YAKOƁU 1:12 - Ha`bari Ndjema ya I Maore

¹² Aɓarikishiha monyewe ustahamili mudjereɓio, mana ɓaanda itsokao amba adjereɓiwa, atsopara ihishima ya uhayati yatolewa wahadi na Mungu ha wao wamuv̄endzao.

YAKOƁU 1:12 Referans Kwoze

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.

MUV̄ENULIO 2:10

Usuriye trongo zijao zihupare. V̄anu Iɓilisa asuja apulise ɓaãdhwi mengoni mwanyu shiv̄ani ile pare mudjereɓihe; mutsopara suku kumi za matreso. Ɓaki muaminifu mupaka hari mwa ufa, na wami nitsohuv̄a likara la uhayati.

YAKOƁU 5:11

Wasi urongoa amba waɓarikishiha wao wastahamili. Mukia amba v̄urongolwa ustahamilifu wa Ayuɓa, tsena muono umwiso Mola amudjaãliawo, kiasi Mola aliona urehema na poreho ha uwengi.

MAROMU 8:28

Ha namuna yotsi wasi risujua amba trongo piya urendreha ha uwema wa wao wamuv̄endzao Mungu, wahiriwa ulingana na ikusudi yahe.

MATIYO 10:22

Mutsoengwa na watru piya ha siɓaɓu ya lidzina langu. Ɓadi uwo atsostahamilio ata mwisoni, atsohuyiwa.

1 MAKORINTIYO 9:25

Piya walio hari mwa mashindrano udziɓalidza na nyengi. Na wao ufanya trongo iyo, ile wapare hishima ilio amba muola. Ɓadi wasi yatru tsi muola, ya daima.

1 MONYE 3:14

Na wala ukana musuondesheha ha siɓaɓu ya ihaki, v̄av̄o muɓarikishiha. «Musukane trisidzo na wao, tsena mwasuɓaɓanyihe.»

2 TIMUTAUSU 4:8

Rangu v̄anu tsihetsiwa ihishima ya muhakisho mbeli za Mungu. Raɓi, hakimu wa haki, atsoniv̄ayo iSuku iyo; wala tsi wami tu, ɓadi wajau na piya wao wakolindra v̄umoja na huɓa muv̄enulio wahe.

YAKOƁU 2:5

Namuvulishiye wananya wa shi uaminifu wav̄endzewa wangu: afa Mungu katsahua wao walio masikini mbeli za ulemengu, amba waka matadjiri hari mwa uaminifu, tsena mawarithi wa utawalizi autolea wahadi ha wao wamuv̄endzao?

1 MONYE 5:4

Na wakati uMutsunga Muɓole atsov̄enuao, mutsopara ihishima yendza utukufu kaimenyeha.

1 MAKORINTIYO 2:9

Ɓadi mauri ɗe iheli yaangihwa moni na uMuangishio Mutwaharifu: «Trongo zilio amba dzitso kalaziona, kio kalazikia, wala kazangia hari mwa umo wa mwanadamu, trongo zilio amba Mungu azitayarishia wao wamuv̄endzao.»

MUV̄ENULIO 3:21

Ha uwo ashindra, nitsomuv̄a aketsi v̄umoja na wami hari mwa ishiri ya ufalume yangu, mauri wami namuna nashindra, tsena naketsi v̄umoja na Ɓaɓangu hari mwa ishiri ya ufalume yahe.

1 MONYE 4:13

Ɓadi iv̄o murengao fuvu hari mwa yamatungu ya *Kristi, namufurahi ile pare hari mwa umuv̄enulio wa utukufu wahe, wanyu wajau mufurahi na ujiv̄iwa.

1 MAKORINTIYO 8:3

Ɓadi neka mutru asumuv̄endza Mungu, waye uwo ujulihwana na waye.

MUV̄ENULIO 3:19

Wav̄endzewa wangu piya wami uwarudi na uwafundra. Ɓasi kana djitihadi, tsena wendre toɓa.

MAHEƁRANIYA 10:32

Namunahane tu suku za handra ɓaanda mwaunishiwa, mustahamili kondro ɓole yendza maondo.

MAHEƁRANIYA 6:15

Ha izo ɓaanda asuɓiridza, Iɓrahima apara iyo aka atolewa wahadi.

MATIYO 25:34

Amwesa umufalume atsoambia wao watsokao humeni hahe: ‹Namuje wanyu mulio uwaɓarikishiwa wa Ɓaɓangu, muwarithi Utawalizi mwatayarishiwawo rangu lidunia uumbwa yalo.

MAHEƁRANIYA 11:17

Ɗe ha uaminifu ɗe Iɓrahima wakati akodjereɓiwa, akomutoa Isiaka sadaka. Akotoa sadaka mwana moja-moja wahe, ule aka atolewa zinguwahadi,

1 YUHANI 4:19

Na wasi risuv̄endza, mana waye ariv̄endze kadimu.

MAHEƁRANIYA 12:5

Afa muɗela umutrilio-ɓari mwav̄olwawo mauri wana amba: «Mwana wangu, usudharau shiv̄ondro ya Mola, tsena usupuhe ɓari wakati ahurudio.

LUKASI 6:22

Furaha ha wanyu watru wamomuengani, au wamomutengani, au wamomuruhanani, au wamohetsi dzina lanyu amba ɓovu ha siɓaɓu ya uMwana wa Mwanadamu.

MAROMU 5:4

na suɓira udhiɓitisha uaminifu, na uaminifu wadhiɓitishiha, uwo udza tama.

2 TIMUTAUSU 2:15

Fanya djitihadi udzitekeleze mbeli za Mungu amba mutru akuɓalishiha, murumishi kasuonea haya, asomedzao ha uondzofu urongozi wa ikweli.

1 MONYE 4:14

Neka musunaziwa ha siɓaɓu ya lidzina la Kristi, v̄av̄o muɓarikishiha, mana iRoho yendza utukufu ya Mungu ya hanyuju.