MATIYO 17:9 - Ha`bari Ndjema ya I Maore

⁹ Iv̄o wakoshuka mulimani hule, Insa awafahamisha zini: «Musuambiye ata mutru nida ile mwaiona, mupaka uMwana wa Mwanadamu|Mwana wa Mwanadamu aregezewe hayi ulawa ha uwafu.»

MATIYO 17:9 Referans Kwoze

MARKUSI 8:30

Sa ile Insa awafahamisha ha kusudi wasuambiye ata mutru yamuhusu.

LUKASI 8:56

V̄ale wadjemazahe wa umwana mutrumushe ule washanga. Ɓadi awaɓalidza wasuambiye mutru atsokao yotsi trongo zile zahidjiri.

MATIYO 17:23

Watsomuula, na isuku ya raru atsoregea hayi.» Sa ile wangiliwa na hamu ya kusudi.

MATIYO 17:12

Ɓadi nisumuambiani amba Eliya madza aja, wala kawamujua, amwesa wamurendre piya izo wav̄endza. Ha inamuna iyo wajau uMwana wa Mwanadamu atsoondesheha mihononi hawo.»

MATIYO 8:20

Insa amudjiɓu: «Pahavuɓa zina magumbo, na zinyunyi za hawani zina mahara; ɓadi uMwana wa Mwanadamu|Mwana wa Mwanadamu kasina v̄ahanu v̄wa uladza ishitswa yahe.»

MATIYO 8:4

Insa amuambia: «Fahamu, usuambiye ata mutru trongo izo. Ɓadi endra wadzionese ha Mutolezi-Masadaka, utowe lisadaka laãmurishiwa na Musa, ile ike ushahidifu mbeli zawo.»

MATIYO 12:16

Ɓadi awafahamisha wasumujudze ha watru.

MATIYO 17:8

Sa ile wadzua yamatso, kawaona mutru neka tsi ɗe Insa weke.

MATIYO 17:20

Awadjiɓu: «Mana uaminifu wanyu wa mushashi. Nisumuambiani ha kweli, na djeli mukana uaminifu, wala ukana mutiti mauri ɗe ititi hari mwa zimbia, mwatsoãmurisha mulima unu ulawe v̄ahanu ulio, wendre v̄wangina, na uwo utsendra; kav̄u yotsi yatsomushindraoni.

MATIYO 17:22

Wakati waka v̄umoja Galilaya, Insa awaambia: «*uMwana wa Mwanadamu asendra av̄elehwe mihononi ha wanadamu.

LUKASI 9:36

Wakati liji lakilihana, Insa adzipara weke. Maswihaɓa yale yaɓuriha, wala hari mwa zisuku zile kawaambia mutru atsokao yotsi ata trongo hari mwa zile waka waziona.