MATIYO 16:1 - Ha`bari Ndjema ya I Maore

¹ Watru wa ishama ya Mafarisayo na ya Masadukayo wamujilia Insa. Ha utsaha wamudjereɓu, wamuambia awaonese ãlama ya midjuza ilawao ha Monyewe ziMbingu. [

MATIYO 16:1 Referans Kwoze

LUKASI 11:16

Na wasalia, ha umudjereɓu, watsaha awaonese ãlama ya midjuza yalawa mbinguni.

MAV̄INGIZI-RISALA 4:1

Monye na Yuhani waka ju la uhutuɓia idunia, ɗe wajiliwa na yaMatolezi-Masadaka|Mutolezi-Masadaka, shitswa wa yamagogezi ya iNyumba Ndzitwaharifu na watru wa ishama ya Masadukayo.

MATIYO 16:6

Insa awaambia: «Namudzifahamishe, tsena mutahadhari ilalive ya Mafarisayo na ya Masadukayo.»

1 MAKORINTIYO 1:22

Mayahudi wasutsaha waone ãlama za midjuza na yaMagiriki wao, wasuzunguha hikima,

YUHANI 8:6

Na v̄ale wakomuambia zile pare wamudjereɓu, mana wakotsaha trongo ya umusingidzia. Ɓadi Insa anyama, akoangiha v̄otsi ha isha yahe.

MAV̄INGIZI-RISALA 5:17

Ɓas, uMuɓole wa yaMatolezi-Masadaka|Mutolezi-Masadaka na piya wao waka v̄umoja na waye, yaãni, watru wa ishama ya Masadukayo, wahimi na uwivu wawo,

LUKASI 20:27

Ɓaãdhwi ya watru wa ishama ya Masadukayo, wale warongoao amba kav̄u muregezeo hayi ulawa ufaju, wamukuruɓia Insa, wamudzisa suala lini:

LUKASI 20:23

Ɓadi Insa ɓaanda awaelewa na ziãkili zawo, awaambia:

LUKASI 10:25

Ɓas, v̄uhimi mutaãlamu wa Sharia, amuambia Insa ha umudjereɓu: «Fundi, trini ɗe yalazimu niifanye ile nipare uhayati mukamilifu?»

MARKUSI 12:18

Watru wa ishama ya Masadukayo, wale warongoao amba kav̄u muregezeo hayi, wamujilia Insa, wamudzisa suala lini:

MARKUSI 12:15

Insa ɓaanda akojua unafiki wawo, awadjiɓu: «Manatrini munidjereɓuo? Namuniv̄ingiye roni turuturu ya marike niione.»

MARKUSI 10:2

Ɓas, ɓaãdhwi ya watru wa ishama ya Mafarisayo waja ile wamudjereɓu. Wamudzisa neka iruhusiwa mutruɓaɓa afunguwe mushe wahe.

MATIYO 27:62

iSuku yaɗunga, ne ɗe isuku iɗungao ile ya Matayarisho, yaMatolezi Maɓole ya Masadaka|Mutolezi-Masadaka na watru wa ishama ya Mafarisayo wandre ha djimla wamupara Ɓilatusa,

MATIYO 23:2

«Mafundi ya Sharia na Mafarisayo wadhwaminishiwa iSharia ya Musa.

MATIYO 22:23

Suku ɗe wiyo ile, v̄uka ɓaãdhwi ya watru wa ishama ya Masadukayo warongoao amba kav̄u trongo ya muregezeo hayi ulawa ha uwafu, wamujilia Insa, wamudzisa suala lini:

MATIYO 22:18

Ɓadi Insa iv̄o akowajua na upeu wawo, adjiɓu: «Wanyu wanafiki! Manatrini munilimbiao utra?

MATIYO 22:15

Ɓas, watru wa ishama ya Mafarisayo wakwendra wapange namuna ya umulimbia Insa utra ata wamusike hari mwa marongozi yahe.

MATIYO 19:3

Ɓas, watru wa ishama ya Mafarisayo wamujilia ile wamudjereɓu. Wamudzisa: «Hali iruhusiwa mutru ufungua mushe wahe ha siɓaɓu itsokao yotsi?»

MATIYO 15:1

Ɓas, watru wa ishama ya dini ya Mafarisayo na Mafundi ya Sharia wamujilia Insa ulawa Yerusalemu, wamuambia:

MATIYO 12:14

Ɓasi watru wa ishama ya Mafarisayo waka v̄ale walawa, wakwendra wapange namuna ya umuangamidza Insa.

MATIYO 9:11

Wakati watru wa ishama ya Mafarisayo waona trongo zile, wadzisa maswihaɓa yahe: «Manatrini fundi wanyu aɗyao v̄umoja na maliv̄isa-latete na mafanyizi-madhambi?»

MATIYO 5:20

Ɓasi nisumuambiani, neka utuĩvu wanyu kausuv̄iria wa Mafundi ya Sharia na Mafarisayo, kamutsongia ata hata hari mwa Utawalizi wa Monyewe ziMbingu.»