MATIYO 2:2 - Ha`bari Ndjema ya I Maore

² wadzisa: «A hav̄i umwana adzalwa amba ɗe umufalume wa yaMayahudi|Mayahudi? Mana riono nyora yahe mashiriki, ɗe raja rimusudjudiye.»

MATIYO 2:2 Referans Kwoze

MUV̄ENULIO 22:16

Wami Insa tsimuv̄elesheani malayika yangu imutoleyeni ushahidi trongo zini zahusu ziDjama Ndziwaminifu. Wami ɗe umutse amma ishilembwe ya Daudu, inyora ya alifadjiri iwalao.»

YUHANI 18:37

Ɓas, Ɓilatusa amuambia: «V̄av̄o wawe mufalume?» Insa adjiɓu: «Wawe ɗe uirongoao, wami mufalume. Wami tsidzalwa, tsija ulemenguni v̄anu, ɗe ha wami ulawia ushahidi ukweli. Mutru yotsi alio wa ukweli, uvulishia ji langu.»

MAHEƁRANIYA 1:6

Na tsena, uv̄eleha yahe umudzalwa wa handra uwo ulemenguni, arongoa: «Piya zimalayika za Mungu nazimuãɓudu.»

LUKASI 23:38

Uju na waye v̄uka muangishio wakorongoa zini: Unu ɗe uMufalume wa yaMayahudi.

LUKASI 23:3

Wakati ule Ɓilatusa arongoa ha umudzisa: «Hali wawe ɗe Mufalume wa yaMayahudi?» Insa amudjiɓu: «Uirongoa.»

YUHANI 5:23

pare watru piya wahishimu uMwana mauri ɗe inamuna wamuhishimuo waye Ɓaɓa. Mutru kahishimu uMwana, v̄av̄o waye kahishimu Ɓaɓa, ule amuv̄eleha.

YUHANI 1:49

Wakati ule Natanaeli amuambia: «Fundi, wawe ɗe uMwana wa Mungu, wawe ɗe uMufalume wa Israila.»

LUKASI 19:38

Wakorongoa: «Naɓarikishihe umufalume ajao ha lidzina la Mola! Amani mbinguni, na utukufu hari mwa maɓandza ya uju rahana uju!»

LUKASI 2:11

Mana leo ini, hari mwa liɗago la Daudu, mudzaliwa Muhuyifu, ne ɗe Kristi, Raɓi watru.

YUHANI 9:38

Sa ile arongoa: «Nisuamini Raɓi.» Amwesa amusudjudia.

YUHANI 19:19

Ɓilatusa afanya muangishio, autria hari mwa umuri wa pawa ule; uka uangihwa zini: «Insa wa Nazareti, uMufalume wa yaMayahudi.»

YUHANI 12:13

Ɓas, warenge mahuri, wandre wamurenge ha ushelemedza: «Hozana! Naɓarikishihe uwo ajao ha lidzina la Mola, uMufalume wa Israila!»

MATIYO 27:11

Insa av̄elehwa mbeli za dhwamana wa daula. Ɓas, dhwamana ule amudzisa: «Hali wawe ɗe Mufalume wa yaMayahudi?» Insa amudjiɓu: «Wawe ɗe uirongoao.»

YUHANI 20:28

Sa ile Tomasi amudjiɓu: «Raɓi wangu, tsena Mungu wangu!»

MATIYO 21:5

«Namuambiye mwana mutrumushe wa Siyuna: ‹Tsuwo umufalume waho asuhujilia na utrulivu, apandra pundra, mwana-pundra, mwana wa shinyama itrikao.› »

MATIYO 2:3

Wakati Mufalume Hirudu akia trongo zile, ahafiliha iroho v̄umoja na piya iYerusalemu.