YUDA 1:21 - Ha`bari Ndjema ya I Maore

²¹ namudzihetsi hari mwa uv̄endza wa Mungu, ha ulindra urehema wa Raɓi watru Insa-Kristi utsoriv̄ingiao uhayati mukamilifu wa daima.

YUDA 1:21 Referans Kwoze

1 YUHANI 4:16

Na wasi risujua uv̄endza Mungu alionayo na wasi, na wasi riiamini. Mungu waye mahaɓa. Na uwo aẽshio hari mwa mahaɓa, waye uẽshi hari mwa uv̄umoja na Mungu, na Mungu uẽshi hari mwa uv̄umoja na waye.

2 MONYE 3:12

ɗe mwalazimu mulindre na ujisa ha upesi iSuku ya Mungu, ilio amba zimbingu zivuao zitsoangamia, na zitru za ãswili zitsolalusiwa ha moro.

MAHEƁRANIYA 9:28

ɗe namuna iyo wajau Kristi atolwa sadaka mara moja, ile atowe madhambi ya indadi ɓole ya wanadamu, iv̄o av̄enuhe mara ya v̄ili, ɓila tsi ha trongo yahusu dhambi, ha wao wamulindriliao na uhuyifu.

MUV̄ENULIO 12:11

Na wao wamushindri ha idamu ya uMwana Ɓariɓari, na ha urongozi wa ushahidifu wawo; mana kawav̄endza uhayati wawo ata waka tayari ya ufa.

2 MATESALONIKA 3:5

Raɓi naendrese roho zanyu hari mwa uv̄endza wa Mungu na ustahamilivu wa Kristi.

MAROMU 6:23

Mana muliv̄o wa dhambi ɗe ufa, ɓadi ineema yadjaãliwa na Mungu ɗe uhayati mukamilifu wa daima hari mwa uv̄umoja na Kristi-Insa, Raɓi watru.

YUHANI 14:21

Mutru aliona ziãmuri zangu amwesa asuzituĩ, uwo ɗe aniv̄endzao; na uwo aniv̄endzao, atsov̄endzewa na Ɓaɓangu; na wami wajau nitsomuv̄endza, amwesa nitsodziv̄enua haheju.»

2 TIMUTAUSU 4:8

Rangu v̄anu tsihetsiwa ihishima ya muhakisho mbeli za Mungu. Raɓi, hakimu wa haki, atsoniv̄ayo iSuku iyo; wala tsi wami tu, ɓadi wajau na piya wao wakolindra v̄umoja na huɓa muv̄enulio wahe.

2 TIMUTAUSU 1:2

ha Timutausu mwana wa shi uaminifu muv̄endzewa wangu: Neema, urehema na amani zilawao ha Mungu amma Ɓaɓa na Kristi-Insa, Raɓi watru, nazihuendreleye.

MAROMU 8:39

tsi za uju oho wala za uzimu, wala kav̄u shiumbe itsokao yotsi yangina itsoshindrao iritsapuwe na uv̄endza ya Mungu yav̄enuha ha Kristi-Insa, Raɓi watru.

MAROMU 5:21

ile pare mauri ɗe iheli dhambi latawala ha uv̄inga uufa, ɗe ha inamuna iyo wajau ineema isutawala ha uv̄inga umuhakisho uv̄ao uhayati wa daima ha ndzia ya Insa-Kristi, Raɓi watru.

1 YUHANI 5:18

Risujua amba mutru yotsi adzalishiha shi Mungu kaãswi, mana umudzalishiha shi Mungu ule umuhifadhwi, na uMovu|Movu kamupara.

MAROMU 5:5

Na itama kaisuripua ɓari, mana uv̄endza ya Mungu ienea moni na roho zatru ha ndzia ya iRoho Ndzitwaharifu radjaãliwayo.

MAV̄INGIZI-RISALA 11:23

Uwaswili yahe ata aona ineema ya Mungu, afurahi, tsena awatria ɓari piyawo wasike ha umo muhodari uaminifu wawo na Raɓi.

YUDA 1:24

Ɓasi ha Uwo ashindrao amuziyeni na kula mukwaliso, tsena amuyeleheni mbeli za utukufu wahe ɓila pandra hari mwa furaha,

1 YUHANI 5:21

Wana wangu, namudzifahamishe na masanamwe!

2 TIMUTAUSU 1:18

Raɓi namudjaãliye upara urehema ha Mola iSuku iyo. Wawe-wawe usujua ha uzuri kiasi anirumishia Efeso.

YUHANI 1:17

Mana iSharia ika iv̄olwa ha ndzia ya Musa, ɓadi ineema na ukweli zija ha ndzia ya Insa-Kristi.

1 TIMUTAUSU 1:2

ha Timutausu, mwana wa kweli wangu hari mwa uaminifu: Neema, urehema na amani zilawao ha Mungu amma Ɓaɓa, na Kristi-Insa, Raɓi watru, nazihuendreleye.

2 TIMUTAUSU 1:16

Raɓi naenedze urehema wahe hari mwa umuraɓa wa Onesiforu, mana anitria ɓari mara nyengi, wala kaona haya na silisili zangu.

YUDA 1:1

Wami Yuda, murumishi wa Insa-Kristi, tsena mwananyahe wa Yakoɓu, nisuangishia wao wahiriwa amma wav̄endzewa wa Mungu ne ɗe Ɓaɓa, tsena wahetsiwa amba wa Insa-Kristi:

YUDA 1:22

Namukane urehema na wao walio hari mwa taradudu;