MUV̄ENULIO 3:1 - Ha`bari Ndjema ya I Maore

¹ «Angishia imalayika ya iDjama Ndziwaminifu ya Sardesu zini: Zini ɗe zirongolwao na uwo aliona ziroho saɓa za shi Mungu na zinyora saɓa. Nisujua zitrendro zaho. Nisujua amba usurongolesheha amba wa hayi, ɓadi ufu.

MUV̄ENULIO 3:1 Referans Kwoze

1 TIMUTAUSU 5:6

Ɓadi ule aẽshio hari mwa masterehi, afu wala ukana a hayi.

YAKOƁU 2:26

Ɓasi mauri mwili kauna roho ukao amba ufu, ɗe inamuna iyo wajau, uaminifu kawaɗungwa na zitrendro ukao amba ufu.

MUV̄ENULIO 1:4

Wami Yuhani nisuangishia ziDjama Ndziwaminifu saɓa zilio hari mwa liɓavu la Aziya: Urehema na amani nazimuendreleyeni ulawa ha Uwo alio, aka, amwesa ajao, tsena ulawa ha ziroho saɓa zilio mbeli za ishiri ya ufalume yahe,

MAKOLOSIYA 2:13

Na wanyu mwaka mwafa ha siɓaɓu ya mahosa yanyu na iv̄o kamwaka mwatahiriwa shimwili, Mungu amuẽshisani v̄umoja na Kristi ha uriswamihi piya mahosa yatru;

YUDA 1:12

Watru wao uka hari mwa miɗyio ya shiunanya yanyu mauri magambe yakwalisao. Wasusterehi v̄umoja na wanyu na udzilisa ɓila trisidzo; wao mauri mavingu kayana vua yav̄ingwao na pev̄o, mauri miri ya mwiso wa kashikazi kayadza mavuna, yafa mara mbili, tsena yarurumulwa.

MUV̄ENULIO 2:19

Nisujua zitrendro zaho, uv̄endza yaho, uaminifu waho, urumishi waho, na ustahamilivu waho; na zitrendro za mwiso zaho zazidi za handra.

LUKASI 15:24

riɗye na ujiv̄iwa; mana umwana wangu unu aka afu, ɓadi tsunu aregea hayi, aka apotea, ne aparihana.› Ɓas, waandrisa usterehi.

MUV̄ENULIO 1:16

Hari mwa umuhono wa hume wahe, aka asiki nyora saɓa, na hanyoni hahe v̄wakolawa upanga wakotsindza wakana nguso mbili. Sura yahe ika mauri lijua lamowala ha piya nguvu zalo.

MAEFESO 2:5

wasi raka rafa ha yamahosa yatru, ariẽshisa v̄umoja na Kristi. Ɓasi ha rehema ɗe mwahuyiwa.

LUKASI 15:32

Ɓadi irilazimu rijiv̄iwe na ufurahi, mana mwananyaho aka afu, tsunu aregea hayi, aka apotea, ne aparihana.› »

MAEFESO 2:1

Yamuhusuni wanyu, muka mufu ha yamahosa na madhambi yanyu,

MUV̄ENULIO 2:13

Nisujua v̄ahanu uẽshio: v̄av̄o ɗe v̄ulio ishiri ya yezi ya Shetwani. Ususika hodari lidzina langu, tsena kwalatsa uaminifu na wami, ata hari mwa zisuku Antipasi, shahidi muaminifu wangu akoulawa hanyu, v̄ahanu Shetwani aẽshio.

MUV̄ENULIO 1:20

Yahusu iãdjaɓu ya nyora saɓa waziona hari mwa muhono wa hume wangu, na zizihetsi-kombe saɓa za dhahaɓu, ɗe ini: zinyora saɓa, izo ɗe zimalayika za ziDjama Ndziwaminifu saɓa, na zizihetsi-kombe saɓa, ɗe ziDjama Ndziwaminifu wizo saɓa.»

MUV̄ENULIO 4:5

Hari mwa ishiri ya ufalume ile v̄wakolawa peni, maji na maguguma. Mbeli na ishiri ya ufalume, v̄wakovua zizinga za moro saɓa, zilio ɗe ziroho saɓa za Mungu.

MUV̄ENULIO 1:11

larongoa: «Trongo uionao, iangihe hari mwa shio, amwesa uiv̄elehe ha ziDjama Ndziwaminifu saɓa zini: Efeso, Smirna, Pergamu, Tiyatira, Sardesu, Filadelfiya, na Laodiseya.»

YUHANI 1:33

Wami tsakomujua, ɓadi Uwo aniv̄eleha niɓaĩshe ha maji, waye ɗe aniambia: ‹Uwo utsoonao amba iRoho imushukia, iketsi, waye ɗe aɓaĩshao ha iRoho Ndzitwaharifu.›

YUHANI 1:16

Ha ukamilifu wahe, ridjaãliwa piyasi, neema hari mwa neema.

MUV̄ENULIO 5:6

Amwesa hari-hari na ishiri ya ufalume na ziumbe nne zendza roho zile, na hari-hari na wadzaɗe wale, tsiono Mwana Ɓariɓari ahima, aka mauri aka atsindzwa. Akana nyonga saɓa na matso saɓa, zilio ɗe roho saɓa za Mungu zav̄elehwa hari mwa piya ishiv̄andre ya tsi.

1 MONYE 1:11

Wakozunguha wajuwe amba wakati trini, na ha namuna jeje zitsohidjirio zitrongo zarongolwa na iRoho ya Kristi yaka hawoju, Roho ilio amba ijudza rangu kaɓula matungu ya Kristi na utukufu wakoja uɗunge v̄av̄o.

MAV̄INGIZI-RISALA 2:33

Ahedzewa humeni ha Mungu, amwesa apara ulawa ha Ɓaɓa iRoho Ndzitwaharifu yaka yatolwa wahadi, tsena aenedza iyo muonao na ukia.

YUHANI 20:22

Ɓaanda ya marongozi yale, awavudzia na uwaambia: «Namupareni iRoho Ndzitwaharifu.

YUHANI 3:34

Na Uwo Mungu amuv̄eleha, urongoa yamarongozi ya Mungu, mana Mungu umudjaãlia iRoho ɓila shiv̄imo.

MUV̄ENULIO 2:9

Nisujua matreso yaho na usikini waho, wala ukana amba wawe tadjiri. Tsena nisujua zinaĩ urongolwaozo na wao wadzihirao Mayahudi wala kawasi, ɓadi walio djama iãɓuduo Shetwani.

MUV̄ENULIO 2:2

Wami ujua zitrendro zaho, ihazi yaho, na ustahamilivu waho. Nisujua amba wawe kushindri ustahamilia waovu. Uv̄imi wao wadzifanyao mav̄ingizi-risala ne kawasi, amwesa uwapara wanafiki.

MUV̄ENULIO 3:2

Ka hashiri! Tria ɓari wao walio kariɓu na ufa, mana tsapara zitrendro zaho amba za ndzikamilifu mbeli za Mungu wangu.

MUV̄ENULIO 3:8

Nisujua zitrendro zaho. Tsini tsihetsi mbeli zaho mulongo waɓuha ulio amba kav̄u mutru ashindrao auɓale. Mana nguvu zaho shashi, ɓadi usiki urongozi wangu, wala kwahara lidzina langu.

MUV̄ENULIO 3:15

Nisujua zitrendro zaho: kusi ɓaridi wala moro. Na djeli tu amba uka ɓaridi au moro!