MATIYO 6:5 - Ha`bari Ndjema ya I Maore

⁵ «Mwamofanya mamilio, musufanye mauri ɗe uwanafiki wav̄endzao umia ha ulimbala moni na ziNyumba za Uswali na hari mwa zinia-traru pare wanadamu wawaone. Nisumuambiani ha kweli, v̄ale kamwe wapara thawaɓu zawo.

MATIYO 6:5 Referans Kwoze

MATIYO 6:2

Neka usutoa zaka, usudzivudziye ɓaragumu mauri ɗe inamuna wanafiki wafanyao moni na ziNyumba za Uswali na mav̄areni, ile wasifiwe na wanadamu. Nisumuambiani ha kweli, v̄ale kamwe wapara thawaɓu zawo.

LUKASI 18:13

Ɓadi muliv̄isa-latete ule alimbala mbali, kakosuɓutu ata udzua yamatso mbinguni. Akodzirema ishifuɓa ha huzuni na urongoa: ‹Mwalangu, niv̄orehe, wami muãswifu.›

MARKUSI 11:25

Na neka musuhima mufanye mamilio, ne muna trongo kinyume na mutru, namumuswamihi, ile Ɓaɓanyu alio mbinguni amuswamihini mahosa yanyu wajau. [

LUKASI 20:47

Wao urav̄a piya zindjema za watruwashe wafiliwa na waume wawo, amwesa ufanya swala ndrile pare waonehane. Mahukuma yawo yatsoka madziro zaidi.»

YAKOƁU 4:6

Ɓadi asudjaãlia urehema wazidishiha iv̄o uMuangishio urongoao: «Mungu ukanyusha wao wadzionao, ɓadi waye udjaãlia urehema waekevu.»

LUKASI 18:1

Insa awatolea mufano ha uwaeledza amba walazimu wafanye mamilio ha daima, wala wasulawe tama.

MAEFESO 6:18

Namufanye kula wakati ha iRoho kula aina ya ĩɓada na mamilio. Na v̄av̄o, namuke hashiri wala musulemewe ya umilia piya watwaharifu.

LUKASI 11:43

Maondo hanyuju, wanyu Mafarisayo! Mana wanyu uv̄endza maɓandza ya mbeli moni na ziNyumba za Uswali, na uyeziwa ha hishima hadharani.

MATIYO 21:22

Yotsi mutsoimiao ha uaminifu, mutsov̄olwayo.»

1 MATESALONIKA 5:17

mufanye mamilio ɓila uzia,

YUHANI 16:24

Ata upara av̄asa kamwamia ata trongo ha lidzina langu. Namumiye, na wanyu mutsopara, ile furaha yanyu ikamilishihe.

MARKUSI 12:38

Hari mwa misomo yahe, Insa arongoa: «Namudzifahamishe na yaMafundi ya Sharia wav̄endzao wazingidze na madjuɓa male, na uyeziwa shandzahariju,

MATIYO 9:38

V̄av̄o namumiye Monyewe yamavuna av̄elehe wafanyizi-hazi hari mwa mavuna yahe.»

MATIYO 23:13

«Maondo hanyuju, wanyu Mafundi ya Sharia na Mafarisayo, wanafiki! Mana musuɓalia wanadamu Utawalizi wa Monyewe ziMbingu; wanyu-wanyu kamusungia, wala kamusulisha wangia wao watsahao. [

MATIYO 23:6

Wao uv̄endza maɓandza ya sheo hari mwa zikaramu, na maɓandza ya mbeli moni na ziNyumba za Uswali;

MATIYO 6:16

«Mwamofunga, musudzirembedze mauri ɗe wanafiki; wao ugaudza sura zawo, ile waonese watru amba wafungu. Nisumuambiani ha kweli, v̄av̄o kamwe wapara thawaɓu zawo.

MATIYO 6:1

«Namudzifahamishe ufanya ĩɓada zanyu mbeli za wanadamu pare muonehane; neka tsi namuna iyo, kamutsopara thawaɓu ha Ɓaɓanyu alio mbinguni.

MATIYO 23:5

Wao ufanya piya zitrendro zawo ile waonehane na wanadamu. Ha izo, mifungo yiliona miangishio mitwaharifu yawo, wao uyifanya amba miɓole, na mav̄wendzi ya nguo zawo uka male.

LUKASI 6:24

Ɓadi maondo ha wanyu matadjiri, mana muhisa upara zindjema zanyu.