YAKOƁU 1:22 - Ha`bari Ndjema ya I Maore

²² Namutriye ndziani uUrongozi, ɓadi isuke amba musuuvulishia tu ɓasi, ha udzilaɓa wanyu wenyewe.

YAKOƁU 1:22 Referans Kwoze

MAROMU 2:13

Kweli amba tsi ɗe wao wakiao iSharia ɗe watsokuɓalishiao mbeli za Mungu, ɓadi wao waiɗungao ɗe watsokuɓalishiao.

YUHANI 13:17

Mwamojua trongo zizo, v̄av̄o mwa rahani neka musuzitria ndziani.

YAKOƁU 4:17

Ɓasi uwo ajuao ndjema yalazimu afanye ne kasuifanya, v̄av̄o asuãswi.

1 YUHANI 2:3

Na ha ini ɗe rijuao amba risumujua: ɗe wasi usika ãmuri zahe.

LUKASI 11:28

Ɓadi adjiɓu: «Waɓarikishiha zaidi ɗe wao wavulikiao urongozi wa Mungu, tsena wausikao.»

MATIYO 12:50

Mana mutru yotsi afanyao yamav̄endzeleo ya Ɓaɓangu alio mbinguni, uwo ɗe mwananyangu mutruɓaɓa, mwananyangu mutrumama, tsena mayangu.»

MAKOLOSIYA 3:17

Yotsi mufanyao, neka ha marongozi au shitrendro, namuifanye ha lidzina la Raɓi Insa, na ha ndzia yahe, mumushukuriye Mungu amma Ɓaɓa.

MUV̄ENULIO 22:7

«Tsami nisuja tsi hale! Aɓarikishiha uwo asika marongozi ya shi mutrume yashukidziwa ya ishio ini.»

1 YUHANI 3:7

Wana wangu, v̄usuke ata mutru amupotezani. Uwo arendrao uhaki, waye mwendza haki, mauri waye Insa-Kristi, namuna alio wa haki.

YAKOƁU 1:26

Neka mutru asudziona amba mutru wa dini, wala kasuzia ulimi wahe, ɓadi asudzilaɓa monyewe, v̄av̄o dini yahe ya truv̄u.

MAGALATWIYA 6:7

Musudzilaɓe; Mungu kadharauliha. Iyo mutru atsotaɓuo, ɗe atsoivunao.

3 YUHANI 1:11

Wawe muv̄endzewa, wasutiɓe imbovu, ɓadi indjema. Uwo afanyao indjema, waye wa shi Mungu. Uwo afanyao imbovu, waye kamuji Mungu.

MAGALATWIYA 6:3

Neka mutru asudzifikiria amba muɓole wakati ulio amba waye shitru titi, asudzilaɓa waye monyewe.

1 MAKORINTIYO 6:9

Kamusujua amba wadhuluma kawatsopara fungu hari mwa Utawalizi wa Mungu? Musulaɓihe! Watru wendza taɓia za peu za shi mwili, maãɓudu-masanamwe, wazindzi, watruɓaɓa waliona shahawa wao na wao,

MATIYO 28:20

muwasomedze watuĩ piya izo namuãmurishanizo. Na tsami, nisuka v̄umoja na wanyu kula suku, ata mupaka umwiso wa lidunia.»

1 YUHANI 1:8

Neka risurongoa amba karisina dhambi, v̄av̄o risudzilaɓa, tsena ikweli kaisi moni hatru.

MAFILIPI 4:8

Yaɓaki iv̄o wananyangu, piya zilio kweli, piya zendza hishima, piya zilio haki, piya zendza uraharifu, piya zav̄endzesheha, piya zastahiki utukuziwa, piya zilio ndjema tsena zastahiki sifa, ɓasi trongo zizo nazike hari mwa fikira zanyu.

1 MAKORINTIYO 15:33

Musudzidanganye: «Uka v̄umoja na waovu, uangamidza taɓia ndjema.»

MUV̄ENULIO 12:9

Ɓasi v̄ale ivutswa utsini, ishinyama ɓole, ne ɗe inyoha ya ãswili ihiriwao Iɓilisa amma Shetwani, uwo adanganyao ulemengu kamili. Avutswa shiv̄andreju mwa tsi, na zimalayika zahe v̄umoja na waye.

2 MONYE 2:13

V̄av̄o watsovuna mbovu amba shiliv̄o ya zimbovu wazirendra. Wao upara ladha yawo wamodzieleha hari mwa ngulevi zawo, mutsana wa nyombe na mbuzi. Wamoka v̄umoja na wanyu hari mwa zikaramu, wao uka mauri mav̄andra na tsama, tsena ujiv̄iwa na unafiki wawo.

TITUSA 3:3

Mana wasi wajau, mara ya handra rika wajinga, wakaidi, wapotevu, warumwa wa piya zinamuna za ngushauku na za masterehi. Rakoẽshi hari mwa upeu na uwivu, rika wafudhuli, tsena rakoengana.

1 MAKORINTIYO 3:18

V̄wasuke ata mutru adzilaɓa: neka mutru mengoni mwanyu asudziona mauri mwendza hikima, hikima ya shi duniani, nafanyihe mujinga, ile afanyihe mwendza hikima.

2 TIMUTAUSU 3:13

Ɓadi waovu na wanafiki watsendra ha uzidishiha na uovu, ha wao upoteza wasalia na udzipoteza wao wenyewe.

YAKOƁU 4:11

Mwasusingidziane wananyangu. Mutru asingidziao mwananya wa shi uaminifu au anamuao mwananyahe, asusingidzia iSharia na uinamua. Na neka usunamua iSharia, v̄av̄o kusi mutru aiɗungao, ɓadi wa munamuzi.