YUDA 1:6 - Ha`bari Ndjema ya I Maore

⁶ ziMalayika kazaka zaɓaki hari mwa idaradja yazo, ɓadi zalawa hazo, asuzilisha ha daima hari mwa silisili moni na ishidza ha ulindrilia iSuku Ɓole ya Hukuma.

YUDA 1:6 Referans Kwoze

2 MONYE 2:4

Mana neka Mungu kapukamanisa zimalayika zaka zaãswi, ɓadi aziv̄eleha hari mwa umoro, azipulisa moni na ishidza ya uzimu, v̄ulio amba zifungwa ha ulindrilia hukuma yazo;

MAEFESO 6:12

Mana tsi kinyume na damu na nyama ɗe riwanao, ɓadi kinyume na zingutawalizi, ziyezi, zinguvu zashilidza zitawalao hari mwa ulemengu wa shidza unu, tsena kinyume na djeshi ɓovu la roho lilio mbinguni.

MATIYO 25:41

Amwesa atsoambia wao watsokao potroni hahe: ‹Namuniɓaushiye v̄anu wanyu mwalaanwa! Namwendre hari mwa umoro ulio amba kauzimiha dahari watayarishiwa Iɓilisa na warumizi wahe!

MATIYO 8:29

Ɓas, waandrisa ulatsa keme na urongoa: «Usuritsaha na trini, wawe Mwana wa Mungu? Uja v̄anu uritrese kaɓula raha wakati kawapara?»

2 MONYE 2:9

Ha izo, ɓasi, Mola ushindra ahuyi na madjereɓio uwatuĩvu na uhetsi wao tsi watuĩvu hari mwa shiv̄ondro ha iSuku ya Hukuma,

MAHEƁRANIYA 10:27

ɓadi mulindrilio wendza trisidzo wa ihukuma ya Mungu, uhali wa umoro ujao uvudze wao wamukanyushao.

YUHANI 8:44

Wanyu, ɓaɓanyu ɗe Iɓilisa, amwesa musutsaha mufanye mav̄endzeleo ya ɓaɓanyu. Uwo, rangu mwandro muangamifu, tsena kaparoka hari mwa ukweli, mana haheju kav̄u ukweli. Kula amorongoa trambo, waye urongoa ha uɗunga ihali yahe, mana waye munafiki, amwesa ɓaɓa wa trambo.

MUV̄ENULIO 20:10

Na Iɓilisa akowadanganya ne avutswa moni na lidzaha la moro na vu la shidzaha, v̄ahanu ishinyama mbovu na umushukidziwa-marongozi wa trambo walio. Watsotreswa uku na mutsana ha daima.

MATIYO 10:15

Nisumuambiani ha kweli, isuku ya hukuma, ihukuma ya malago ya Suduma na Gomora itsostahamilishiha rahana ya liɗago lile.»

MAROMU 2:5

Ɓadi ha siɓaɓu ya ukaidi waho na uumo kauandilishiha, usudzihetsia ãkiɓa ya hadhaɓu ya isuku ya ihadhaɓu, wakati ihukuma ya haki ya Mungu itsov̄enuhao,

YUDA 1:13

Wao mauri maluja yendza nguvu ya ɓahari yatoao povu lendza tsama la ziaĩɓu zawo; wa mauri nyora zendrao mboya zalishiwa ha dahari uɓole wa ishidza.

MUV̄ENULIO 20:2

Isiki ishinyama ɓole mufano wa vwayi, inyoha ya ãswili ilio ɗe Iɓilisa amma Shetwani, aitratria muda wa maha alifu.