YAKOƁU 1:4 - Ha`bari Ndjema ya I Maore

⁴ Ɓasi ustahamilivu nautsimidze hazi zawo, ile muke watru watsimu, tsena mukamilishihe hari mwa piya yimikaɓala, mwasukosewe na itsokao yotsi.

YAKOƁU 1:4 Referans Kwoze

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.

LUKASI 21:19

Ha ustahamilifu wanyu mutsovukisha nafusi zanyu.»

MATIYO 5:48

Ɓasi namurahare, mauri ɗe Ɓaɓanyu mbinguni, alio amba arahara.»

2 TIMUTAUSU 3:17

ile mutru wa Mungu akamilishihe, ake tayari ya ufanya kula shitrendro ndjema.

MAHEƁRANIYA 13:21

namudjaãliyeni ushindzi wa kula ndjema itsomuruhusunio mufanye mav̄endzeleo yahe; nafanye moni hatru izo zimujiv̄iao, ha indzia ya Insa-Kristi, alio amba haheju utukufu naumuendreleye ha daima. Amina.

MAGALATWIYA 6:9

Ɓasi rasulemewe ufanya ndjema, mana ritsovuna wakati wamopara, neka karisupuha ɓari.

YAKOƁU 3:2

Wasi piyasi ukwala ha namuna nyengi. Neka mutru kasukwala ha urongozi, uwo mutru arahara, ashindrao aziye piya mwili wahe.

YAKOƁU 1:5

Neka v̄wa mutru mengoni mwanyu akosewa na hikima, naitsahe ha Mungu av̄ao watru piya ha uwengi ɓila urudia, na waye atsov̄olwayo.

1 MAKORINTIYO 2:6

Na v̄av̄o, kweli amba risujudza hikima hari mwa watru waaminifu wakamiliha shiroho, ɓadi hikima ilio amba tsi ya ulemengu unu, wala tsi ya matawalizi wa lidunia lini, walio amba wahetsiwa wandre waangamidziwe;

MAKOLOSIYA 4:12

Eɓafrasu alio wa shi hanyu, asumusalimuni; murumishi wa Kristi-Insa uwo asudzisonga dahari ha umufanyiani mamilio, ile musike hodari ɓaanda mwakamilishiha, na ukana yakini yaswafishiha na mav̄endzeleo ya Mungu.

LUKASI 8:15

Yao yapuliha hari mwa itrotro ndjema, ɗe wale wakia urongozi ule ha roho ndjema yarahara, wao uusika, amwesa ustahamili ata wadze mavuna.»

MATIYO 10:22

Mutsoengwa na watru piya ha siɓaɓu ya lidzina langu. Ɓadi uwo atsostahamilio ata mwisoni, atsohuyiwa.

2 MONYE 1:9

Ɓadi uwo alio amba trongo zizo kazisi hahe, waye mufa-matso, kasuona mbali; waye uɗela amba arahatsiwa madhambi ya hale yahe.

YUHANI 17:23

wami moni hawo, na wawe moni hangu, ile wakamilishihe hari mwa uv̄umoja, na ulemengu ujuwe amba univ̄eleha, tsena amba uwav̄endze, mauri ɗe inamuna waniv̄endza.

LUKASI 18:22

Insa wakati akia trongo zile, amuambia: «V̄uhuɓakia tsena trongo moja: udza piya izo ulionazo, uanisiye zimasikini, na v̄av̄o utsokana utadjirifu pev̄oni. Amwesa uje uniɗunge.»

MARKUSI 10:21

Sa ile Insa amuangalia ha mahaɓa, amuambia: «V̄uhuɓakia trongo moja: endra waudze piya ulionazo, uv̄e zimasikini zifaida, v̄av̄o utsokana utadjirifu pev̄oni; amwesa uje uniɗunge!»

MATIYO 19:20

Shaɓaɓi ule amuambia: «Tsiɗungu piya trongo izo; trini ɗe yaniɓakia raha?»

1 MATESALONIKA 5:23

Ɓasi Mungu Monyewe utrulivu waye-waye namutwaharisheni ha ukamilifu piya nafusi yanyu, iroho, umo, na umwili, zilishwe ɓila tuhuma ha umuregeo wa Raɓi watru Insa-Kristi.