YAKOƁU 5:19 - Ha`bari Ndjema ya I Maore

¹⁹ Wananyangu, neka mutru mengoni mwanyu adziɓausa na ikweli, ɓasi amba wangina amuregeza,

YAKOƁU 5:19 Referans Kwoze

MAGALATWIYA 6:1

Wananyangu, neka v̄wa mutru aja asikwa na aina ya kosa, wanyu muv̄ingwao na iRoho, namumurudi ha roho ndzitrulivu. Ɓadi dzitahadharishe, usendre wawe wajau wadjereɓiwa.

MATIYO 18:15

«Neka munyaho ahukoso, endra wamupare weke, umueledze likosa lahe. Neka ahuv̄ulishia, v̄av̄o itsoka amba umupara munyaho.

YAKOƁU 5:20

namujuwe amba monyewe uregeza muãswifu v̄ahanu alatsiha, atsomuhuyi iroho na ufa, amwesa atsotsonga muzimio wa wengi wa madhambi.

LUKASI 22:32

Ɓadi tsihumilia Mungu, ile uaminifu waho usupuhe ɓari. Na wawe, wakati itsokao amba uniregea, hodarisha wanyaho.»

2 MONYE 3:17

Ɓasi wav̄endzewa wangu, iv̄o madza mujuao trongo zizo rangu kaɓula, namuke hashiri mwasudzilishe mwav̄ingwa ha upotevu wa waovu, mwaja mwalatsishiwa na yakini hodari yanyu.

1 TIMUTAUSU 6:10

Mana uv̄endza marike ɗe umuzi wa piya zimbovu. V̄wa ɓaãdhwi walio amba ha ushauku na wizo, wadziɓausa na uaminifu, tsena wadziv̄a ngutungu ha uwengi.

1 TIMUTAUSU 6:21

V̄wa ɓaãdhwi, ha ufanya amba wana ĩlimu iyo, waɓauha uaminifu. Rehema naimuendreleyeni.

YUDA 1:11

Maondo haoju! Mana waɗungu indzia ya Kayinu; ha siɓaɓu ya mupario, wadzilatsa hari mwa upotevu wa Ɓalahamu, tsena hari mwa mutsutsuho mauri Kurah ɗe wandra wadziangamidza.

YAKOƁU 3:14

Ɓadi neka rohoni hanyu muna uwivu muhali, na taɓia ya udziwanilia, ɓasi mwasudzifahari, wala mwasulaɓe ikweli.

2 TIMUTAUSU 2:18

walio amba wadziɓausa na ukweli, ha urongoa amba umuregeo hayi madza uhidjiri. Na v̄av̄o wasupoteza uaminifu wa ɓaãdhwi ya watru.

MAHEƁRANIYA 5:2

Waye ushindra aelewe wao walio amba kawaji, tsena walatsiha, iv̄o ilio amba waye-waye ne mulemevu.

YAKOƁU 1:16

Wananya wa shi uaminifu wav̄endzewa wangu, mwasulaɓihe!

YAKOƁU 1:19

Namujuwe wananya wa shi uaminifu wav̄endzewa wangu: kula mutru nake mwangu wa uvulishia, ake mudziro wa ulagua, mudziro wa uhadhaɓiha,