MATIYO 2:3 - Ha`bari Ndjema ya I Maore

³ Wakati Mufalume Hirudu akia trongo zile, ahafiliha iroho v̄umoja na piya iYerusalemu.

MATIYO 2:3 Referans Kwoze

MATIYO 23:37

«Yerusalemu, wawe Yerusalemu, uulao yimitrume na uangamidza ha mawe wao uv̄eleshewawo! Mara ngav̄i ɗe natsaha ningulidze wana waho mauri kuhu ingulidzao wana wahe moni na maɓawa yahe, ne kwakuɓali!

MATIYO 8:29

Ɓas, waandrisa ulatsa keme na urongoa: «Usuritsaha na trini, wawe Mwana wa Mungu? Uja v̄anu uritrese kaɓula raha wakati kawapara?»

MAV̄INGIZI-RISALA 4:2

Wakotukiwa iv̄o wale wakosomedza idunia ile na ujudza, ha ulawana na Insa, umuregezeo hayi wa wafu.

MATIYO 2:2

wadzisa: «A hav̄i umwana adzalwa amba ɗe umufalume wa yaMayahudi|Mayahudi? Mana riono nyora yahe mashiriki, ɗe raja rimusudjudiye.»

MATIYO 2:4

Ɓas, angulidza piya yaMatolezi Maɓole ya Masadaka|Mutolezi-Masadaka na yaMafundi ya Sharia ya wanyewe itsi, awatafiti v̄uv̄ahanu Kristi akoja adzalwe.

MATIYO 24:6

Mutsokia haɓari zahusu kondro, na ari-ari za kondro, ɓadi mwasudzilishe mwangiliwa na trisidzo. Mana izo zilazimu zihidjiri, ɓadi raha kautsoka amba ɗe umwiso.

MARKUSI 13:7

Mwamokia kondro na keme za kondro, musushange. Izo zilazimu zihidjiri, ɓadi raha uwo kautsoka amba ɗe umwiso.