozi wa mupumbafu ni muzito zaidi.

Mezali 29:9

Mwenye hekima akibishana na mupumbafu, akasirike au acheke, ni mamoja; hatatulia.

Mezali 25:24

Afazali kuishi pembeni juu ya paa, kuliko kuishi ndani ya nyumba pamoja na mwanamuke mugomvi.

Mezali 20:3

Ni jambo la heshima kuepuka ugomvi; wapumbafu ndio wanaogombana.

Mezali 19:29

Azabu iko tayari kwa wenye kuzarau, na mapigo kwa migongo ya wapumbafu.

Mezali 19:19

Mutu wa hasira kali anapaswa kupata azabu; ukimwachilia mara moja itakuomba kumwachilia tena.

Mezali 17:14

Kuanzisha ugomvi ni kama kufungua maji ya kisima; achana na ugomvi mbele haujafurika.

Mezali 14:16

Mwenye hekima ni mwangalifu na anaepuka uovu, lakini mupumbafu hajizuizi wala hana uangalifu.

Mezali 14:3

Ndani ya kinywa cha mupumbafu kunatokea maneno ya kiburi, lakini mwenye hekima analindwa na maneno yake.

Mezali 13:10

Kiburi kinasababisha tu ugomvi, lakini kwa wanaokubali shauri jema kuna hekima.

Mezali 12:16

Ujinga wa mupumbafu unajulikana mara moja, lakini mwerevu anazarau matusi.

Mezali 22:10

Umufukuze mwenye kiburi na fujo itatoweka, na ugomvi na matusi vitakoma.