MUV̄ENULIO 3:3 - Ha`bari Ndjema ya I Maore

³ Nahana ɓasi iyo wapara, iyo wakia, amwesa uisike, wendre toɓa. Neka kusi hashiri, nitsoja mauri mwidzi, na wawe kutsojua ata hata isa nitsohujiliao.

MUV̄ENULIO 3:3 Referans Kwoze

MUV̄ENULIO 2:5

Ɓasi nahana uka yaho kaɓula ya upuliha. Endra toɓa, urudi hari mwa zitrendro za handra zaho. Neka tsi namuna iyo nitsohujilia, tsena nitsotoa shihetsi-kombe yaho ɓandzaju hayo, ɓadi neka wendre toɓa.

2 MONYE 3:10

iSuku ya Raɓi itsoja mauri mwidzi. Na isuku iyo zimbingu zitsov̄ira v̄umoja na keme ɓole, zitru za ãswili zitsolalusiwa ha moro, na ishiv̄andre ya tsi v̄umoja na zitrendrwa zayo zitsov̄enuha.

1 MATESALONIKA 5:2

Mana wanyu-wanyu musujua ha uzuri amba isuku ya Raɓi itsoja mauri mwidzi ukwari.

MUV̄ENULIO 16:15

Tsami nisuja mauri mwidzi. Aɓarikishiha uwo alio hashiri, tsena aliona nguo zahe ile asuke wadzi, iaĩɓu yahe isuonehane.

MATIYO 25:13

V̄av̄o namuke hashiri, mana kamusujua isuku wala isa.»

MAHEƁRANIYA 2:1

Iyo ɗe imana ralazimu risike ha kusudi izo rakia, ile rasupoteye.

1 TIMUTAUSU 6:20

He Timutausu, sika trongo wadhwaminishiwayo. Dziɓause na malaguzi kayana mana yashirikisao, na mashindrano yajao ha ujuzi wa trambo.

MARKUSI 13:36

ile amoja wakati kamwakodzilindrilia, asumupareni amba mulala.

MARKUSI 13:33

Namudzifahamishe, namuke hashiri [na ufanya mamilio], mana kamusujua lini ɗe wakati uwo utsojao.

MUV̄ENULIO 3:19

Wav̄endzewa wangu piya wami uwarudi na uwafundra. Ɓasi kana djitihadi, tsena wendre toɓa.

2 MONYE 3:1

Wanyu wav̄endzewa, lini av̄asa ɗe liɓarua la v̄ili nimuangishiaoni. Hari mwa yao maili, nisudjereɓu utsotsa fahamu, ile nitsongeshe hanyuju fikira iliona ãkili ndziraharifu,

MUV̄ENULIO 3:11

Nisuja tsi hale. Sika iyo ulionayo, ile v̄usuke ata mutru arenga ikemba yaho.

MUV̄ENULIO 2:25

Ɓadi iyo mulionayo, namuisike hodari ata mupaka nije.

2 MONYE 1:13

Nisuona amba iyo haki ya wami, wakati raha nilio hari mwa inyumba ya haima ini, nitsotse fahamu lanyu ha umunahanidzani trongo zizo,

2 TIMUTAUSU 1:13

Ɗunga umufano wa marongozi mema wayakia na wami, ha uaminifu na uv̄endza, ulio hari mwa uv̄umoja na Kristi-Insa.

MUV̄ENULIO 3:2

Ka hashiri! Tria ɓari wao walio kariɓu na ufa, mana tsapara zitrendro zaho amba za ndzikamilifu mbeli za Mungu wangu.

MUV̄ENULIO 22:7

«Tsami nisuja tsi hale! Aɓarikishiha uwo asika marongozi ya shi mutrume yashukidziwa ya ishio ini.»