YAKOƁU 4:11 - Ha`bari Ndjema ya I Maore

¹¹ Mwasusingidziane wananyangu. Mutru asingidziao mwananya wa shi uaminifu au anamuao mwananyahe, asusingidzia iSharia na uinamua. Na neka usunamua iSharia, v̄av̄o kusi mutru aiɗungao, ɓadi wa munamuzi.

YAKOƁU 4:11 Referans Kwoze

1 MONYE 2:1

Namutsuwe ɓasi kula uovu, kula udangamanyifu, unafiki, uwivu, na kula musingidzio.

MAROMU 2:1

V̄av̄o ɓasi, kusina muswamaha, wawe mutru yotsi unamuao wanyaho. Mana wamonamua wanyaho, v̄av̄o usudzihukumu ɗe wawe, mana wawe unamuao, usufanya ɗe wizo zile.

YAKOƁU 5:9

Mwasungurume wanyu na wanyu, wananyangu, pare mwasuhukumulwe. Tsuwo, hakimu ahimi mulongoju.

LUKASI 6:37

«Musulaumu, na wanyu kamutsolaumiwa; musuisiye, na wanyu kamutsoisiwa; namuswamihi, na wanyu mutsoswamihiwa.

1 MAKORINTIYO 4:5

Ɓasi, musutowe unamuzi kaɓula ya uwakati wahetsiwa, kaɓula ya umujilio wa Raɓi atsotoao heuni izo zadzama shidzani na uonesa dhwahiri zinia zilio rohoni. V̄av̄o kula mutru atsopara ulawa ha Mungu sifa yamustahiki.

MAEFESO 4:31

Ɓasi nazitolwe hari mwa wanyu kula unyongo wa roho, utukifu, hadhaɓu, umani, uruhana, tsena na kula aina ya uovu.

2 MAKORINTIYO 12:20

Mana nisuria amba namowaswili, tsitsomuparani namuna natsotsaha, na wanyu tsena kamutsonipara namuna mwatsotsaha. Nisuria wami upara umani, uwivu, hasera, mitsapushiano, zilihidzo, marongo nnayi, udziɓua na fidjo.

2 TIMUTAUSU 3:3

kawatsov̄endza wanyawo, kawatsoswamihi, watsonazi, kawatsodzizia, watsoka wahali, maãduwi ya zindjema,

1 TIMUTAUSU 3:11

Na watruwashe wajau, walazimu wake watru wakasidi, ike amba wao kawatefwa, washindre wadziziye, wake waaminifu hari mwa kula trongo.

MAROMU 7:7

Ɓasi v̄anu rirongowe jeje? Amba Sharia, lilo dhambi? Ata hata! Ɓadi tsatsojua amba dhambi ɗe liv̄i, neka tsi ha iSharia. Mana tsatsojua amba udzihafukanisa iyo mbovu, na djeli iSharia kayaka yarongoa: «Usudzihafukanise.»

MAROMU 2:13

Kweli amba tsi ɗe wao wakiao iSharia ɗe watsokuɓalishiao mbeli za Mungu, ɓadi wao waiɗungao ɗe watsokuɓalishiao.

YAKOƁU 1:25

Ɓadi mutru aangaliao ha makini iSharia yendza ukamilifu iv̄ingiao unafasi, amwesa aendreleao nayo, tsi amba ha uivulishia na uiɗela, ɓadi ha uitria ndziani, mutru uwo atsoɓarikishiha hari mwa izo atsofanyao.

TITUSA 2:3

Watrumama wendza maha wajau, wakane maendreleo yastahiki watwaharifu. Ike amba wao kawatefua, wala wasuke walevi, ɓadi wasomedze zilio ndjema,

YAKOƁU 1:16

Wananya wa shi uaminifu wav̄endzewa wangu, mwasulaɓihe!

YAKOƁU 1:19

Namujuwe wananya wa shi uaminifu wav̄endzewa wangu: kula mutru nake mwangu wa uvulishia, ake mudziro wa ulagua, mudziro wa uhadhaɓiha,

YAKOƁU 2:8

Ɓila shaka neka musutsimidza isharia ya shiufalume yalawana na uMuangishio amba: «Utsov̄endza munyaho mauri ɗe iwawe yaho», v̄av̄o musufanya ndjema.

YAKOƁU 5:7

Ɓasi wananyangu, namukane suɓira ata umujilio wa Raɓi. Namufikiri tu mulimizi namuna alindrao v̄umoja na suɓira yamavuna yendza faida ya ishiv̄andre ya tsi, rangu vua za handra ata za mwiso.

YAKOƁU 5:10

Hari mwa trongo ya djondo na suɓira wananyangu, namurenge mufano yimitrume yalagua ha lidzina la Mola.