MATIYO 2:11 - Ha`bari Ndjema ya I Maore

¹¹ Wangia moni na inyumba, waono umwana na mayahe Mariama. Sa ile wavundzu malondro, wamusudjudia. Amwesa waɓulia midzo yawo, wamutamania zawadi: dhahaɓu, udi, na marashi ya miru.

MATIYO 2:11 Referans Kwoze

LUKASI 2:16

Ɓas walawa, ha uharaka wandre hule, wamupara Mariama na Yusufu, v̄umoja na umwanazaza ule aladzwa moni na shiya ya zahula za zinyama.

MATIYO 2:2

wadzisa: «A hav̄i umwana adzalwa amba ɗe umufalume wa yaMayahudi|Mayahudi? Mana riono nyora yahe mashiriki, ɗe raja rimusudjudiye.»

MUV̄ENULIO 19:10

V̄ale tsidzivutsu mindruni hayo ha uiãɓudu. Ɓadi iniambia: «Usufanye trongo iyo. Wami murumishi munyaho, na wa wananya waho wav̄ingao ushahidifu wa Insa. Muãɓudu Mungu! Mana ushahidifu wa Insa ɗe ulio iroho ya yamarongozi ya shi mutrume yashukidziwa.»

MATIYO 14:33

Wale waka moni na lidjahazi wamunyamisia na urongoa: «Kweli, wawe ɗe uMwana wa Mungu.»

MUV̄ENULIO 5:8

Wakati arenga ishio, ziumbe nne zendza roho zile v̄umoja na uwadzaɗe shirini na wanne wale wasudjudia mbeli za uMwana Ɓariɓari. Kula moja aka asiki dzendze na zikombe za dhahaɓu zaka zajaya uɓani, ulio ɗe yamamilio ya watwaharifu.

LUKASI 2:38

Wakati ɗe uwo ule, angia v̄ale wajau, akomutukuza Mungu na umurongoa Insa ha piya wale wakolindra ukombozi wa Yerusalemu.

MATIYO 1:18

Tsini inamuna umudzalio wa Insa-Kristi waja. Mayahe Mariama aka arumidziwa na Yusufu. Ɓadi kaɓula ya wao ufungia, adzipara na hamili yaja ha ushindzi wa iRoho Ndzitwaharifu.

MATIYO 2:10

Uona yawo inyora ile, wangiliwa na furaha ha kusudi.

MATIYO 12:46

Wakati Insa raha akolagua na idunia ile, mayahe na wananyahe wawaswili v̄ondze hule, wakotsaha walaguwe na waye.

YUHANI 19:39

Nikodemu, ule nyumeni hule aka amujilia Insa uku, aja wajau, av̄ingi mutsanganisio wa manukatro wapara ziv̄imo miya jauleni za miru na aloye.