YAKOƁU 1:5 - Ha`bari Ndjema ya I Maore

⁵ Neka v̄wa mutru mengoni mwanyu akosewa na hikima, naitsahe ha Mungu av̄ao watru piya ha uwengi ɓila urudia, na waye atsov̄olwayo.

YAKOƁU 1:5 Referans Kwoze

YUHANI 15:7

Neka musuɓaki hari mwa uv̄umoja na wami, na marongozi yangu yasuɓaki moni hanyu, namumiye yotsi mutsahao, na wiyo mutsotakaɓaliwayo.

YAKOƁU 3:17

Hikima ya shi uju, iyo uka raɓuzi ndziraharifu, amwesa yendza amani, ndzitrulivu, tsena ndzielevu; iyo ujaya poreho, tsena ukana mavuna mema, ɓila uɓanguzi, wala unafiki.

YUHANI 14:13

Na yotsi mutsoimiao ha lidzina langu, nitsoifanya, ile pare Ɓaɓa atukuziwe ha uMwana.

1 YUHANI 3:22

Yotsi rimiao, wasi uipara na waye, mana risusika ãmuri zahe, amwesa risufanya zimujiv̄iao.

YAKOƁU 5:16

Ɓasi namukuɓaliane madhambi yanyu wanyu na wanyu, tsena mumiliane Mungu wanyu na wanyu, ile pare muangale. Mumilio-Mungu wa mutuĩvu, uwo na ushindzi muhodari wa urendra.

YUHANI 4:10

Insa amudjiɓu: «Na djeli wakojua ineema yadjaãliwa na Mungu, na uwo mbani ɗe ahuambiao amba: ‹Nimbe maji ninwe›, v̄av̄o wawe ɗe watsomumia maji ya unwa, na waye atsohuv̄a maji ya uhayati.»

YAKOƁU 1:17

Kula neema ndzuzuri, kula zawadi ndzikamilifu, izo uja ulawa uju oho ha Ɓaɓa Monyewe uumba zinuru ya shimbinguni, alio amba haheju kav̄u mugaudzio, wala mungio shidza.

MATIYO 11:20

Amwesa Insa aandrisa ulaumu malago aka atsimidza midjuza nyengi, wala kayandra toɓa, amba:

2 MAKORINTIYO 2:16

Ha wasalia ra harufu ya ufa iv̄ingao ufa, na ha uwasalia harufu ya uhayati iv̄ingao hari mwa uhayati. Ɓasi v̄av̄o mbani ashindrao trongo mauri ɗe iyo?

MARKUSI 16:14

Mwisoni av̄enushia kumi na moja wale wakati waka mezaju wakoɗya. Awarudi iv̄o kawaamini, na ha uangavu wa roho wawo, mana kawaamini wale wamuona amba aregezewa hayi.