TITUSA 3:5 - Ha`bari Ndjema ya I Maore

⁵ arihuyi, tsi amba rifanya zitrendro zamujiv̄ia, ɓadi ha urehema wahe monyewe. Arihuyi ha umuhoseo wa umudzalio muv̄ia, na umuregezeo-muv̄ia uv̄ingwao na iRoho Ndzitwaharifu,

TITUSA 3:5 Referans Kwoze

2 TIMUTAUSU 1:9

Arihuyi, tsena arihiri rike watwaharifu, tsi ha ulawana na zitrendro zatru, ɓadi ha siɓaɓu ya inia yahe monyewe, na irehema aridjaãliayo ha uv̄umoja na Kristi-Insa kaɓula ya umwandro wa yimida.

1 MAKORINTIYO 6:11

Na v̄av̄o ɗe v̄ahanu wasalia mengoni mwanyu waka. Ɓadi muja muhoswa, muja mutwaharishiwa, muja mukuɓalishiha mbeli za Mungu ha lidzina la Raɓi Insa-Kristi, na ha iRoho ya Mungu watru.

1 MONYE 3:21

Na iyo ika mufano wa umuɓaĩsho umuhuyioni leo ini, muɓaĩsho ulio amba kausutoa tsama za umwili, ɓadi ulio miyadi mbeli za Mungu ha roho yarahara. Na uhuyifu uwo uparihana ha umuregezeo hayi wa Insa-Kristi,

1 MONYE 1:3

Naɓarikishihe Mungu amma Ɓaɓa wa Raɓi watru Insa-Kristi, alio amba ha urehema muɓole wahe, ariv̄a uhayati muv̄ia ha umuregezeo hayi wa Insa-Kristi ulawa ha uwafu, ile rikane tama ilio hayi,

MAROMU 12:2

Musudzilinganise na ulemengu wa leo, ɓadi namudzilishe mugaudziwe ãkili yanyu ike pia, ile mushindre mujuwe yamav̄endzeleo ya Mungu, ne ɗe izo zilio ndjema zimujiv̄iao, tsena zarahara.

MAEFESO 2:4

Ɓadi Mungu waye mutadjirifu wa poreho na ha siɓaɓu ya uv̄endza muɓole ariv̄endza,

MAEFESO 5:26

ile aitwaharishe ɓaanda airahatsa na maji ha Urongozi,

MAROMU 11:6

Na neka ha neema, v̄av̄o tsi ulawana na zitrendro. Mana neka tsi ɗe iyo, v̄av̄o ineema kaisi neema tsena.

MAHEƁRANIYA 4:16

Ɓasi narijiliye v̄umoja na yakini ishiri ya yezi ya urehema, ile ripare poreho na urehema, risaidiwe hari mwa uwakati walazimu.

MAKOLOSIYA 3:10

mwadzipindrisa utru muv̄ia ulio amba usendra na ufanyiha muv̄ia hari mwa ujuzi ulinganao na umufano wa Uwo auumba.

MAGALATWIYA 2:16

Iv̄o rijuao amba shiumbe mwanadamu kaihakishiwa na Mungu ha utuĩ iSharia, ɓadi ha uaminifu wahe na Insa-Kristi, wasi wajau rimuamini Insa-Kristi, pare rihakishiwe na Mungu ha uaminifu watru na Kristi, ɓadi tsi ha utuĩ iSharia; mana ha utuĩ iSharia, kav̄u mutru yotsi atsohakishiwao na Mungu.

MAROMU 3:20

Kweli amba kav̄u ata mutru atsohakishiao mbeli za Mungu ha zizitrendro zatsahwa na iSharia. Mana iSharia, iyo uonesa lidhambi ɓas.

1 MONYE 2:10

Wanyu mulio amba hale hule kamwaka umati, av̄asa mufanyiha umati wa Mungu; wanyu mulio amba kamwaka mwapara urehema, av̄asa mupara urehema.

MAEFESO 4:23

tsena ilazimu mufanyihe watru wav̄ia hari mwa ziroho na zifikira,

MAROMU 3:28

Mana riono amba mwanadamu uhakishiwa mbeli za Mungu ha uaminifu, ɓadi tsi ha zitrendro zatsahwa na iSharia.

MAROMU 9:11

Na kaɓula ya wana wahe udzalwa, raha kawafanya ndjema wala mbovu, ile pare umupango wahe uɓaki, ne ɗe uka amba waye ɗe atsahuao,

LUKASI 1:78

ha siɓaɓu ya uwema wa urehema wa Mungu watru, ulio amba ha uwo iheu ya jua la uhea irilawia rangu uju,

LUKASI 1:54

Asaidia murumishi wahe Israila, ha unahana urehema wahe

LUKASI 1:50

Na urehema wahe usurandra naswila ha naswila ha wao wamuriao.

TITUSA 3:4

Ɓadi wakati uwema wa Mungu Muhuyifu watru na uv̄endza yahe uwanadamu zav̄enuha,

MAROMU 9:30

Ɓasi v̄av̄o rirongowe jeje? Watru wa zinishani zangina kawakodzishahilisa na umuhakisho ha Mungu wapara muhakisho ha ndzia ya uaminifu,

MAROMU 9:16

Ha izo, kayaketsi ha yamav̄endzeleo ya mutru, au ha idjitihadi yahe, ɓadi ɗe ha Mungu Monyewe urehemu.

MAROMU 4:5

Na mutru alio amba katria uaminifu wahe hari mwa zitrendro, ɓadi ɗe ha Mungu Monyewe ahakishao waovu, uaminifu wahe urengwa amba muhakisho.

LUKASI 1:72

Ha izo ɗe aonesao urehema wahe ha maɓaɓatru, na unahana umukataɓa mutwaharifu wahe,

MAHEƁRANIYA 6:6

amwesa amba walatsa uaminifu, tsi mukinishiha amba wav̄ingwe wandre toɓa mara yangina. Mana v̄av̄o wao ha wao ɗe waremao raha mizumari uMwana wa Mungu hari mwa muri wa pawa, tsena wamupuao sheo ha hadhwira.

MATIYO 3:11

Wami nisumuɓaĩshani ha maji, ike udhiɓitifu amba mwendre toɓa. Ɓadi uwo ajao unyuma hangu, ana ushindzi rahana wami: tsastahiki ata uv̄inga kaɓwa zahe. Waye atsomuɓaĩshani ha iRoho Ndzitwaharifu, na ha moro.

MAROMU 11:14

ile neka trongo mukinishiha, nitsotse uwivu wa wao walio kaɓila moja na wami, tsena nihuyi wasalia mengoni mwawo.

MAHEƁRANIYA 10:22

V̄av̄o narikuruɓiye ha umo warahara na uaminifu mukamilifu, tsena na roho yarahatsiwa na tuhuma mbovu, v̄umoja na mwili ulio amba uhoswa ha maji maraharifu.