MATIYO 8:16 - Ha`bari Ndjema ya I Maore

¹⁶ Mahariɓi ungia yayo, Insa av̄ingiwa watru wengi wakana mazetwani. Atrusu madjini ya peu yale ha urongozi wahe, tsena azihira piya wawaɗe.

MATIYO 8:16 Referans Kwoze

LUKASI 4:40

Ata jua lamotswa, piya watru wakana wawaɗe wasikwa na kula namuna ya maradhi, wamuv̄ingiawo. Akadzia yimihono kula moja, awazihira.

MATIYO 14:14

Wakati Insa ashuka djahazini v̄ale ata aona idunia ile, aremwa na poreho nayo, amwesa azihira wawaɗe wawo.

MAV̄INGIZI-RISALA 5:15

Iwaswili amba watru wakov̄inga wawaɗe mav̄areni, wakowaladza hari mwa madjavi na magodoro, pare Monye amov̄ira, wala ukana ɗe ishivuli yahe tu, ne iɓaliliye wasalia hari mwawo.

MARKUSI 5:8

Mana Insa aka amuambia: «Wawe djini la peu, mulawiye mutru uwo!»

MATIYO 12:22

Amwesa Insa av̄ingiwa mutru shetwani yaka yamufanya mufa-matso, ɓuɓu. Na waye amuzihira ata ɓuɓu lile lilagua, tsena lakoona.

MARKUSI 2:3

V̄umujilia watru waka wav̄inga shirewe yaka yatrihwa na watruɓaɓa wanne.

MATIYO 9:2

Na hule av̄ingiwa shirewe, aka aladzwa hari mwa ɗalo. Wakati Insa aona uaminifu wawo, aambia shirewe ile: «Dzitriye ɓari mwandzani, madhambi yaho yaswamihiwa.»

MARKUSI 9:25

Wakati Insa aona dunia nyengi zaidi iremao mbio ije ingulidzane v̄ale, alagulia djini la peu lile ha uliambia: «He wawe djini la peu ɓuɓu dzifa-makio, nisuhuãmurisha, ɓaushia mwanamutsa uwo, wala usumungiye tsena!»

MATIYO 8:33

Wale wakoyarundrisa watrala wangia ɗagoni, wajudza piya trongo zile waziona, na zile zahidjiria wendza mazetwani wale.

MATIYO 8:15

Amusiki umuhono, na ɓuhuo lile limulawia, ata ahimi akomuyeleshea.

LUKASI 4:41

Mazetwani tsena yakolawia watru wengi ha ushelemedza na urongoa: «Wawe ɗe uMwana wa Mungu!» Ɓadi akoyaãmurisha na uyaɓalidza ulagua, mana yakojua amba waye ɗe Kristi.

LUKASI 13:12

Wakati Insa amuona, amuhiri, amuambia: «Mama, uɓuliwa hari mwa shifeli yaho iyo.»