Luka 18:1 - BIBLIA Maandiko Matakatifu Kwa Watu Wote 2002

¹ Halafu Yesu akawaambia wanafunzi wake mufano huu kwa kuwaonyesha kwamba wanapaswa kuomba siku zote pasipo kuchoka.

Luka 18:1 Referans Kwoze

Wakolosayi 4:2

Mudumu katika kuomba. Munapoomba mukeshe na kumutolea Mungu shukrani.

Waroma 12:12

Mufurahi mukiwa na tumaini, muvumilie katika mateso, mudumu katika kuomba.

1 Watesalonika 5:17

Muombe bila kuchoka.

Wafilipi 4:6

Musijisumbue juu ya neno lolote, lakini katika kila neno mutoe mahitaji yenu kwa Mungu, mukimwomba, mukimusihi na kumushukuru.

Waefeso 6:18

Mumwombe Mungu kila wakati mukiongozwa na Roho. Mumwombe na kumusihi kwa kila namna. Kwa hiyo mukeshe bila kuchoka mukiwaombea watu wote wa Mungu.

Yeremia 29:12

Kwa hiyo mutakapokuja kunililia na kuniomba, nitawasikiliza.

Luka 21:36

Basi mukeshe na kuomba kila wakati, kusudi mupate nguvu ya kuepuka mambo hayo yote yatakayotokea, nanyi mupate kuweza kusimama mbele ya Mwana wa Mutu.”

Wagalatia 6:9

Tusichoke kutenda mema; kwa maana siku zitakapotimia tutavuna kama tusiporegea.

Zaburi 86:3

Wewe ni Mungu wangu; basi, unionee huruma, maana ninakulilia muchana kutwa.

Zaburi 102:17

Yawe atajenga upya Sayuni, na kuonyesha utukufu wake.

2 Wakorinto 4:1

Kwa wema wake, Mungu ametupatia utumishi huu, na kwa sababu hii sisi hatukati tumaini.

Wakolosayi 4:12

Mwanainchi mwenzenu Epafra anawasalimia vilevile. Yeye ni mutumishi wa Yesu Kristo, hachoki kwa kuwaombea ninyi, kusudi musimame imara mukikomaa kiroho na kuwa tayari kwa kutimiza kabisa mapenzi ya Mungu.

Yona 2:7

Niliteremuka mpaka kwenye misingi ya milima, katika inchi ambayo milango yake imefungwa milele. Lakini wewe, ee Yawe, Mungu wangu, umenipandisha nikiwa muzima kutoka mule ndani ya shimo.

Zaburi 65:2

Ee Mungu, unastahili sifa huko Sayuni. Watu wanapaswa kukutimizia viapo vyao,

Zaburi 27:13

Ninaamini kwamba nitauona uzuri wa Yawe katika makao ya wazima.

Isaya 40:31

Lakini wote wanaomutumainia Yawe, watapata nguvu mupya. Watapanda juu kwa mabawa kama tai, watakimbia bila kuchoka, watatembea bila kuregea.

Isaya 62:7

musimupe hata nafasi ya kupumzika, mpaka atakapousimika Yerusalema, na kuufanya kuwa wenye sifa katika ulimwengu wote.

1 Samweli 1:12

Hana aliendelea kumwomba Yawe kwa muda murefu, na kuhani Eli akakuwa anaangalia midomo yake.

Luka 11:10

Kwa maana kila mutu anayeomba anapewa; anayetafuta anapata, anayepiga hodi anafunguliwa mulango.