YAKOƁU 3:16 - Ha`bari Ndjema ya I Maore

¹⁶ Mana v̄ahanu v̄ulio uwivu na taɓia ya udziwanilia, v̄av̄o uka musadjadja na kula aina ya taɓia mbi.

YAKOƁU 3:16 Referans Kwoze

YAKOƁU 3:14

Ɓadi neka rohoni hanyu muna uwivu muhali, na taɓia ya udziwanilia, ɓasi mwasudzifahari, wala mwasulaɓe ikweli.

1 MAKORINTIYO 3:3

Mana raha musudziv̄inga shiuɓinadamu. Rangu hari mwanyu v̄ulio uwivu na umani, v̄av̄o kamusi shiuɓinadamu? Hali kamusudziv̄inga ha namuna ya shi ulemengu?

1 MAKORINTIYO 14:33

Mana Mungu tsi Mungu wa fidjo, ɓadi Mungu wa utrulivu. Mauri ɗe hari mwa piya ziDjama Ndziwaminifu za watwaharifu,

1 YUHANI 3:12

Rasuke mauri Kayinu, alio amba aka wa uMovu|Movu, tsena amuula mwananyahe. Na manatrini amuula? Mana zitrendro zahe zika mbovu, na za mwananyahe zika za haki.

MAGALATWIYA 5:20

uãɓudu masanamwe, utsayi, uãduwi, umani, uwivu, hasera, ushifuɓa, mitsapushiano, mifarikishano,

MAV̄INGIZI-RISALA 19:29

Piya liɗago lingiliwa na mutsutsuho. Watru wakorema mbio ha djimla uendra hari mwa lipa la malangadzo ya tiyatiri lawo, na umugogora Djayusu na Aristarkusa, watru wa shi Makadoniya, waka hari mwa musafara moja na Ɓaulusu.

MAROMU 2:8

Ɓadi hadhaɓu na hasera ha wao wadzinafasishao, waharao ukweli na uɗunga udhuluma.

2 MAKORINTIYO 12:20

Mana nisuria amba namowaswili, tsitsomuparani namuna natsotsaha, na wanyu tsena kamutsonipara namuna mwatsotsaha. Nisuria wami upara umani, uwivu, hasera, mitsapushiano, zilihidzo, marongo nnayi, udziɓua na fidjo.

MARKUSI 3:25

Na neka udjama usuwana wao na wao, udjama uwo kauẽshi.