YUDA 1:9 - Ha`bari Ndjema ya I Maore

⁹ Ne ɗe ata Mikayilu, muɓole wa zimalayika wakati akoshindrana na Iɓilisa ha uwanilia umwili wa Musa, ne kasuɓutu aruhana, ɓadi arongoa: «Mola nahuv̄ondre.»

YUDA 1:9 Referans Kwoze

2 MONYE 2:11

wakati ulio amba malayika zazidi nguvu na ushindzi, kaziwanazi mbeli za Mola.

MUV̄ENULIO 12:7

Wakati ule v̄uhimi kondro pev̄oni. Mikayilu na malayika zahe wawana na ishinyama ɓole ile. Na ishinyama ile wajau v̄umoja na zimalayika zayo iwana,

1 MONYE 3:9

Mwasuɗiv̄e mbovu ha mbovu, wala shilihidzo ha shilihidzo. Ɗe ikinyume, namusopeleye, mana ha iyo ɗe mwahirwa, ile muwarithi ɓaraka.

1 MATESALONIKA 4:16

Mana Raɓi waye-waye atsoshuka ulawa pev̄oni ãmuri yamotolwa, v̄umoja na ji la umuɓole wa zimalayika, na ngono ya liɓaragumu la Mungu. V̄av̄o wao wafa hari mwa uv̄umoja na Kristi watsoregezewa hayi kadimu.

MARKUSI 15:29

Watru wakov̄ira v̄ale wakomuruhana, na umugudzusia shitswa ha umuambia: «He, wawe ukomowao iNyumba Ndzitwaharifu, amwesa uiundre raha hari mwa suku traru,