Matayo 23:12 - BIBLIA Maandiko Matakatifu Kwa Watu Wote 2002

¹² Na yeyote anayejiinua, atashushwa, lakini anayejishusha, atainuliwa.

Matayo 23:12 Referans Kwoze

1 Petro 5:5

Na hivi vilevile, ninyi vijana, munapaswa kuwatii hao wazee. Ninyi wote munapaswa kuwa na unyenyekevu, mupate kutumikiana; maana Maandiko Matakatifu yanasema: “Mungu anawapinga wenye kiburi, lakini anawajalia wanyenyekevu neema.”

Yakobo 4:6

Lakini Mungu ametujalia neema kubwa zaidi, kwa maana Maandiko yanasema: “Mungu anapingana na wenye kiburi, lakini anawajalia wanyenyekevu neema.”

Luka 14:11

Kwa maana kila mutu anayejiinua atashushwa, lakini anayejishusha atainuliwa.”

Mezali 29:23

Kiburi cha mutu kinamuzaraulisha mwenyewe, lakini munyenyekevu wa roho atapata heshima.

Luka 18:14

Yesu akaongeza kusema: “Ninawaambia kwamba mutu huyu alirudia kwake akiwa amehesabiwa kuwa na haki mbele ya Mungu, lakini si yule Mufarisayo. Kwa maana kila mutu anayejiinua atashushwa, lakini anayejishusha atainuliwa.”

Matayo 18:4

Basi kila mutu atakayekuwa munyenyekevu kama huyu mutoto mudogo, ndiye atakayekuwa mukubwa katika Ufalme wa mbinguni.

Mezali 15:33

Kumwogopa Yawe ni mafundisho ya hekima; mbele ya kuheshimika inafaa kuwa munyenyekevu.

Matayo 5:3

“Heri wale wanaokuwa wamasikini wa roho, maana Ufalme wa mbinguni ni kwao!

Yobu 22:29

Maana, Mungu anawashusha wenye majivuno, lakini anawaokoa wanyenyekevu.

Isaya 57:15

Hivi ndivyo anavyosema Mungu anayekuwa juu kabisa, anayeishi milele na ambaye jina lake ni Mutakatifu: Mimi ninakaa kule juu, Pahali Patakatifu, ninakaa vilevile na wenye majuto na wanyenyekevu. Mimi nitawatia moyo wanaokuwa wanyenyekevu na kuwapa nguvu wenye majuto.

Zaburi 138:6

Ee Yawe, ingawa wewe uko juu ya wote, unawaangalia wanyenyekevu kwa wema; lakini, unatambua wenye kiburi kwa mbali.

1 Petro 5:6

Basi mujinyenyekeze mbele ya Mungu mwenye uwezo, kusudi awainue kwa wakati unaofaa.