TITUSA 2:5 - Ha`bari Ndjema ya I Maore

⁵ wake waelevu, waraharifu, washahilihe na liɗago lawo, wake wema, wadzituĩse waume wawo, pare urongozi wa Mungu usukufuriwe.

TITUSA 2:5 Referans Kwoze

MAKOLOSIYA 3:18

Watruwashe, namudzihetsi watuĩvu ha waume wanyu, mauri ɗe inamuna yalazimu hari mwa uv̄umoja na Raɓi.

1 TIMUTAUSU 5:10

narongoleshehe ha zitrendro ndjema zahe, amba alele wana wahe ha uzuri, akokariɓisa, akohosa yimindru ya uwatwaharifu, akosaidi wendza taãɓu, na uendrelea na kula shitrendro ndjema.

MAEFESO 5:33

Ɓadi namuna yotsi itsokao, kula moja mengoni mwanyu nav̄endze mushe wahe mauri ɗe waye monyewe, na mutrumushe astehi mume wahe.

MAV̄INGIZI-RISALA 9:36

Mengoni mwa yamaswihaɓa ɗagoni Yopa, v̄uka mutrumama akohiriwa Taɓita (faswiri yalo, Dorkasi), akorendra zema ha uwengi na utoa zaka.

1 TIMUTAUSU 6:1

Piya wao walio hari mwa mulandza wa urumwa, nawaone umurumisa wawo amba astahiki hishima ya kusudi, ile lidzina la Mungu na umusomo watru zisuruhanwe.

1 MAKORINTIYO 14:34

watruwashe nawaɓurihe hari mwa yimingulidzano, mana kawaruhusiwa ulagua moni v̄av̄o; ɓadi nawake twaã, mauri ɗe iheli yarongolwa wajau na iSharia.

1 MAKORINTIYO 11:3

Ɓadi nisutsaha mujuwe amba shitswa wa kula mutruɓaɓa ɗe Kristi, shitswa wa mutrumushe ɗe mutrumume, na shitswa wa Kristi ɗe Mungu.

MAROMU 2:24

Kweli amba v̄uangihwa moni na uMuangishio: «Ha siɓaɓu ya wanyu, lidzina la Mungu lisukufuriwa na zinishani zangina.»

MAV̄INGIZI-RISALA 9:39

Ɓas Monye ahimi, awaɗungu. Uwaswili yahe hule, av̄ingwa moni na lifuko lile darini. Piya watruwashe wafiliwa na waume wawo waka v̄ale, waja wamuzingidzia. Ha shililo wamuonesa piya zikandzu na nguo zangina Dorkasi akozisona wakati aka v̄umoja na wao.

MAROMU 14:16

Izo zilio ndjema hanyu, zasuonehane amba mbovu na wasalia.

TITUSA 2:4

ile wasomedze watruwashe wanahirimu wav̄endze waume wawo na uwana,