MATIYO 17:3 - Ha`bari Ndjema ya I Maore

³ Sa ile Musa na Eliya wav̄enuha mbeli zawo, wakolagua na waye.

MATIYO 17:3 Referans Kwoze

LUKASI 24:44

Amwesa awaambia: «Zini ɗe nakomuambianizo wakati raha naka v̄umoja na wanyu, amba piya trongo zanihusu zaangihwa moni mwa iSharia ya Musa, yimitrume na iZaɓuri, zilazimu zitsimidzihe.»

MARKUSI 9:4

Sa ile Eliya na Musa wawav̄enushia, wakolagua na Insa.

LUKASI 24:27

Ɓas, ha uandrisa na Musa na piya yimitrume, awaeledza zitrongo zaangihwa zapatana na waye moni na piya yimiangishio.

LUKASI 16:16

«Wakati wa iSharia na yimiangishio ya yimitrume uka ata upara Yahaya. Rangu v̄av̄o Utawalizi wa Mungu ujudziwa, na kula mutru asurumia nguvu ile aungiye.

LUKASI 9:33

Wakati watru wale wakomuɓaushia Insa, Monye amuambia: «Fundi, hairi iv̄o rilio v̄anu. Nariwahe maɓanga mararu, moja laho, moja la Musa, na moja la Eliya.» Ɓadi v̄ale kakojua itrongo akoirongoa.

LUKASI 1:17

Atsomutrangulia ha iroho na ushindzi wa Eliya, ile agaudze roho za maɓaɓa ha uwana, na wakaidi ha ihikima ya watuĩvu, ile amurengeledzeye Mola umati watayarishiwa.»

YUHANI 1:17

Mana iSharia ika iv̄olwa ha ndzia ya Musa, ɓadi ineema na ukweli zija ha ndzia ya Insa-Kristi.

MATIYO 17:2

Na hule agauha mbeli zawo: sura yahe yakowala mauri ɗe lijua, na nguo zahe zifanyiha ndjeu, zakov̄ev̄ena mauri nuru.

MATIYO 17:4

Ɓasi v̄ale Monye arenge umurongo, amuambia Insa: «Raɓi, ija fetre iv̄o rilio v̄anu; neka usutsaha, nitsowaha maɓanga mararu v̄anu, moja laho, moja la Musa, na moja la Eliya.»