YAKOƁU 2:23 - Ha`bari Ndjema ya I Maore

²³ Ɗe inamuna iyo ɗe urongozi wa uMuangishio unu watsimidziha: «Iɓrahima amuamini Mungu, na iyo itsongesha muhakikisho wahe», amwesa ahirwa mwandzani wa Mungu.

YAKOƁU 2:23 Referans Kwoze

MAGALATWIYA 3:6

Mauri ɗe Iɓrahima «amuamini Mungu, na iyo ɗe yafanyishiha muhakisho mbeli zahe.»

MAROMU 11:2

Mungu kajeledza umati wahe ulio amba aujua rangu kaɓula. Hali kamusujua iyo uMuangishio urongoao hari mwa likara lahusu mashitaka ya Eliya mbeli za Mungu kinyume na Israila, amba:

MAGALATWIYA 3:22

Ɓadi uMuangishio urongoa amba ulemengu piya uɓaliwa hari mwa madhambi, ile uwahadi udjaãliwe, ha uaminifu na Insa-Kristi, ha wao waaminio.

MAROMU 9:17

Mana uMuangishio umuambia Firiyauna: «Tsihuv̄a daradja ha kusudi, ile nionese haho ushindzi wangu na lidzina langu lijudziwe hari mwa ulemengu piya.»

LUKASI 4:21

Ɓas, aandrisa uwaambia: «Leo v̄anu urongozi wa uMuangishio uwo mwaja mwaukia, utsimidziha.»

MARKUSI 15:27

V̄umoja na waye v̄uremwa mizumari warav̄izi waili hari mwa miri ya pawa, moja humeni, na umoja potroni. [

MARKUSI 12:10

Kamwasoma urongozi unu wa uMuangishio Mutwaharifu? ‹liƁwe waundrizi walilatsa, ɗe larendreha liɓwe mahususu la nyongaju.

1 MONYE 2:6

Mana v̄uangihwa moni na uMuangishio: «Tsami nisuhetsi hari mwa iSiyuna|Siyuna ɓwe la nyongaju, ɓwe latsahulwa, tsena lendza faida, na uwo aliaminio, katsojaya haya.»

2 TIMUTAUSU 3:16

Piya uMuangishio uja ulawa ha Mungu, tsena ufayi ya usomedza, ufundra, urudia na ufundrisa maendreleo ya uhaki,

MAV̄INGIZI-RISALA 1:16

«Wananyangu, itrongo yaangihwa moni na uMuangishio Mutwaharifu ika ilazimu itsimidzihe, trongo iRoho Ndzitwaharifu aka aijudza rangu kaɓula ha ihanyo ya Daudu yapatana na Yudasi av̄inga uwatru wamusika Insa.

YAKOƁU 2:24

Musuona amba ɗe ha ulawana na zitrendro ɗe shiumbe mwanadamu ihakishihao, ɓadi tsi ha uaminifu tu ɓasi.