YAKOƁU 5:16 - Ha`bari Ndjema ya I Maore

¹⁶ Ɓasi namukuɓaliane madhambi yanyu wanyu na wanyu, tsena mumiliane Mungu wanyu na wanyu, ile pare muangale. Mumilio-Mungu wa mutuĩvu, uwo na ushindzi muhodari wa urendra.

YAKOƁU 5:16 Referans Kwoze

MATIYO 21:22

Yotsi mutsoimiao ha uaminifu, mutsov̄olwayo.»

YUHANI 9:31

Risujua amba Mungu kavulishia maãswifu. Ɓadi mutru amuhishimuo, afanyao mav̄endzeleo yahe, uwo ɗe amuvulishiao.

1 MONYE 2:24

Waye alio amba waye monyewe av̄ingi madhambi yatru mwilini hahe hari mwa umuri|muri wa pawa, pare rife uhusu madhambi, ne riẽshi uhusu ihaki; waye alio amba ha madjaraha yahe muangalisiwa.

1 YUHANI 3:22

Yotsi rimiao, wasi uipara na waye, mana risusika ãmuri zahe, amwesa risufanya zimujiv̄iao.

MAV̄INGIZI-RISALA 19:18

Watru wengi waamini wakoja wakuɓali na uv̄enua zitrendrwa zawo.

1 MATESALONIKA 5:17

mufanye mamilio ɓila uzia,

MAHEƁRANIYA 12:13

«Namutayarishiye ndzia zaondzoha yimindru yanyu», ile uwo ulio goɓo wasuv̄erehe, ɓadi uangale.

1 MATESALONIKA 5:25

Wananyatru, namurimiliye wajau wasi.

MATIYO 3:6

Wakov̄enua madhambi yawo, na waye akowaɓaĩsha|uɓaĩsha moni na umuro wa Jurdani.

MAHEƁRANIYA 13:18

Namurimiliye Mungu. Kweli wasi rina yakini amba roho zatru zirahara, iv̄o riliona nia ya udziv̄inga ha uzuri hari mwa piya zitrongo.

MAHEƁRANIYA 11:7

Ha uaminifu ɗe Nuhu ufahamishiwa yahe na Mungu na trongo zilio amba raha kazakoonehana, ha utuĩvu wahe, afanya djahazi ile ahuyi udjama wahe. Ɗe ha uwo ɗe ahukumu ulemengu, amwesa afanyiha muarithi wa umuhakisho uparihanao ha uaminifu.

MAROMU 5:19

Tsena, mauri ɗe ha mutru moja katuĩ, wengi wafanyiha maãswifu, ɓasi ɗe ha inamuna iyo wajau ha utuĩvu wa mutru moja, wengi watsokuɓalishiha mbeli za Mungu.

MAROMU 3:10

Mauri ɗe iheli v̄waangihwa moni mwa uMuangishio: «Kav̄usi arahara mbeli za Mungu, ata moja ne kav̄u;

MAHEƁRANIYA 11:4

Ha uaminifu, ɗe Haɓilu amutolea Mungu sadaka ɓorwa rahana la Kayinu. Na ha wilo apara ushahidifu wa mukuɓalisho wahe, iv̄o Mungu waye-waye akuɓali izo amutamaniazo. Na ha uaminifu wahe uwo, ata iv̄o afa, ne raha asulagua.

MAV̄INGIZI-RISALA 10:38

Musujua namuna Mungu amutsahua Insa wa Nazareti na umuenedza iRoho Ndzitwaharifu na ushindzi, na namuna akwendra ha urendra ndjema na uzihira piya wao waka watawaliwa na Iɓilisa, mana Mungu aka na waye.

1 MATESALONIKA 5:23

Ɓasi Mungu Monyewe utrulivu waye-waye namutwaharisheni ha ukamilifu piya nafusi yanyu, iroho, umo, na umwili, zilishwe ɓila tuhuma ha umuregeo wa Raɓi watru Insa-Kristi.

MAKOLOSIYA 1:9

Iyo ɗe imana ata wasi wajau, rangu isuku raikia, karisuzia umumiliani Mungu na utsaha amba mujadziwe ujuzi wa mav̄endzeleo yahe, ha kula hikima na ushindzi wa uelewa shiroho,

LUKASI 9:6

Ɓas walawa, wandre ɗago ha ɗago, wakojudza iHaɓari Ndjema na uzihira wawaɗe kula v̄ahanu.

MARKUSI 1:5

Piya itsi ya Yudeya na wakazi wa Yerusalemu wakomujilia; wakov̄enua madhambi yawo, amwesa wakoɓaĩshiwa na waye muroni Jurdani.

MAV̄INGIZI-RISALA 8:24

Sa ile Simoni amudjiɓu: «Wanyu ɗe namunimiliye Mola, ile nasuparwe na itsokao yotsi hari mwa izo mwazirongoa.»