MATIYO 8:5 - Ha`bari Ndjema ya I Maore

⁵ Insa ungia yahe ɗagoni Kafarnaumu, v̄umujilia djukuma la madjeshi, amumia hadja

MATIYO 8:5 Referans Kwoze

MATIYO 27:54

Ɓas, djukuma la madjeshi na uwatru wahe wakomugogea Insa uona yawo umudridrimio wa ishiv̄andre ya tsi na trongo zahidjiri v̄ale, waremwa na faza ɓole ata warongoa: «Ha kweli, mutru unu aka uMwana wa Mungu!»

MAV̄INGIZI-RISALA 27:43

Ɓadi dhwamana ule akotsaha amuhuyi Ɓaulusu, awazia utria ndziani nia yawo ile. Aãmurisha wao wakojua uyela washuke majini kadimu, amwesa waheye v̄otsi,

MAV̄INGIZI-RISALA 27:31

Sa ile Ɓaulusu amuambia dhwamana ule na yamadjeshi: «Neka watru wale kawaɓaki moni na lidjahazi, kamutsoshindra mwahuyiwa.»

MAV̄INGIZI-RISALA 23:17

Ɓas, Ɓaulusu ahiri moja mengoni mwa madhwamana ya madjeshi yale, amuambia: «Muv̄inge hirimu mutruɓaɓa unu ha umuɓole wanyu, mana ana trongo asutsaha amuambiyeyo.»

MATIYO 4:13

Alawia iNazareti, andre aketsi Kafarnaumu, ɗago laka wangoni na iƁahari, mukaɓala wa Zaɓuluna na Nafutali.

MAV̄INGIZI-RISALA 27:13

Wakati mwana pev̄o mwambamba wa swihilini aandrisa uvuma, wafikiri amba mataradjio yawo yarengelea. Ɓas wahedza inanga, amwesa warambadzia ishisiwa ya Kreti.

MAV̄INGIZI-RISALA 23:23

Ɓaanda ya v̄ale, ahiri madhwamana maili, awaambia: «Namutayarishe madjeshi miyateni na mav̄inga-farasi saɓwini, iv̄o na mawanizi ha tshora miyateni, wandre Kaisariya sa ya raru za uku.

MAV̄INGIZI-RISALA 22:25

Ɓadi iv̄o wakomufunga ha masapa-sapa, Ɓaulusu adzisa lidjeshi dhwamana laka v̄ale: «Hali muruhusiwa mureme zengwe mutru wa uraĩa wa Romu ɓila uhukumulwa?»

MARKUSI 15:39

Ɓasi dhwamana wa madjeshi yale aka maswa na Insa v̄ale, uona yahe namuna akatra roho, arongoa: «Kweli amba mutru unu aka uMwana wa Mungu!»

MARKUSI 2:1

Ɓaanda v̄wav̄ira wana suku, Insa aregea Kafarnaumu; na watru wapara ihaɓari amba a ɗagoni.

MATIYO 9:1

Insa apashia lidjahazi, avuku tsena lidzia, andre hari mwa liɗago lahe.

MATIYO 11:23

Ẽhẽ wawe Kafarnaumu, hali utsohedzewa ata mbinguni? Ata hata! Utsoshukidziwa ata uzimu ha uwafu. Mana na djeli zimidjuza zafanyishiha hahoju zika zifanyishiha ɗagoni Suduma, latsoẽshi ata ileo ini.

MAV̄INGIZI-RISALA 9:38

Ha iv̄o liɗago la Lidi laka kariɓu na Yopa na yamaswihaɓa waka wakia amba Monye a hule, wamuv̄eleshea watru waili wandre wamumiye andre hawo ha uharaka.