YAKOƁU 1:16 - Ha`bari Ndjema ya I Maore

¹⁶ Wananya wa shi uaminifu wav̄endzewa wangu, mwasulaɓihe!

YAKOƁU 1:16 Referans Kwoze

YAKOƁU 1:19

Namujuwe wananya wa shi uaminifu wav̄endzewa wangu: kula mutru nake mwangu wa uvulishia, ake mudziro wa ulagua, mudziro wa uhadhaɓiha,

MAFILIPI 2:12

Ha izo wav̄endzewa wangu, mauri ɗe inamuna dahari mwatuĩ, ɓila tsi tu amba namoka v̄umoja na wanyu, ɓadi zaidi av̄asa ilio amba tsisi na wanyu, namuendreleye utria ndziani ha hofu na staha uhuyifu wanyu.

MAGALATWIYA 6:7

Musudzilaɓe; Mungu kadharauliha. Iyo mutru atsotaɓuo, ɗe atsoivunao.

MAKOLOSIYA 2:8

Namufahamu amba v̄wasuke mutru amufanyiani shambwe ha ndzia ya misomo ya ziãkili za shiuɓinadamu ndzidangamanyifu, tsena truv̄u, yilawanao na zimila za shiuɓinadamu, na zitru za ãswili za ulemengu, ɓadi tsi ha Kristi.

MAHEƁRANIYA 13:1

Uv̄endza wa shiunanya nauendreleye hanyuju.

MAKOLOSIYA 2:4

Nisurongoa zizo pare v̄usuke mutru amudanganyani ha marongozi yendza ladha.

YAKOƁU 2:5

Namuvulishiye wananya wa shi uaminifu wav̄endzewa wangu: afa Mungu katsahua wao walio masikini mbeli za ulemengu, amba waka matadjiri hari mwa uaminifu, tsena mawarithi wa utawalizi autolea wahadi ha wao wamuv̄endzao?

2 TIMUTAUSU 2:18

walio amba wadziɓausa na ukweli, ha urongoa amba umuregeo hayi madza uhidjiri. Na v̄av̄o wasupoteza uaminifu wa ɓaãdhwi ya watru.

MAFILIPI 4:1

Ha izo, wananya wav̄endzewa wangu, wanyu mulio amba tsina hamu na wanyu, wanyu mulio furaha yangu tsena hishima yangu, namuke watru wasika hari mwa uv̄umoja na Raɓi, wandzani wa roho wangu.

1 MAKORINTIYO 6:9

Kamusujua amba wadhuluma kawatsopara fungu hari mwa Utawalizi wa Mungu? Musulaɓihe! Watru wendza taɓia za peu za shi mwili, maãɓudu-masanamwe, wazindzi, watruɓaɓa waliona shahawa wao na wao,

MARKUSI 12:27

Ɓasi Mungu waye tsi Mungu wa watru wafa, ɓadi wa watru walio hayi. Wanyu mulatsiha halisi!»

MARKUSI 12:24

Sa ile Insa awadjiɓu: «Saɓu imana ata murongoao kosa, tsi ɗe ha iv̄o ilio amba kamusuelewa, tsi ɗe uMuangishio, wala tsi ɗe ushindzi wa Mungu?

MATIYO 22:29

Sa ile Insa awadjiɓu: «Wanyu mulatsiha, mana kamusuelewa, tsi ɗe uMuangishio Mutwaharifu, wala tsi ɗe ushindzi wa Mungu.

MAV̄INGIZI-RISALA 1:15

Ata suku, Monye ahimi hari-hari na maswihaɓa wanyahe wale. Indadi ya watru waka wangulidzana, ika mukaɓala wa miya wa ishirini. Sa ile arongoa:

YAKOƁU 1:2

Wananyangu, namuone mauri ndzia imuv̄ingiaoni furaha ya kusudi mwamoparwa na midjereɓio ya namuna ha namuna,

YAKOƁU 2:1

Wananyangu, v̄wasuke uɓanguzi wa sura hari mwa uaminifu wanyu na Raɓi mutukufu watru Insa-Kristi.

YAKOƁU 2:14

Wananyangu, faida trini ha mutru arongoao amba ana uaminifu, ne kasina zitrendro? Hali uaminifu ushindra umuhuyi?

YAKOƁU 3:1

Mwasuke wengi wa utsaha amba musomedze, wananyangu, mana musujua amba wasi risomedzao, ritsopara hukuma ndziro zaidi.

YAKOƁU 3:10

Ha ihanyo wiyo-wiyo ulawa umusifio na umulaãnio. Wananyangu, kayalazimu yaka namuna iyo.

YAKOƁU 4:11

Mwasusingidziane wananyangu. Mutru asingidziao mwananya wa shi uaminifu au anamuao mwananyahe, asusingidzia iSharia na uinamua. Na neka usunamua iSharia, v̄av̄o kusi mutru aiɗungao, ɓadi wa munamuzi.

YAKOƁU 5:12

Hususwani wananyangu, mwasulav̄e, tsi na uwingu, wala ishiv̄andre ya tsi, wala ha namuna ya shilav̄io itsokao yotsi yangina. Ɓadi «ewa» yanyu naike ewa, na «ãhã» yanyu ike ãhã, ile mwasupulihe hari mwa hukuma.

YAKOƁU 5:19

Wananyangu, neka mutru mengoni mwanyu adziɓausa na ikweli, ɓasi amba wangina amuregeza,