YAKOƁU 5:11 - Ha`bari Ndjema ya I Maore

¹¹ Wasi urongoa amba waɓarikishiha wao wastahamili. Mukia amba v̄urongolwa ustahamilifu wa Ayuɓa, tsena muono umwiso Mola amudjaãliawo, kiasi Mola aliona urehema na poreho ha uwengi.

YAKOƁU 5:11 Referans Kwoze

YAKOƁU 1:12

Aɓarikishiha monyewe ustahamili mudjereɓio, mana ɓaanda itsokao amba adjereɓiwa, atsopara ihishima ya uhayati yatolewa wahadi na Mungu ha wao wamuv̄endzao.

MATIYO 10:22

Mutsoengwa na watru piya ha siɓaɓu ya lidzina langu. Ɓadi uwo atsostahamilio ata mwisoni, atsohuyiwa.

2 MONYE 2:9

Ha izo, ɓasi, Mola ushindra ahuyi na madjereɓio uwatuĩvu na uhetsi wao tsi watuĩvu hari mwa shiv̄ondro ha iSuku ya Hukuma,

1 MONYE 1:13

Ha izo, namuke na fikira zanyu, muke hashiri, tsena muhetsi tama ndzikamilifu yanyu hari mwa irehema itsomujiliaoni wakati wa umuv̄enulio wa Insa-Kristi.

LUKASI 6:36

Namuke wendza poreho, mauri Ɓaɓanyu heli alio mwendza poreho.»

MAHEƁRANIYA 10:39

Na wasi hatruju, karisi hari mwa wao wadzivurao wandra wadzipoteza, ɓadi hari mwa wao waliona uaminifu uhuyio roho zawo.

MAHEƁRANIYA 3:14

Mana ra hari mwa ushirika wa Kristi neka tu amba risusika hodari ata mwisoni umuhakikisho rilionawo rangu mwandro.

MAEFESO 2:4

Ɓadi Mungu waye mutadjirifu wa poreho na ha siɓaɓu ya uv̄endza muɓole ariv̄endza,

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

MAEFESO 1:6

ha umusifio mutukufu wa irehema ilio amba aridjaãliayo hari mwa umuv̄endzewa wahe.

MAROMU 2:4

Au usudharau utadjirifu wa uwema wahe, wa isuɓira na ustahamilifu wahe, ata kusujua amba v̄av̄o uwema wa Mungu uwo usutsaha uhuv̄inge wendre toɓa?

LUKASI 1:50

Na urehema wahe usurandra naswila ha naswila ha wao wamuriao.

YAKOƁU 1:2

Wananyangu, namuone mauri ndzia imuv̄ingiaoni furaha ya kusudi mwamoparwa na midjereɓio ya namuna ha namuna,

1 MONYE 3:14

Na wala ukana musuondesheha ha siɓaɓu ya ihaki, v̄av̄o muɓarikishiha. «Musukane trisidzo na wao, tsena mwasuɓaɓanyihe.»

LUKASI 11:10

Mana yotsi amiao, uv̄olwa, uwo azunguhao, upara, na uwo aremao hodi, waye uɓuliwa.