2 Samweli 13:22 - BIBLIA Maandiko Matakatifu Kwa Watu Wote 2002

²² Abusaloma alimuchukia Amunoni sana hata hakusema naye, kwa sababu alimukamata dada yake Tamari kwa kinguvu, akalala naye.

2 Samweli 13:22 Referans Kwoze

Mwanzo 31:24

Lakini usiku, Mungu akamutokea Labani wa Aramu katika ndoto, akamwambia: “Ujichunge! Usimwambie Yakobo neno lolote, jema au baya.”

1 Yoane 3:15

Kila mutu anayemuchukia ndugu yake ni mwuaji, nanyi munajua kwamba mwuaji yeyote hana uzima wa milele ndani yake.

Mwanzo 24:50

Kisha kusikia hayo, Labani na Betueli wakamujibu: “Jambo hili limetoka kwa Yawe, sisi hatuwezi kuamua lolote.

1 Yoane 2:11

Lakini anayemuchukia ndugu yake anaishi na kutembea katika giza, wala hajui pahali anapokwenda kwa sababu giza limemupofusha macho.

1 Yoane 2:9

Mutu anayesema kwamba anaishi katika mwangaza, lakini anamuchukia ndugu yake, yeye angali anaishi katika giza.

Waefeso 4:31

Mutupilie mbali nanyi nia zote za uadui, chuki, kasirani, fujo na masingizio. Mutupilie mbali ubaya wa kila namna!

Waefeso 4:26

Kama mukikasirika, musianguke katika zambi, kasirani yenu isidumu muchana kutwa,

Matayo 18:15

“Kama ndugu yako akikukosea, umwendee kwa kumwonyesha kosa lake, mukiwa ninyi wawili peke yenu. Na kama akikusikia, unarudiliana na ndugu yako.

Muhubiri 7:9

Usikuwe mwepesi wa hasira, maana, hasira inakaa ndani ya wapumbafu.

Mezali 26:24

Mwenye chuki anaficha chuki yake kwa maneno mazuri, lakini uovu unajaa ndani ya moyo wake.

Mezali 25:9

Utengeneze ugomvi na mwenzako peke yake, na kila mumoja wenu asitoe siri ya mwenzake;

Mezali 10:18

Anayemuchukia mwingine kwa siri ni munafiki. Anayemusingizia mutu ni mupumbafu.

Mwanzo 31:29

Nina uwezo wa kukuzuru; lakini Mungu wa baba yako alinitokea usiku wa kuamukia leo, akaniambia nifanye angalisho, akisema: ‘Ujichunge! Usimwambie Yakobo neno lolote, zuri au baya’.

1 Yoane 3:10

Hii ndiyo njia inayoonyesha wazi tofauti kati ya watoto wa Mungu na watoto wa Shetani. Mutu asiyetenda mambo ya haki au asiyemupenda ndugu yake si mutoto wa Mungu.

1 Yoane 3:12

Tusikuwe kama Kaina aliyekuwa wa yule Mwovu, akamwua ndugu yake. Yeye alimwua kwa sababu gani? Kwa sababu matendo yake yalikuwa mabaya na ya ndugu yake yalikuwa ya haki.

2 Samweli 13:21

Mufalme Daudi aliposikia jambo hilo alikasirika sana.

Mezali 26:26

Anaweza kuficha chuki yake, lakini nia zake mbaya zitajulikana kwa wote.