TITUSA 2:12 - Ha`bari Ndjema ya I Maore

¹² Iyo urisomedza uhara ushirikina na zingushauku za lidunia lini, na uẽshi wakati wa leo unu ha namuna ndzielevu, ya haki, tsena ya shiĩɓada,

TITUSA 2:12 Referans Kwoze

MATIYO 16:24

Amwesa Insa aambia maswihaɓa yahe: «Neka mutru asutsaha aniɗunge, nadziɗelese iwaye yahe, adzitrihise umuri wa pawa wahe, iv̄o aniɗunge.

MAROMU 6:19

Nisulagua shi unadamu, ha siɓaɓu ya udziro wa uelewa wa shiuɓinadamu wanyu. Mauri ɗe inamuna mwaka mwafanya ziga za umwili wanyu warumwa wa tsama na upeu uengedzehao ha upeu, v̄av̄o namufanye av̄asa ziga zanyu warumwa wa ihaki iv̄ingao hari mwa utwaharifu.

2 MONYE 2:9

Ha izo, ɓasi, Mola ushindra ahuyi na madjereɓio uwatuĩvu na uhetsi wao tsi watuĩvu hari mwa shiv̄ondro ha iSuku ya Hukuma,

1 YUHANI 2:6

ɗe amba uwo arongoao amba a hari mwa uv̄umoja na waye, alazimu adziv̄inge mauri ɗe inamuna waye adziv̄inga.

2 TIMUTAUSU 3:12

Kweli amba piya watsahao waẽshi shiĩɓada hari mwa uv̄umoja na Kristi-Insa, watsotreswa.

MUV̄ENULIO 14:12

V̄av̄o ɗe v̄walazimiwani isuɓira ya watwaharifu wasikao ziãmuri za Mungu na uaminifu wa Insa.

LUKASI 1:75

ha uraharifu na utuĩvu mbeli zahe hari mwa piya zisuku za uhayati watru.

1 MATESALONIKA 4:7

Mana Mungu karihira raẽshi hari mwa utshafi, ɓadi hari mwa utwaharifu.

TITUSA 3:3

Mana wasi wajau, mara ya handra rika wajinga, wakaidi, wapotevu, warumwa wa piya zinamuna za ngushauku na za masterehi. Rakoẽshi hari mwa upeu na uwivu, rika wafudhuli, tsena rakoengana.

1 MATESALONIKA 4:9

Hari mwa yahusu uv̄endzana wa shi unanya, tsi paka muangishiwe, mana wanyu-wanyu musomo ha Mungu amba muv̄endzane wanyu na wanyu.

MAEFESO 2:2

yalio amba mwakoyafanya ha uɗunga maendreleo ya ulemengu unu, mwakotuĩ umutawalizi wa iyezi ya hawani, lidjini lirendrao av̄asa ha wao kawatuĩ.

MAROMU 12:2

Musudzilinganise na ulemengu wa leo, ɓadi namudzilishe mugaudziwe ãkili yanyu ike pia, ile mushindre mujuwe yamav̄endzeleo ya Mungu, ne ɗe izo zilio ndjema zimujiv̄iao, tsena zarahara.

MAROMU 6:12

Ɓasi musulishe dhambi latawalia yimili yanyu yitsofao, mwatuĩ zingushauku zayo.

MATIYO 28:20

muwasomedze watuĩ piya izo namuãmurishanizo. Na tsami, nisuka v̄umoja na wanyu kula suku, ata mupaka umwiso wa lidunia.»

1 YUHANI 2:27

Yahusu wanyu, umudjukumisio mwaupara ulawa hahe, nauɓaki moni hanyu, tsena tsi paka mutru amusomedzeni; ɓadi rangu umudjukumisio wahe usumusomedzani zitrongo piya, na uwo kweli, wala tsi trambo, namuɓaki hari mwa uv̄umoja na waye, mauri ɗe inamuna uwo wamusomedzani.

2 MONYE 3:11

Rangu piya zizo zitsoangamidziwao namuna iyo, ɓasi v̄av̄o mulazimu muke jeje? Ɗe ha muendreleo mutwaharifu v̄umoja na ĩɓada,

MAHEƁRANIYA 8:11

Kav̄utsoka tsena atsosomedzao munyahe, wala mutru mwananyahe ha urongoa: ‹Mujuwe Mola›, mana piyawo watsonijua, rangu umutiti ata umuɓole hari mwawo.

1 TIMUTAUSU 6:17

Sariɓia walio tadjiri wakati wa leo wasudzione, wala wasutriye itama yawo hari mwa ngutadjirifu zilio amba kaziaminishiha, ɓadi ɗe ha Mungu ariv̄ao piya ha uwengi, ile rifurahishihe.

1 TIMUTAUSU 4:12

V̄wasuke mutru adharau ushaɓaɓi waho, ɓadi ka ha uwatru waaminio mufano hari mwa marongozi, maendreleo, uv̄endza, uaminifu, na uraharifu.

MAKOLOSIYA 1:22

av̄asa amuparanisani ha ufa wa umwili wa shiuɓinadamu wahe, ile amuyeleheni mbeli zahe amba watwaharifu, ɓila kosa wala tuhuma.

MAGALATWIYA 5:24

Ɓadi wao walio wa Kristi-Insa waangamidza ushiuɓinadamu na mav̄endzeleo yayo na ngushauku zayo.

MAGALATWIYA 1:4

alio amba adzitoa fidia ha isiɓaɓu ya madhambi yatru, ile arikombowe na uwakati movu wa leo unu, ha uɗunga ya mav̄endzeleo ya Mungu watru amma Ɓaɓatru.

2 MAKORINTIYO 7:1

Ɓasi ha iv̄o riliona wahadi mauri ɗe zini, wandzani wa roho wangu, naridzitwaharishe na kula inagisio umwili na iroho, na utsimidza utwaharifu ha wasi umuria Mungu.

2 MAKORINTIYO 1:12

Mana ingazi ya udziɓua yatru ɗe ushahidifu wa inafusi yatru amba ridziv̄ingi ulemenguni v̄anu, na hususwani mbeli zanyu, hari mwa uraharifu na ukweli zilawao ha Mungu; ɓila tsi amba ha hikima ya shiuɓinadamu, ɓadi ha urehema wa Mungu.

MAROMU 8:13

Mana neka musuẽshi ha uɗunga ihali ya shiuɓinadamu, mutsofa; ɓadi neka ha iRoho musuula zitaɓia za mwili, v̄av̄o ɓasi mutsoẽshi,

MAV̄INGIZI-RISALA 24:25

Ɓadi wakati Ɓaulusu akoeledza yahusu uhaki, udzizia, na ihukuma ijao, Feliksa asikwa na faza, amuambia: «Utsojua wendre dzaho raɓuzi. Namopara nafasi nitsohuhira.»

MAV̄INGIZI-RISALA 24:16

Iyo ɗe imana nidzifarudhishao amba ha dahari roho yangu irahare mbeli za Mungu na mbeli za wanadamu.

1 YUHANI 5:19

Risujua amba wasi wa shi Mungu, na ulemengu kamili wa hari mwa ushindzi wa uMovu.

MAEFESO 1:4

Ha uv̄umoja watru na waye, aritsahua kaɓula lidunia lilo uumbwa, pare rike watwaharifu, tsena ɓila kosa mbeli zahe. Ha uv̄endza wahe,

YUHANI 14:30

Tsitsorongoa trongo nyengi tsena na wanyu, mana umutawalizi wa lidunia lini asuja. Waye kasina ushindzi utsokao yotsi ju langu,

YUHANI 6:25

Umupara yawo nyambo ya iɓahari hule, wamudzisa: «Fundi, afa lini ɗe waja hunu?»

LUKASI 1:6

Wao waili waka watuĩvu mbeli za Mungu, tsena hari mwa itrongo ya uɗunga piya ziãmuri na yamasharuti ya Mola, kawakana lawama itsokao yotsi.

YUDA 1:18

Wakomuambiani amba: «Hari mwa uwakati wa mwiso, v̄utsoka wafudhuli watsendrao ha zingushauku mbovu zawo wenyewe.»

2 TIMUTAUSU 4:10

Mana Demasu anipuka ha uv̄endza wa lidunia la leo, andre Tesalonika. Kresensi andre Galatwiya, na Titusa waye Dalmatiya.

MATIYO 12:32

Na mutru yotsi atsolaguao kinyume na uMwana wa Mwanadamu|Mwana wa Mwanadamu, uwo atsoswamihiwa; ɓadi yotsi atsolaguao kinyume na iRoho Ndzitwaharifu, uwo katsoswamihiwa, tsi hari mwa dunia lini, wala lilo lijao.»

1 TIMUTAUSU 6:9

Ɓadi wao watsahao watadjirihe upuliha hari mwa madjereɓio, wao usikwa hari mwa utra na hari mwa ngushauku ndzijinga zendza hatwari ha uwengi, zitriao watru hari mwa uangamifu na hasara.

YAKOƁU 1:27

iDini yarahara tsena kaina pandra mbeli za Mungu amma Ɓaɓa, ɗe ushahiliha na yatima na watruwashe wafiliwa na waume wawo hari mwa utaãɓifu wawo, na udziɓausa na kula tsama ya shiulemenguni itriao pandra.