YAKOƁU 5:7 - Ha`bari Ndjema ya I Maore

⁷ Ɓasi wananyangu, namukane suɓira ata umujilio wa Raɓi. Namufikiri tu mulimizi namuna alindrao v̄umoja na suɓira yamavuna yendza faida ya ishiv̄andre ya tsi, rangu vua za handra ata za mwiso.

YAKOƁU 5:7 Referans Kwoze

MAGALATWIYA 6:9

Ɓasi rasulemewe ufanya ndjema, mana ritsovuna wakati wamopara, neka karisupuha ɓari.

MAKOLOSIYA 1:11

amwesa raha muhodarishihe hari mwa piya zitrongo, ha inguvu ndzitukufu yahe, ile mukane ustahamilifu na suɓira hari mwa piya, tsena ha furaha.

MAHEƁRANIYA 6:15

Ha izo ɓaanda asuɓiridza, Iɓrahima apara iyo aka atolewa wahadi.

MAROMU 2:7

uhayati mukamilifu wa daima ha watru walio amba ha idjitihadi yawo ya ufanya ndjema, wasutsaha utukufu, hishima na uhayati wa daima.

MAGALATWIYA 5:5

Wasi hatruju, ɗe ha uv̄ingwa na iRoho ɗe rilindrao, v̄umoja na uaminifu, umuhakisho riutumainiao.

1 MATESALONIKA 2:19

Mana ha yakini mbani ɗe tama yatru, furaha yatru, na hishima ritsodziɓuao nayo mbeli za Raɓi watru Insa wakati wa mujilio wahe? Hali tsi ɗe wanyu?

MATIYO 24:44

Iyo ɗe imana wanyu wajau namuke tayari, mana uMwana wa Mwanadamu atsoja wakati kamutsoufikiri.»

1 MATESALONIKA 3:13

Nahodarishe roho zanyu ile zike ɓila tuhuma hari mwa utwaharifu mbeli za Mungu watru amma Ɓaɓa, wakati wa umujilio wa Raɓi watru Insa v̄umoja na piya watwaharifu wahe.

MATIYO 24:27

Mana mauri ɗe ipeni iv̄enuhao rangu jua la uhea ionehanao jua la utswa, ɗe namuna utsokao umujilio wa uMwana wa Mwanadamu|Mwana wa Mwanadamu.

MAROMU 15:4

Mana piya izo zaangihwa rangu zamani ziangihwa ha urifundra, pare ha isuɓira na iɓari ritrilwao na uMuangishio Mutwaharifu, rikane tama.

2 MONYE 3:4

Ɓasi watsorongoa: «uWahadi wa mujilio wahe wa hav̄i? Mana rangu mida maɓaɓa yatru yafariki, kula shitru iɓaki mauri ɗe mwandroni mwa ulemengu.»

1 MATESALONIKA 1:3

Wasi unahana kula sa mbeli za Mungu watru amma Ɓaɓa zitrendro za uaminifu wanyu, urumwa wa uv̄endza yanyu, na uhodarifu wa itama mulionayo na Raɓi watru Insa-Kristi.

1 MAKORINTIYO 1:7

Ha izo, wanyu kamwakosewa na neema itsokao yotsi hari mwa umulindrilio wanyu wa umuv̄enulio wa Raɓi watru Insa-Kristi.

LUKASI 21:27

Ɓas, v̄av̄o watsoona uMwana wa Mwanadamu iv̄o atsojao hari mwa vingu, ha ushindzi na utukufu muɓole.

LUKASI 18:8

Nisumuambiani, ha upesi atsowav̄a haki zawo. Ɓadi uMwana wa Mwanadamu amoja, hali atsopara uaminifu ulemenguni v̄anu?»

LUKASI 8:15

Yao yapuliha hari mwa itrotro ndjema, ɗe wale wakia urongozi ule ha roho ndjema yarahara, wao uusika, amwesa ustahamili ata wadze mavuna.»

MATIYO 16:27

Mana uMwana wa Mwanadamu|Mwana wa Mwanadamu atsoja hari mwa utukufu wa Ɓaɓahe v̄umoja na zimalayika zahe; wakati uwo, atsoliv̄a kula mutru ulawana na zitrendro zahe.

MATIYO 16:28

Nisumuambiani ha kweli, ɓaãdhwi ya wanu walio v̄anu, kawatsofa raha kawaona uMwana wa Mwanadamu iv̄o ajao hari mwa ufalume wahe.»

YUHANI 21:22

Insa amudjiɓu: «Neka nisutsaha aɓaki ata wakati nitsoregeao, shuhuli yaho trini? Wawe, niɗunge.»

YUHANI 21:23

Rangu v̄ale, zihaɓari zienea hari mwa uwananya wa uaminifu amba swihaɓa lile kalitsofa. Na v̄ale Insa kaka amuambia Monye amba swihaɓa lile kalitsofa, ɓadi amba: «Neka nisutsaha aɓaki ata wakati nitsoregeao, shuhuli yaho trini?»

YAKOƁU 4:11

Mwasusingidziane wananyangu. Mutru asingidziao mwananya wa shi uaminifu au anamuao mwananyahe, asusingidzia iSharia na uinamua. Na neka usunamua iSharia, v̄av̄o kusi mutru aiɗungao, ɓadi wa munamuzi.

YAKOƁU 5:3

iDhahaɓu na ifedha yanyu zingia kutsu. Na kutsu yazo itsolawa ushahidi kinyume na wanyu, itsoɗya yimili yanyu mauri moro. Mudzingulidzia dafine hari mwa zisuku za mwiso.

YAKOƁU 5:10

Hari mwa trongo ya djondo na suɓira wananyangu, namurenge mufano yimitrume yalagua ha lidzina la Mola.