Mezali 18:5 - BIBLIA Maandiko Matakatifu Kwa Watu Wote 2002

⁵ Si vizuri kumupendelea mutu mwovu, na kumunyima sheria mutu wa haki.

Mezali 18:5 Referans Kwoze

Walawi 19:15

Unapotoa hukumu uamue kwa haki, usimupendelee masikini wala kumwogopa mwenye cheo. Lakini hukumu mwenzako kwa haki.

Mezali 28:21

Si vizuri kumubagua mutu. Watu wanafanya mabaya hata kwa ajili ya mukate.

Kumbukumbu la Sheria 16:19

Musipotoshe haki, musikuwe na upendeleo, wala musikubali kupokea kituliro, kwa kuwa kituliro kinapofusha macho ya watu wenye hekima na kupotosha maneno ya mutu mwenye haki.

Zaburi 82:2

“Mpaka wakati gani mutaendelea kuhukumu bila haki na kuwapendelea watu waovu?

Mezali 24:23

Hii ni misemo mingine ya wenye hekima. Kupendelea watu katika hukumu si vizuri.

Mezali 17:15

Kumuhesabu mwovu kuwa na haki na kumwazibu asiyekuwa na kosa, yote mawili ni chukizo kwa Yawe.

Matayo 22:16

Halafu wakatuma kwake wamoja kati ya wanafunzi wao pamoja na watu wengine wamoja waliojiunga na Herode kumwuliza maneno haya: “Mwalimu, tunajua kuwa wewe ni mutu wa kweli na kwamba unafundisha kwa kweli njia Mungu anayoamuru. Vilevile haushuguliki na mafikiri ya mutu yeyote kwa sababu hauangalii cheo cha mutu.

Isaya 5:23

Kwa ajili ya kituliro kidogo wanawaachilia wenye kosa na kuwanyima wasiokuwa na kosa haki yao.

Yobu 34:19

Yeye hawapendelei wakubwa, wala kuwajali watajiri kuliko wamasikini, maana wote hao ni kazi ya mikono yake.

Mika 7:3

Wote ni wafundi wa kutenda maovu; waongozi na waamuzi wanaomba kituliro. Wakubwa wanaonyesha wazi nia zao mbaya, nao wanashirikiana pamoja kwa kuzitimiza.

Isaya 59:14

Sheria ya Mungu imewekwa pembeni, haki iko mbali; ukweli unakanyagwa katika tribinali, usawa hauwezi kuingia humo.

Kutoka 23:2

Usifuate watu wengi kwa kutenda ubaya. Wala wakati wa kukata maneno, usishuhudie kufuatana na watu wengi kwa kupotosha haki.

Kutoka 23:6

Usipotoshe haki masikini anayostahili katika mashitaki yake.

Mezali 17:26

Si vizuri kumwazibu mutu asiyekuwa na kosa; ni kosa kuwapiga fimbo wenye heshima.

Mezali 31:5

Wakikunywa watasahau maagizo ya sheria, na kuwanyima haki wenye taabu.

Mika 3:9

Musikie jambo hili, enyi waongozi wa wazao wa Yakobo, musikilize, enyi watawala wa Waisraeli: Ninyi munachukia sheria ya Mungu na kupotosha mambo ya usawa.

Kutoka 23:3

Usikuwe na upendeleo katika mashitaki ya masikini.