YAKOƁU 4:8 - Ha`bari Ndjema ya I Maore

⁸ Namumukuruɓiye Mungu, na waye atsomukuruɓiani. Namutwaharishe mihono yanyu, wanyu maãswifu, namurahatse ngumo zanyu, wanyu wendza roho zaãnisiha.

YAKOƁU 4:8 Referans Kwoze

MAHEƁRANIYA 10:22

V̄av̄o narikuruɓiye ha umo warahara na uaminifu mukamilifu, tsena na roho yarahatsiwa na tuhuma mbovu, v̄umoja na mwili ulio amba uhoswa ha maji maraharifu.

1 YUHANI 3:3

Yotsi aliona tama iyo na Kristi udzitwaharisha, mauri waye namuna alio twahara.

MAHEƁRANIYA 7:19

Mana iSharia kayakamilisha itsokao yotsi. Ɓadi av̄asa riv̄olwa tama ɓorwa zaidi, ilio amba ha wiyo risumukuruɓia Mungu.

2 MAKORINTIYO 7:1

Ɓasi ha iv̄o riliona wahadi mauri ɗe zini, wandzani wa roho wangu, naridzitwaharishe na kula inagisio umwili na iroho, na utsimidza utwaharifu ha wasi umuria Mungu.

1 MONYE 3:21

Na iyo ika mufano wa umuɓaĩsho umuhuyioni leo ini, muɓaĩsho ulio amba kausutoa tsama za umwili, ɓadi ulio miyadi mbeli za Mungu ha roho yarahara. Na uhuyifu uwo uparihana ha umuregezeo hayi wa Insa-Kristi,

MATIYO 12:33

«Muri ukuɓalishiha amba mwema neka mbia zawo za ndjema, ɓadi movu neka mbia zawo za mbovu. Mana muri ujulihana ha zimbia zawo.

1 TIMUTAUSU 2:8

Nisutsaha ɓasi amba hari mwa kula v̄ahanu, watruwaume wafanye mamilio ha uhedza mihono mitwaharifu, ɓila hadhaɓu wala mashindrano.

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

YAKOƁU 1:8

Uwo mutru mwendza roho yaãnisiha, kakana yakini hari mwa piya izo azifanyao.

MAV̄INGIZI-RISALA 15:9

Kafanya tafauti itsokao yotsi ɓaina ya wasi na wao, awarahatsa ziroho zawo ha uaminifu.

MATIYO 15:2

«Manatrini maswihaɓa yaho yatadio imila ya wadzaɗe watru? Mana wao kawatwaharisha yimihono wamondroɗya.»

MATIYO 27:24

Ɓilatusa umaizi yahe amba kav̄u shauri la waye uvulishiwa ɓadi fidjo ɗe lakozidi, arenge maji, ahoso yimihono mbeli za idunia ile na urongoa: «Wami tsirahara na idamu ya mutru uwo! Lilo djukuma lanyu!»

YAKOƁU 3:17

Hikima ya shi uju, iyo uka raɓuzi ndziraharifu, amwesa yendza amani, ndzitrulivu, tsena ndzielevu; iyo ujaya poreho, tsena ukana mavuna mema, ɓila uɓanguzi, wala unafiki.