YAKOƁU 2:6 - Ha`bari Ndjema ya I Maore

⁶ Na wanyu musudharau zimasikini! Matadjiri yao tsi ɗe wamurendraoni nnayi na umuv̄ingani mbeli za mahakama mwa?

YAKOƁU 2:6 Referans Kwoze

1 MAKORINTIYO 11:22

Hali kamusina nyumba pare muɗye na unwa? Au musudharau iDjama Ndziwaminifu ya Mungu na upatsa aĩɓu wao kawasina? Nimuambiyeni trini? Nimusifuni? Ata hata, hari mwa iyo tsisumusifuni.

YAKOƁU 5:4

Tsini yimiliv̄o kamwayiliv̄a ya watru wa hazi wavuna yimindra yanyu yisushelemedza, na zikeme za wavunizi ziwaswili makioni ha Mola Monyewe Ushindzi.

YAKOƁU 2:3

ɓasi amba musushapiha na ule apindra livao lendza sheo ha umuambia: «Wawe ketsi v̄anu hari mwa ɓandza la sheo lini», wakati ulio amba musuambia masikini ile: «Wawe hima hule», au: «Ketsi mindruni hangu»,

MAV̄INGIZI-RISALA 17:6

Ɓaanda kawawapara, wamurenge Yasuna na ɓaãdhwi ya wananya wa shi uaminifu, wawagogora mbeli za waɓole wa liɗago ha ushelemedza: «Watru wanu walio amba watria fidjo hari mwa lidunia kamili waja wajau hunu,

MAV̄INGIZI-RISALA 13:50

Ɓadi Mayahudi yakotsotsoa watruwashe wendza sheo watuĩvu na yamakizi-mbeli ya liɗago. Watsongo umani kinyume na Ɓaulusu na Ɓarnaɓasi, ata wawaĩdzia hari mwa liɓavu lawo lile.

MAV̄INGIZI-RISALA 8:3

Ɓadi Saulusu v̄ahe, akotsaha aangamidze iDjama Ndziwaminifu. Akongia moni na zinyumba, akogogora rangu watruɓaɓa ata watrumama na uwatria shiv̄ani.

YAKOƁU 5:6

Muhukumu na uula mwendza haki, wala kasumulimbiani.

MAV̄INGIZI-RISALA 18:12

Wakati Galiyo aka ahetsiwa muɓole wa liɓavu la Akaya, yaMayahudi ha nia moja wahimi kinyume na Ɓaulusu, wamuv̄ingi hari mwa lipa la mahakama

YUHANI 8:49

Insa awadjiɓu: «Tsisina shetwani, ɓadi nisumuhishimu Ɓaɓangu, na wanyu kamusunihishimu.